ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Օգոստոսի 25-26-ը Հայաստանի երիտասարդների պատվիրակությունը ԿԳՄՍՆ նախարարի տեղակալ Արթուր Մարտիրոսյանի գլխավորությամբ Ղրղզստանի Իսիկ Կուլի շրջանի Չոլպոն-Ատա քաղաքի «Ռուխ Օրդո» մշակութային կենտրոնում մասնակցել է ԱՊՀ և ԵԱՏՄ առաջին երիտասարդական ֆորումին:
Իր ձևաչափով աննախադեպ այս ֆորումը (ԵԱՏՄ երկրներից բացի՝ մասնակիցներ էին հրավիրված նաև ԱՊՀ երկրներից) տեղի է ունեցել նույն քաղաքում կայացած Եվրասիական միջկառավարական խորհրդի հերթական նիստին զուգահեռ։
Երիտասարդական ֆորումին մասնակցել են ԵԱՏՄ անդամ բոլոր պետություններից և ԱՊՀ երկրների շարքից՝ Ուզբեկստանից, ավելի քան 200 պատվիրակներ՝ երիտասարդ առաջնորդներ, ուսանողներ, ձեռներեցներ, պետական ծառայողներ, դիվանագետներ, երիտասարդ ստեղծագործողներ և այլն։
Ֆորումի նպատակն էր ընդլայնել անդամ պետությունների երիտասարդների միջև համագործակցության շրջանակը, միավորել ակտիվ երիտասարդներին, ինչպես նաև ստեղծել լրացուցիչ հնարավորություններ՝ նոր գաղափարների և նախաձեռնությունների պլանավորման և դրանց իրականացման նպատակով նոր կապերի ստեղծման համար։
Միջոցառման բացման արարողությանը պատվիրակություններին ողջունել են Եվրասիական տնտեսական հանձնաժողովի կոլեգայի նախագահ Միխայիլ Մյասնիկովիչը և Ղրղզստանի վարչապետ Ակիլբեկ Ժապարովը։ Վերջինս նշել է, որ ԱՊՀ և ԵԱՏՄ շրջանակում երիտասարդական օրակարգը եվրասիական ինտեգրման նոր ուղղություններից մեկն է։
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանի գլխավորած ՀՀ պատվիրակության կազմը բաղկացած է եղել 12 անձից․ պատվիրակության կազմում են եղել ՀՀ ԿԳՄՍՆ երիտասարդական քաղաքականության, լրացուցիչ և շարունակական կրթության վարչության պետի պարտականությունները կատարող Վերոնիկա Խորասանյանը, ՀՀ պետական կառավարման ակադեմիայի ռեկտոր Խաչատուր Ղազեյանը, երիտասարդներ ՀՀ ԱԳՆ-ից, ՀՀ 2022 թվականի երիտասարդական մայրաքաղաք հռչակված Հրազդանի համայնքապետարանի աշխատակազմից, Հայաստանի պետական տնտեսագիտական համալսարանից, Հայ-ռուսական համալսարանից, Ճարտարապետության և շինարարության Հայաստանի ազգային համալսարանից և «Դասավանդի՛ր, Հայաստան» կրթական հիմնադրամից։
Հայկական պատվիրակներն ակտիվ մասնակցել են ֆորումի բոլոր քննարկումներին, որոնք ընդգրկել են հետևյալ ուղղությունները՝ «երիտասարդ ձեռներեցներ», «երիտասարդ պետական ծառայողներ», «ստեղծարար երիտասարդներ» ու «կրթություն և հասարակական նախագծեր»։ Մասնակիցները հանդես են եկել տարաբնույթ առաջարկներով, կամավոր աշխատանք իրականացրել Իսիկ Կուլ լճի շրջակայքում և պարգևատրվել Ղրղզական Հանրապետության մշակույթի, տեղեկատվության, սպորտի և երիտասարդական քաղաքականության նախարար Ազամատ Ժամանկուլովի կողմից։
Ֆորումի առանցքային միջոցառումը դարձել է գործնական նախաճաշի շրջանակում տեղի ունեցած պատվիրակությունների ղեկավարների և երիտասարդների հանդիպումը ԵԱՏՄ երկրների կառավարությունների ղեկավարների տեղակալների հետ։ ՀՀ-ից հանդիպմանը մասնակցել է ՀՀ փոխվարչապետ Մհեր Գրիգորյանը։
Հանդիպման ժամանակ երիտասարդները երկրների բարձրաստիճան պաշտոնյաներին ներկայացրել են իրենց առաջարկությունները, որոնք առնչվել են կրթությանը, մշակույթին, սպորտին, կամավորությանը, ձեռնարկատիրությանը, տուրիզմին, նորարարությանը։ Մասնավորապես, Հայաստանի պետական տնտեսագիտական համալսարանի ասպիրանտ, երիտասարդ ձեռնարկատեր Հայկ Հարությունյանի առաջարկը վերաբերել է կրթության ոլորտին, այն է՝ ինչ քայլեր կարելի է ձեռնարկել առավել ստեղծարար, կրթված երիտասարդություն ունենալու համար։ ՀՀ պատվիրակն առաջարկել է մասնագիտական կրթության համակարգում ստեղծել առցանց կրթության նոր հարթակներ, ինչպես նաև մշակել և ներդնել արտադրական պրակտիկաների և փորձնակության ծրագրեր, որոնք ոչ միայն ուսանողների աշխատանքային առաջխաղացման համար, այլև երիտասարդ պետական ծառայողների, երիտասարդ մասնագետների, գիտնականների և դասախոսների համար ժամանակակից և հարմար գործիքներ կլինեն։ Մեկ այլ առաջարկությամբ երիտասարդ պատվիրակն առաջարկել է դիտարկել ԵԱՏՄ շրջանակում ակադեմիական փոխանակման ծրագրերի ստեղծման հնարավորությունը, որը կնպաստեր ԱՊՀ և ԵԱՏՄ միջավայրերում կրթության որակի բարձրացմանը, շարժունակության զարգացմանը և մշակութային կապերի ստեղծմանը։
Նախաճաշի ընթացքում երիտասարդների հնչեցրած առաջարկներին արձագանքել է ՀՀ փոխվարչապետ Մհեր Գրիգորյանը։
Երկու օրերի ընթացքում երիտասարդական ֆորումի մասնակիցների համար կազմակերպիչներն անցկացրել են նաև մշակութային միջոցառումներ՝ հյուրերին ներկայացնելով Ղրղզստանի մշակույթը, խոհանոցը, կենսակերպն ու ավանդույթները։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
