ՀՀ ԿԳՄՍ նախարար Վահրամ Դումանյանը և նախարարի տեղակալ Արթուր Մարտիրոսյանն այսօր մասնակցել են «Ներգրավված քաղաքացի» համալսարանական դասընթացի մասնակիցների վկայականների հանձնման արարողությանը: Միջոցառմանը մասնակցել է նաև ՀՀ-ում ԱՄՆ դեսպան Լին Մ․ Թրեյսին:
Դասընթացը միտված էր խթանելու քաղաքացիական ակտիվության, ժողովրդավարական կառավարման և մարդու իրավունքների ընկալմանը Հայաստանում՝ կիրառելով ժամանակակից ինտերակտիվ ուսուցման մեթոդներ։
Ողջունելով միջոցառման մասնակիցներին՝ նախարար Վահրամ Դումանյանը վերահաստատել է, որ ժողովրդավարության զարգացումն ու պահպանումը կախված են նաև քաղաքացիական կրթությունից։
«Անհատներն ինքնաբերաբար ազատ և պատասխանատու քաղաքացիներ չեն դառնում, ուստի կրթության կատարելագործման ճանապարհով պետք է հասնել ժողովրդավարական հասարակության իրազեկված և պատասխանատու քաղաքացու դիմագծի կերտմանը։ Պետք է գիտակցենք, որ կրթական բոլոր բաղադրիչների հիմքում քաղաքացիական և ժողովրդավարական կարողունակության զարգացումն է. սովորողը՝ որպես գիտակից քաղաքացի, պետք է իմանա իր իրավունքներն ու պարտականությունները և այդ գիտելիքները կիրառի կյանքում` ի շահ մեր երկրի և սեփական բարեկեցության»,- շեշտել է նախարարը:
Վահրամ Դումանյանը փաստել է՝ ի սկզբանե 4 բուհում մեկնարկած դասընթացը, հիմնվելով ինտերակտիվ մեթոդաբանության և դասավանդման նորարարական մոտեցումների վրա, մեծ հետաքրքրություն է առաջացրել երիտասարդների շրջանում: Դրա արդյունքում 2022 թվականին ևս 6 բուհ միացել է ծրագրին:
«Սա խոսում է ծրագրի արդյունավետության, կազմակերպիչների նախանձախնդրության, քաղաքացիական կրթության կազմակերպման գործում հանձնառության բարձր մակարդակի գիտակցման մասին»,- ասել է նախարարը՝ շնորհակալություն հայտնելով ԱՄՆ Միջազգային զարգացման գործակալությանը և Ընտրական համակարգերի միջազգային հիմնադրամի հայաստանյան գրասենյակին՝ ծրագրի արդյունավետ իրականացման համար։
Վահրամ Դումանյանը նաև շնորհավորել է դասընթացի շրջանավարտներին և նրանց մաղթել հաստատակամություն ու տոկունություն՝ ստացած կայուն գիտելիքներն ու հմտություններն ի նպաստ Հայաստանի ծառայեցնելու համար:
Միջոցառման մասնակիցներին ողջունել է նաև ՀՀ-ում ԱՄՆ դեսպան Լին Մ․ Թրեյսին` նշելով, որ երիտասարդները երկրի ապագան են, հետևաբար նրանց կարողությունների հզորացումը և հմտությունների զարգացումը շատ կարևոր է: Նա հավաստիացրել է, որ դասընթացը ոչ միայն անմիջական ազդեցություն կունենա ծրագրին մասնակից երիտասարդների վրա՝ նպաստելով քննական մտածողության զարգացմանը, այլև կազդի Հայաստանի ապագայի վրա՝ խթանելով ակտիվ, իրազեկ և ներգրավված քաղաքացիների սերնդի ձևավորմանը: Դեսպանը շնորհակալություն է հայտնել ծրագրին մասնակից բոլոր կողմերին, այդ թվում՝ ԿԳՄՍ նախարարությանը՝ նախագծին աջակցելու համար:
Ողջույնի խոսքերին հաջորդել է պանելային քննարկումը, որի ընթացքում ուսանողները և դասախոսները կիսվել են իրենց փորձով ու քննարկել Հայաստանում քաղաքացիական կրթության ամրապնդման տարբեր ուղիները: Ուսանողները ներկայացրել են Հայաստանում քաղաքական վերափոխմանն աջակցող իրենց համայնքային նախաձեռնությունները:
Միջոցառման ավարտին ուսանողներն ու դասախոսները ստացել են վկայականներ նախագիծն իրենց բուհերում և համայնքներում հաջողությամբ իրականացնելու համար:
Նշենք, որ դասընթացը մեկնարկել է 2019 թվականին և իրականացվում է ԱՄՆ ՄԶԳ-ի կողմից ֆինանսավորվող՝ «Հայաստանում ընտրական գործընթացների և քաղաքական հաշվետվողականության ամրապնդում» (ՍԵՊՊԱ) ծրագրի շրջանակում։ Դասընթացն այժմ ընթանում է ՀՀ ութ բուհերում` Գորիսի պետական, Հայաստանի ազգային ագրարային, Վանաձորի պետական, Բրյուսովի անվան պետական և Հայբուսակ համալսարաններում, Ֆիզիկական կուլտուրայի հայկական պետական ինստիտուտում և Հայաստանի պետական կառավարման ակադեմիայում։
Մինչ օրս դասընթացին մասնակցել է ավելի քան 250 ուսանող, և ավելի քան 30 դասախոս վերապատրաստվել է՝ քաղաքացիական կրթության նորարարական և ինտերակտիվ մեթոդաբանության կիրառման ուղղությամբ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ