2022/2023 ուսումնական տարվա մեկնարկին ընդառաջ՝ այսօր կայացել է Հայաստանի ֆիզիկական կուլտուրայի և սպորտի պետական ինստիտուտի՝ «Սպորտուս» հենակետային քոլեջի բացման հանդիսավոր արարողությունը։
Միջոցառմանը մասնակցել են ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը, ՀՖԿՍՊԻ ռեկտոր Դավիթ Խիթարյանը, քոլեջի տնօրեն Նելլի Սարգսյանը, ինստիտուտի պրոֆեսորադասախոսական անձնակազմը, ուսանողներ, ծնողներ:
Քոլեջում կրթությունն իրականացվելու է չորս մասնագիտություններով՝ «Ֆիզիկական կուլտուրա և սպորտ», «Բուժական մերսում», «Զբոսաշրջություն» և «Թիկնապահական գործ»։ «Սպորտուս» հենակետային քոլեջը կունենա շուրջ 95 սան:
ԿԳՄՍ նախարարի տեղակալ Կարեն Գիլոյանը, որը նաև ՀՖԿՍՊԻ հոգաբարձուների խորհրդի նախագահն է, ողջունելով ներկաներին՝ բարի երթ է մաղթել քոլեջի առաջին սաներին. «Հայկական սպորտային կրթության ասպարեզում այսօր իսկապես հետաքրքիր նորություն է տեղի ունենում: Սրա պահանջն իսկապես կար. միջին մասնագիտական կրթությունը շատ կարևոր օղակ է Հայաստանում և առհասարակ աշխարհում: Շատ կցանկանամ, որ այս քոլեջը համարվի լավագույն միջին մասնագիտական կրթօջախներից մեկը: Վստահ եմ՝ դիմորդները կստանան լավ կրթություն և նրանցից շատերը հետագայում արդեն իրենց ուսումը կշարունակեն Հայաստանի ֆիզիկական կուլտուրայի և սպորտի պետական ինստիտուտում»:
ՀՖԿՍՊԻ ռեկտոր Դավիթ Խիթարյանն էլ նշել է՝ այսօր նշանակալից օր է ոչ միայն քոլեջի սաների, այլև հենց Հայաստանի ֆիզիկական կուլտուրայի և սպորտի պետական ինստիտուտի համար:
«Բուհի 77-ամյա կենսագրության մեջ հենակետային քոլեջի բացումը նոր գիծ կհաղորդի ինստիտուտին, նոր կրթական միջավայր կձևավորի ուսանողության շրջանում»,- ասել է Դավիթ Խիթարյանն ու վստահություն հայտնել՝ ՀՖԿՍՊԻ քոլեջի տնօրենությունն ու պրոֆեսորադասախոսական անձնակազմը կանեն ամեն հնարավորը, որպեսզի քոլեջի սաներն ուսումնառության ընթացքում ստանան բավարար գիտելիք, ինչպես նաև կատարելագործեն իրենց մասնագիտական կարողությունները:
ՀՖԿՍՊԻ հենակետային քոլեջն իր առաջին սաներին ընդունում է վերակառուցված և վերանորոգված մասնաշենքում: Դավիթ Խիթարյանի խոսքով՝ մասնաշենքի այդ մասն ինստիտուտի ամենաանմխիթար հատվածն էր, բայց այժմ ամբողջությամբ վերանորոգվել է, շուտով կավարտվի նաև կահավորման գործընթացը: Ռեկտորի գնահատմամբ՝ ուսումնառության համար բարեկարգ պայմաններն ու ժամանակից կահավորումն անպայմանորեն նպաստելու են սաների արդյունավետ կրթության ապահովմանը:
Քոլեջի առաջին սաներին ողջունել և հաջող ուսումնական տարի է մաղթել նաև տնօրեն Նելլի Սարգսյանը:
Նշենք՝ «Սպորտուս» հենակետային քոլեջի առաջին սաների կազմում են տարբեր մարզաձևերի Հայաստանի հավաքականների 9 անդամներ, այդ թվում՝ Եվրոպայի մարմնամարզության երիտասարդների 2022 թվականի առաջնության կրկնակի փոխչեմպիոն Համլետ Մանուկյանը: Միջոցառման ընթացքում քոլեջի տնօրեն Նելլի Սարգսյանը 15-ամյա Համլետ Մանուկյանին է հանձնել պատվոգիր՝ Հայաստանի Հանրապետության մարզական պատիվը բարձր պահելու համար:
ԿԳՄՍ նախարարի տեղակալ Կարեն Գիլոյանը ռեկտոր Դավիթ Խիթարյանի և Նելլի Սարգսյանի ուղեկցությամբ ծանոթացել է քոլեջի ենթակառուցվածքային պայմաններին, եղել դասասենյակներում և ընթերցասրահում:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ