ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Տրվել է «Արհեստական բանականության սերունդ» ծրագրի մեկնարկը

Սեպտեմբերի 1, 2022
Լուրեր կազմակերպություններից

ՀՀ կրթության, գիտության, մշակույթի և սպորտի նախարարությունում այսօր տեղի է ունեցել «Արհեստական բանականության (ԱԲ) սերունդ» (Generation AI) ծրագրի մեկնարկին նվիրված միջոցառումը:

Միջոցառման ընթացքում կողմերը՝ ի դեմս ՀՀ կրթության, գիտության, մշակույթի և սպորտի նախարար Վահրամ Դումանյանի և Հայաստանի գիտության և տեխնոլոգիաների հիմնադրամի (FAST) հիմնադիր տնօրեն Արմեն Օրուջյանի, ստորագրել են համագործակցության համաձայնագիր, որում ամրագրված են ծրագրի իրականացման հիմնական ուղղությունները։

Շնորհավորելով ներկաներին ծրագրի մեկնարկի կապակցությամբ՝ նախարար Վահրամ Դումանյանը նշել է, որ «Արհեստական բանականության (ԱԲ) սերունդ» ծրագրով հիմք կդրվի Հայաստանի մի շարք ավագ դպրոցներում արհեստական բանականության կրթության կազմակերպմանը, որի մեկնարկը կտրվի Տավուշի մարզից:

«Մենք պետք է մշակենք արդյունքների հետ կապված կրեդիտային համակարգին վերաբերող կարգավորումներ, որպեսզի այն աշակերտները, որոնք կանցնեն այս ծրագրով և բուհում կշարունակեն իրենց մասնագիտական կրթությունը, հնարավորություն ունենան դպրոցում ձեռք բերած գիտելիքները կրեդիտային տեսքով փոխանցել բուհական համակարգ»,- նշել է նախարարը և հավելել, որ այդ առումով, իհարկե, պետք է սերտ կապ ստեղծվի դպրոցի և բուհի միջև, որպեսզի կարգավորվեն փոխճանաչման և ծրագրերի համապատասխանեցման խնդիրները:

Վահրամ Դումանյանը խորհրդանշական է համարել, որ ծրագրի մեկնարկը տրվում է Գիտելիքի և դպրության օրը. «Մենք պարտավոր ենք զարգացնել այս ուղղությունը, որպեսզի ունենանք միջազգային չափանիշներին համապատասխան կրթական դաշտ, ճանաչելի, գնահատելի և ընդունելի լինենք միջազգային կրթական համակարգում»:

«Մենք շատ ենք կարևորում այս համագործակցությունը, քանի որ արհեստական բանականությունը դիտարկում ենք որպես առաջմղիչ ոչ միայն կրթական համակարգում ներդնելու, այլ նաև մեր աշակերտներին մրցունակ գիտելիք տրամադրելու առումով։ Շատ ուրախ ենք, որ այս համագործակցությունը կայանում է, և համատեղ ուժերով սկսում ենք ծրագրի փորձնական փուլը։ Հուսով ենք, որ շատ կարճ ժամանակում այն կտարածվի ամբողջ հանրապետության դպրոցներում, և մենք կկարողանանք միասին իրականացնել համակարգային փոփոխություն»,-նշել է FAST հիմնադրամի տնօրեն Արմեն Օրուջյանը:

ԿԳՄՍ նախարարի տեղակալ Ժաննա Անդրեասյանը փաստել է, որ ծրագիրն ամբողջությամբ կրթության ռազմավարության թիրախների շրջանակում է: Նրա խոսքով՝ Կառավարության ծրագրում և «Կրթության զարգացման՝ մինչև 2030 թվականը պետական ծրագրում» ԲՏՃՄ ուղղությանը հատկացվել է առանձնահատուկ դեր, և այդ ուղղությամբ կրթության որակի բարելավումը պետության առաջնային խնդիրներից է:

«Վստահ եմ, որ այս համագործակցության արդյունքում կարողանալու ենք էական որակական փոփոխություն արձանագրել, որովհետև դպրոցներում ներդնելու ենք նոր բովանդակություն և ծրագիր, ինչպես նաև՝ աշխատելու և սովորեցնելու նոր ձև: Եվ դա արհեստական բանականության դասընթացի միջոցով անելով՝ կարողանալու ենք թիրախային աշխատանք տանել երկրի համար գերակա համարվող ոլորտներից մեկում մասնագիտական և մարդկային ներուժի հետագա խթանման համար»,- շեշտել է նախարարի տեղակալը:

Ըստ Ժաննա Անդրեասյանի՝ ծրագրի շրջանակում էապես կբարելավվեն ուսուցիչների մասնագիտական կարողությունները: Նրա խոսքով՝ փորձնական ձևով հնարավոր կլինի իրականացնել նաև կրեդիտային ուսուցման կարգը՝ ավագ դպրոցում ուսուցումն առավել արդյունավետ դարձնելու նպատակով և դա կապելով հետագա մասնագիտական կրթության հետ. «Հուսով ենք՝ ծրագրի արդյունքում կունենանք առաջին կրեդիտները հավաքած սովորողներ, որոնք բուհում կկիրառեն դպրոցում ստացած գիտելիքները»:

Նշենք, որ «Արհեստական բանականության (ԱԲ) սերունդ» ծրագրի շրջանակում 2023 թվականի հունվարից Երևանի ու Տավուշի մի քանի ավագ դպրոցների աշակերտներ հնարավորություն կունենան ուսումնասիրելու խորացված մաթեմատիկա, ծրագրավորում, ծանոթանալու մեքենայական ուսուցման և խորը ուսուցման հիմունքներին, ինչպես նաև ստանալու անհրաժեշտ հմտություններ ու մասնագիտական կողմնորոշում՝ արհեստական բանականության (ԱԲ) հետազոտողի մասնագիտության հանդեպ հետաքրքրության բարձրացման և այս ուղղությամբ հետագա կրթությունը շարունակելու համար։

Ծրագիրն իրականացվում է ՀՀ ԿԳՄՍ նախարարության և Հայաստանի գիտության և տեխնոլոգիաների հիմնադրամի (FAST) համագործակցությամբ՝ ստեղծելով հարթակ՝ միավորելու կրթական կառույցների ու մասնավոր ոլորտի ջանքերն ու ծրագրերը։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • 9-րդ դաս. Բնագիտություն առարկայի քննությունը ուս. նախագծի միջոցով անցկացնելու մասին

    Թեմայի հեղինակ՝ manush

    ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…

  • Նախագծային ուսուցում. Հայեցակարգ և ուսուցիչների վերապատրաստման մոդուլ

    Թեմայի հեղինակ՝ manush

    Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…