ԿԳՄՍ նախարարի տեղակալ Ժաննա Անդրեասյանը մասնակցել է Եվրոպայի խորհրդի լանդշաֆտի կոնվենցիայի ու Քաղաքաշինության կոմիտեի համատեղ մշակված «Բնապահպանական կրթական գործողություններ տարրական դպրոցների համար» մանկավարժական գրքույկի՝ ՀՀ մարզերի դպրոցներին տրամադրելու միջոցառմանը:
Միջոցառմանը ներկա են եղել Քաղաքաշինության կոմիտեի նախագահի տեղակալ Նունե Պետրոսյանը, ԿԳՄՍՆ հանրակրթության վարչության պետ Արսեն Բաղդասարյանը, կոմիտեի այլ անդամներ և ՀՀ մարզպետարանների ներկայացուցիչներ:
Ժաննա Անդրեասյանը, շնորհակալություն հայտնելով համագործակցության համար, նշել է, որ գրքույկը բովանդակային առումով համահունչ է հանրակրության նոր չափորոշչին. «Լանդշաֆտի եվրոպական կոնվենցիայի իրագործման աշխատանքների շրջանակում կրթական չափորոշչով արված այս հետազոտությունը շատ կարևոր է և օգտակար է մեր աշակերտների համար, քանի որ նրանք ձեռք են բերում նոր գիտելիքներ լանդշաֆտի վերաբերյալ։
Այս ուսումնական տարվա ընթացքում մեծածավալ աշխատանք է իրականացվելու գալիք ուսումնական տարվանից նոր չափորոշիչների տեղայնացմանը նախապատրաստվելու համար: Այդ նպատակով նախատեսվում են վերապատրաստումներ, բովանդակային քննարկումներ, իսկ 2023 թվականի սեպտեմբերից նոր չափորոշիչը տեղայնացվելու է նաև տարրական դասարաններում։
Կարծում եմ՝ լանդշաֆտների ուսումնասիրության վերաբերյալ այս գրքույկը հատկապես օգտակար կլինի «Ես ու շրջակա աշխարհը» առարկայի ուսուցման համար` ուսուցիչների ծրագրային խնդիրները լուծելու տեսանկյունից: Գրքույկը նաև միջառարկայական և ներառարկայական կապերն է ամրապնդում, ինչը նոր չափորոշչի կարևորագույն խնդիրներից է»։
Նախարարի տեղակալը կարևորել է նաև «Նախնական զինվորական պատրաստություն» առարկայի շրջանակում իրականացվող մարզառազմական ճամբարների կազմակերպումը, որոնց ընթացքում աշակերտներն ավելի լավ են ճանաչում հայրենիքը:
«Շեշտադրելով գործնական հմտությունների զարգացումը՝ մենք աշակերտներին հնարավորություն ենք ընձեռում արագ կողմնորոշվել տեղանքում և կիրառել ձեռք բերած հմտությունները։ Այս առումներով ևս գրքույկն օգտակար կլինի թե՛ աշակերտների, թե՛ ուսուցիչների համար»,- նշել է Ժ․ Անդրեասյանը։
Քաղաքաշինության կոմիտեի նախագահի տեղակալ Նունե Պետրոսյանը նշել է, որ գրքույկում դիտարկված են լանդշաֆտի հիմնախնդիրները. «Մեր նպատակն է խթանել աշակերտների հետաքրքրությունը լանդշաֆտի նկատմամբ: Գործողությունները վերաբերել են մի շարք թեմաների, որոնք իրականացվել են դպրոցի տարածքում և դրանից դուրս»,- նշել է Նունե Պետրոսյանը:
Միջոցառման ավարտին ԿԳՄՍ նախարարի տեղակալ Ժաննա Անդրեասյանն ու Քաղաքաշինության և ճարտարապետության վարչության խորհրդական Մարտուն Գրիգորյանը գրքույկները հանձնել են ՀՀ մարզպետարանների ներկայացուցիչներին:
Ամփոփվել են նաև ՀՀ-ում Լանդշաֆտի եվրոպական կոնվենցիայի իրագործման աշխատանքների շրջանակում կայացած «Լանդշաֆտի կոնվենցիա. կրթական բաղադրիչ» ազգային աշխատաժողովի արդյունքները:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ