Տավուշի մարզի Ազատամուտ համայնքի ԻՄՓԱՔԹ երիտասարդական ակումբը, որն ունի գրեթե 2 տարվա պատմություն, հաջողված պատմությունների շարքը համալրեց ևս մեկով։ Ս.թ. փետրվարի 25-26-ը ակումբը իրականացրեց համայնքային ծառայության թվով 4-րդ ծրագիրը «Հոգատար ԻՄՓԱՔԹ» անվամբ։ Ծրագիրն ընդգրկում էր կրթական, մարզական և ժամանցային բաղադրիչներ և ուղղված էր համայնքի 9-12 տարեկան երեխաներին։ Քանի որ ակումբն ավարտել է «Առաջնորդում» ուսումնական ձեռնարկի ուսումնասիրությունը, անդամները հանդես եկան որպես կրտսեր առաջնորդներ՝ խմբավարելով օրակարգով նախատեսված գործողությունները։
Առաջին օրը ակումբականները շնորհանդեսի օգնությամբ ներկայացրին ակումբի ամփոփ գործունեությունը, ձեռագործության և նկարչության հմտություններ ուսանեցին երեխաներին, կազմակերպվեց շախմատի և շաշկիի մրցաշար, որի ավարտին ավագույն 3 խաղացողները պարգևատրվեցին համապատասխան մեդալներով, պատվոգրերով և նվերներով։ Անցկացվեց նաև «Մաքուր ձեռքեր» խորագրով դասընթաց, որի ժամանակ երեխաներին ակումբականները բացատրեցին, թե ինչպես պետք է ճիշտ լվանալ ձեռքերը և հետևել հիգիենային, ինչպես նաև երեխաներն ստացան <<Ինչպե՞ս լվանալ ձեռքերը>> թռուցիկներ։ Ամենն ուղեկցվեց ակտիվացնող խաղերով, իսկ օրը ամփոփվեց մուլտֆիլմի դիտումով։
Ծրագրի երկրորդ օրը կազմակերպվեց սպորտլանդիա, որի արդյունքում հաղթող թիմի անդամները պարգևատրվեցին մեդալներով և պատվոգրերով։ Ապա ակումբականները և ծրագրի մասնակից երեխաները համատեղ ուժերով բարեկարգեցին համայնքի մանկական զբոսայգին՝ փոքրիկներին ուսուցանելով կամավորության կարևորությունը: Զբոսայգու բարեկարգմանը միացան նաև համայնքի տարբեր տարիքի երեխաներ:
Վերջում ծրագրին մասնակից երեխաները, որպես նվերներ, ստացան դպրոցական և գրենական պարագաներ։
Տպավորություններով կիսվում է 11-ամյա Էրիկը. «Ուրախ եմ, որ մասնակցեցի ԻՄՓԱՔԹ ակումբի կողմից կազմակերպված այս ծրագրին և շատ կարևոր բաներ սովորեցի, լավ խաղեր խաղացինք»։ Իսկ 10-ամյա Հասմիկը ոգևորությամբ նշեց. «Շատ շնորհակալ եմ, որ, բացի գիտելիքից, այսքան նվերներ ստացա, շնորհակալ եմ ԻՄՓԱՔԹ ակումբից»։ Ակումբի անդամ 16-ամյա Արսենը, ով վարում էր շախմատի մրցաշարը, նշում է. «Համայնքում չկա շախմատի խմբակ, և ծրագրով հնարավորություն ընձեռնվեց երեխաներին՝ շախմատ խաղալու և միմյանց մրցելու համար»։ «Շատ ողջունում եմ ծրագիրը, շնորհակալ եմ, որ երեխաս ևս մասնակցեց, բավականին տպավորված և ոգևորված է, կցանկանայի, որ նման միջոցառումները հաճախ լինեն». նշեց 11-ամյա Թինայի մայրը՝ Անուշ Ղարդաշյանը:
Տավուշի մարզի մյուս համայնքներում գործող ԻՄՓԱՔԹ ակումբները ևս այս ընթացքում կիրականացնեն համայնքային ծրագրեր:
ԻՄՓԱՔԹ ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: 2016թ. դրությամբ մոտ 33 ակտիվ ԻՄՓԱՔԹ ակումբներ էին գործում Հայաստանի 6 մարզերում, որոնք ունեն ավելի քան 500 անդամ: Նպատակն է համախմբել երիտասարդությանը ԻՄՓԱՔԹ խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ: Այն ստեղծագործաբար միավորում է զվարճանքը, ուսուցումը և համայնքային ծառայությունը, նաև խրախուսում է երիտասարդներին` նրանց տրամադրելով սոցիալական, քաղաքական և տնտեսական կյանքում մասնակցելու անհրաժեշտ ունակություններ և կարողություններ:
Անի Միրզոյան
Ազատամուտի ԻՄՓԱՔԹ ակումբի առաջնորդ
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ