ՀՀ ԿԳՄՍ նախարարությունում տեղի է ունեցել աշխատանքի վրա հիմնված ուսումնառության (ԱՀՈՒ) հայաստանյան աշխատանքային խմբի այս տարվա առաջին նիստը, որին ներկա են եղել ԿԳՄՍ նախարարի տեղակալ Ժաննա Անդրեասյանը, Նախնական (արհեստագործական) և միջին մասնագիտական վարչության պետի պաշտոնակատար Արմենուհի Պողոսյանը, Մասնագիտական կրթության և ուսուցման բաժնի պետ Կարեն Մանուկյանը:
Հանդիպմանը մասնակցել են ՀՀ ուսումնարանների և քոլեջների, սոցիալական գործընկեր կազմակերպությունների, ինչպես նաև Եվրոպական կրթական հիմնադրամի հայաստանյան գրասենյակի ներկայացուցիչները: Նիստին առցանց միացել են նաև Եվրոպական կրթական հիմնադրամի փորձագետներ Ֆլորիանա Ֆոլիսին և Քրիստիանա Բուրզցիոն:
ԿԳՄՍ նախարարի տեղակալ Ժաննա Անդրեասյանը, ողջունելով քննարկման մասնակիցներին, բարձր է գնահատել Եվրոպական կրթական հիմնադրամի ցուցաբերած աջակցությունը Հայաստանի մասնագիտական կրթության և ուսուցման (ՄԿՈՒ) բարեփոխումներին:
«Առաջնորդվելով Կրթության զարգացման ռազմավարությամբ, որում հստակ միջոցառումներով և քայլերով ամրագրվում են ՄԿՈՒ ոլորտի բարեփոխումների ուղղություններն ու թիրախները, մենք պետք է կենտրոնացնենք մեր ներուժը՝ այս ոլորտում տեսանելի արդյունքների հասնելու համար: Այս համատեքստում ՄԿՈՒ-ն այն ոլորտն է, որը, նպաստելով կրթության և մասնավոր հատվածի գործընկերության ամուր կապի ձևավորմանը, միտված է արագ ու թիրախային գիտելիքներով ու հմտություններով զինել մասնագետներին և աշխատանքին պատրաստ աշխատուժ տրամադրել»,- ասել է փոխնախարարը՝ ընդգծելով ՄԿՈՒ ոլորտի նշանակությունը Հայաստանի սոցիալ-տնտեսական զարգացման գործում:
«ՄԿՈՒ ոլորտը հնարավորություն է տալիս գործատուներին անմիջապես ներգրավել կրթական գործընթացի բոլոր բաղադրիչներում: Նախորդ տարիներին այս ոլորտում ներդրվել են դուալ և աշխատանքի վրա հիմնված ուսուցման ծրագրեր, մշակվել են նոր մասնագիտություններ և մոդուլներ: Այսօրինակ քննարկումները կարևոր քայլեր են առաջարկվող օրենսդրական փոփոխությունների հստակեցման և ճշգրտման համար»,- նշել է Ժաննա Անդրեասյանը՝ շնորհակալություն հայտնելով նաև Գերմանիայի միջազգային համագործակցության ընկերության (GIZ) ՝ ՄԿՈՒ ոլորտում շարունակական համագործակցության համար։
Ըստ փոխնախարարի՝ ՄԿՈՒ ոլորտը ներկա մարտահրավերներում առանցքային դեր ունի՝ մարդկային կապիտալի և տնտեսության զարգացմանը նպաստելու, համայնքային համաչափ զարգացումը խրախուսելու տեսանկյունից։
Եվրոպական կրթական հիմնադրամի ներկայացուցիչների հետ առցանց հանդիպման ընթացքում քննարկվել են նախնական և միջին մասնագիտական կրթության ոլորտում հետագա համագործակցության, մասնավորապես աշխատանքի վրա հիմնված ուսուցման (ԱՀՈՒ), որակի ապահովման համակարգի զարգացման, ինչպես նաև գերազանցության կենտրոնների հզորացման վերաբերյալ հարցեր:
Ներկաներին ԵԿՀ ազգային փորձագետ Արայիկ Նավոյանը ներկայացրել է ԱՀՈՒ ոլորտում իրականացված աշխատանքները և իրավիճակը, «Հայաստանում աշխատանքի վրա հիմնված ուսումնառության զարգացման հայեցակարգի և 2019-2025 թթ. գործողությունների ցանկի» վերանայման և հաստատման ժամանակացույցը:
Ծավալվել է աշխատանքային քննարկում մի շարք հարցերի շուրջ, որոնք վերաբերել են սոցիալական գործընկերությանը, կրթական ծրագրերի մշակման մեթոդաբանությանը, ֆինանսական միջոցների ներգրավմանը, ՄԿՈՒ ոլորտում մարդկային կապիտալի զարգացմանը, ինչպես նաև ուսումնարանների և քոլեջների ռազմավարական զարգացմանը:
Նշենք, որ ԿԳՄՍ նախարարության և ԳՄՀԸ-ի համագործակցության շրջանակում Հայաստանի ՄԿՈՒ հաստատություններում 2017 թ. փորձարկվում է գերմանական դուալ համակարգը, որի առանցքն աշխատանքի վրա հիմնված գործընթացի հայեցակարգն է: Ներկայում 13 հաստատություններում իրականացվում են դուալ կրթության 13 երկարաժամկետ և 3 կարճաժամկետ դասընթացներ։ Ավելի քան 700 ուսանող է ընդգրկված այդ ծրագրերում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ