ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Պետական աջակցությամբ վիրահայ երիտասարդները ճանաչողական այց են կատարել Հայաստանի պատմամշակութային վայրեր

Սեպտեմբերի 20, 2022
Լուրեր կազմակերպություններից

ՀՀ կրթության, գիտության, մշակույթի և սպորտի նախարարության աջակցությամբ վիրահայ 25 երիտասարդների համար կազմակերպվել է համահայկական ճանաչողական չորսօրյա այց Հայաստանի պատմական, մշակութային և հոգևոր վայրեր:

Միջոցառման նպատակն էր հայկական արժեքների ճանաչողության միջոցով վիրահայ երիտասարդներին Հայաստանն առավել ճանաչելի դարձնելն ու հայապահպանությանն օժանդակելը:

Միջոցառման մասնակիցների ընտրությունը կատարվել է Վիրահայոց թեմի հետ համագործակցությամբ:

Հայաստան այցի շրջանակում վիրահայ երիտասարդները հանդիպել են ՀՀ ԿԳՄՍ նախարարության ներկայացուցիչների հետ՝ գործընկերային կապերի հաստատման և հետագա համագործակցության խթանման նպատակով:

Նրանց ընդունել է Երիտասարդական քաղաքականության, լրացուցիչ և շարունակական կրթության վարչության պետ Զարա Ասլանյանը. «Նմանօրինակ միջոցառումները լավ հնարավորություն են երիտասարդների համար՝ ճանաչելու արմատները, իրենց պատմական արժեքները, ինչը կխթանի, որ նրանք իրենց բնակության երկրում առավել համախմբված լինեն»:

Երիտասարդներն էլ իրենց հերթին պատմել են Հայաստանում ունեցած իրենց տպավորությունների մասին: Նրանց հատկապես հիացրել է Սևանա լիճը, որը, ըստ նրանց, իրականում ավելի չքնաղ է, քան լուսանկարներով, իսկ չափերով անհամեմատելի է Փարվանա լճի հետ: Երիտասարդներն առանձնակի հիացմունքով են խոսել Մատենադարանի մասին՝ նշելով, որ այս եզակի կառույցը հնարավորինս պետք է ճանաչելի դառնա օտարների շրջանում նաև իրենց ջանքերով: Երիտասարդները վստահություն են հայտնել, որ նաև ընկերների հետ շարունակաբար կայցելեն Հայաստան:

ԿԳՄՍՆ ներկայացուցիչները տեղեկացրել են, որ ծրագիրը շարունակական է, երիտասարդներն ապագայում ևս հնարավորություն են ունենալու այցելել Հայաստան:

Վիրահայ երիտասարդներին ներկայացվել են նաև երիտասարդության ոլորտում իրականացվող պետական ծրագրերը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • The concept of blended learning

    Թեմայի հեղինակ՝ Kristine Charchyan

    Բարև ձեզ, նոր թեմա եմ բերել Եկեք քննարկենք The concept of blended learning For many years Traditional teaching has been the main model of education. Traditional teaching may be defined…

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…