ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Երևանում կայացած IBA-ի կոնգրեսում Ումար Կրեմլյովը վերահաստատվել է Բռնցքամարտի միջազգային ասոցիացիայի նախագահի պաշտոնում

Սեպտեմբերի 26, 2022
Միջազգային լուրեր Սպորտային լուրեր

Կարեն Դեմիրճյանի անվան մարզահամերգային համալիրում սեպտեմբերի 25-ին կայացել է Բռնցքամարտի միջազգային ասոցիացիայի (IBA) արտահերթ կոնգրեսը:

Կոնգրեսին մասնակցել են ՀՀ վարչապետի աշխատակազմի ղեկավար Արայիկ Հարությունյանը, ԿԳՄՍ նախարարի տեղակալ Կարեն Գիլոյանը, Հայաստանի բռնցքամարտի ֆեդերացիայի նախագահ Հովհաննես Հովսեփյանը, Բռնցքամարտի միջազգային ասոցիացիայի (IBA) գործող նախագահ Ումար Կրեմլյովը, տարբեր երկրների բռնցքամարտի ֆեդերացիաների նախագահներ, ներկայացուցիչներ։

Ողջունելով կոնգրեսի անդամներին՝ ՀՀ վարչապետի աշխատակազմի ղեկավար Արայիկ Հարությունյանն ուրախությամբ փաստել է՝ Հայաստանն այս տարի դարձել է բռնցքամարտի համաշխարհային կենտրոններից մեկը. «Մայիսին մենք հյուրընկալել էինք բռնցքամարտի Եվրոպայի առաջնությունը, որը, կարծում եմ, մեր գործընկերները կհիշեն դեռ երկար տարիներ: Այսօր էլ հյուրընկալում ենք Բռնցքամարտի միջազգային ասոցիացիայի կոնգրեսը: Ողջունում եմ կոնգրեսի մասնակիցներին և մաղթում արդյունավետ աշխատանք:

ՀՀ կառավարությունը մեծ ուշադրություն է դարձնում սպորտին: Եվ, ի վերջո, պետք է խոստովանենք, որ սպորտը նաև խաղաղություն է բերում աշխարհին: Պատահական չէ, որ օլիմպիական խաղերի ժամանակ բազմաթիվ կոչեր են հնչում, հենց այդ օրերին էլ ամբողջ աշխարհում խաղաղություն է հաստատվում: Ես ցանկանում եմ, որ միջազգային մարզական միջոցառումներն այնքան շատ լինեն, որ ամբողջ աշխարհում մշտապես խաղաղություն հաստատվի»:

Օրակարգի առանցքային թեման IBA-ի նախագահի նոր ընտրություններ անցկացնել-չանցկացնելու հարցն էր։ Այս տարվա մայիսին Ստամբուլում կայացած կոնգրեսում Ումար Կրեմլյովն առանց մրցակցության ընտրվել էր IBA-ի նախագահ, քանի որ միակ թեկնածուն էր։ Երկրորդ թեկնածուի՝ Նիդեռլանդների բռնցքամարտի ֆեդերացիայի նախագահ Բորիս վան դեր Վորստի մասնակցությունը կասեցվել էր քարոզարշավի կանոնները խախտելու համար: Այնուամենայնիվ, հետագայում Լոզանի մարզական արբիտրաժային դատարանը (CAS) արդարացրել էր Վորստին, որից հետո IBA-ի տնօրենների խորհուրդը որոշել էր անցկացնել ևս մեկ արտահերթ համագումար՝ վերընտրությունների վերաբերյալ որոշում կայացնելու համար։

Երևանում կայացած կոնգրեսում, սակայն, ազգային ֆեդերացիաների ներկայացուցիչները դեմ են քվեարկել նոր ընտրությունների անցկացմանը, երկրորդ քվեարկություն տեղի չի ունեցել և Ումար Կրեմլյովը վերահաստատվել է IBA-ի նախագահի պաշտոնում՝ 4 տարի ժամկետով։ Քվեարկությանը մասնակցել է 146 ազգային ֆեդերացիայի ներկայացուցիչ, որից 106-ը դեմ են քվեարկել նոր ընտրությունների անցկացմանը, 36-ը՝ կողմ, 4-ը՝ ձեռնպահ:

«Շնորհակալ եմ Հայաստանին այս ջերմ ընդունելության համար: Ուրախ եմ, որ Հայաստանը դարձել է համաշխարհային բռնցքամարտի կենտրոն: Ինձ համար Երևանն իսկական պատմական քաղաք է: Այն այլևս կնշանավորվի նաև իմ՝ այստեղ նախագահի պաշտոնում վերահաստատվելով»,- ասել է Կրեմլյովը միջազգային ասոցիացիայի նախագահի պաշտոնում վերահաստատվելուց հետո։

Ումար Կրեմլյովը նաև ընդգծել է, որ IBA-ն անկախ և ուժեղ կազմակերպություն է. «Բռնցքամարտի աշխարհը պետք է մտածի վաղվա օրվա մասին, որպեսզի պարզ ճակատով նայի այն երեխաների ու մարզիկների աչքերին, որոնք ընտրել են այս մարզաձևը: Բռնցքամարտի միջազգային ասոցիացիան ջանք ու եռանդ չի խնայելու, որ բռնցքամարտը դառնա աշխարհի ամենամասսայական, ամենապահանջված և մեծ հետաքրքրություն վայելող մարզաձևերից մեկը»:

ԿԳՄՍ նախարարի տեղակալ Կարեն Գիլոյանն էլ նշել է․ «Մեզ համար մեծ պատիվ է այսպիսի խոշոր, միջազգային կոնգրես անցկացնելը։ Երբ կոնգրեսի մասնակիցները միաբերան ասում են, որ ամեն ինչ հիանալի է կազմակերպված, դա արդեն իսկ հպարտություն է։ Եվրոպայի առաջնությունից հետո մենք ապացուցում ենք, որ կարող ենք անցկացնել ոչ միայն մրցումներ, այլև այսպիսի խոշորամասշտաբ միջոցառումներ։

Ինչ վերաբերում է ընտրությունների արդյունքներին, ապա պետք է նշեմ՝ մենք Ումար Կրեմլյովի հետ արդեն իսկ աշխատել ենք։ Եվրոպայի առաջնության անցկացումից հետո ունենք պայմանավորվածություն․ մեզ են վստահելու նաև աշխարհի առաջնության անցկացումը։ Ուրախ եմ այս ընտրության համար։ Վստահ եմ՝ Հայաստանը բռնցքամարտի միջազգային մրցումներ դեռ շատ է ընդունելու, և դրանք անցկացվելու են ամենաբարձր մակարդակով»։

 

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…