Բարի գալուստ և արարումի սկիզբ

Սեպտեմբերի 1, 2022

Դպրոցական անցուդարձ

Սեպտեմբերի 1-ին Կապանի N5 հիմնական դպրոցը Հայաստանի Հանրապետության հիմնի հնչեցումով, պետական դրոշի բարձրացումով, Սյունիքի մարզպետ Ռ. Ղուկյասյանի շնորհավորական ուղերձով ազդարարեց նոր ուսումնական տարվա սկիզբը:

Դպրոցը տուն կանչող մոր նման անհամբեր սպասել է այսօրվան և տոն դարձրել այն:

Ուրախություն և քաղցր անհանգստություն է դպրոցում և ընտանիքներում:

Բարի առավոտի մաղթանքներ հաղորդվեց ծնողներին, ուսուցիչներին, սաներին և հյուրերին:  Հայ մնալու, հայեցի դաստիարակություն ստանալու առաջին հաստատուն քայլերն արեցին 1-ին դասարանցիները, որի համար պարարտ հող է ապահովել դպրոցի տնօրեն Սիրանուշ Հարությունյանը հմուտ մանկավարժների աջակցությամբ:

Եվս մեկ անմոռաց էջ գրվեց Կապանի N5 հիմնական դպրոցի կյանքում:  Բարի գալուստի և արարումի սկիզբ դրվեց գիտության դարբնոցում: Սկսնակ մանկավարժները «Հայ ուսուցչի երդումը» տրվեցին դպրոցի առջև և մանկավարժական բանակը համալրվեց նոր ուսուցիչներով:

Թող դպրոցի հյուրընկալ հարկի տակ շատ հայորդիներ գրաճանաչ դառնան, հայանան, կենդանի պահեն հայոց երկիրը գիտության ուժով և մեծ մարդիկ դառնան մեր պետության, մեր հայրենիքի համար:

Կապանի N 5 հիմնական դպրոց