ՀՀ կրթության, գիտության, մշակույթի և սպորտի նախարար Վահրամ Դումանյանն այցելել է Տիգրան Պետրոսյանի անվան շախմատի տուն՝ հետևելու Արսեն Եղիազարյանի անվան հուշամրցաշարի ընթացքին: Նախարարին ուղեկցել է Երևանի շախմատի ֆեդերացիայի նախագահ Մխիթար Հայրապետյանը:
Հուշամրցաշարն անցկացվում է առաջին անգամ՝ ԿԳՄՍ նախարարության աջակցությամբ և Երևանի շախմատի ֆեդերացիայի նախաձեռնությամբ: Առաջին տուրը կայացել է հուլիսի 1-ին: Նախատեսված է ինը խաղափուլ (ավարտը՝ հուլիսի 9-ին):
Նախարար Վահրամ Դումանյանը շնորհավորել է շախմատիստներին և հաջողություն մաղթել՝ հուշամրցաշարը կարևորելով որպես երիտասարդ շախմատիստների փորձառության հնարավորություն:
«Մեր մեծավաստակ շախմատիստների անվան հուշամրցաշարերի անցկացումը, շախմատի պատմությունն ու անցյալի ավանդույթները վառ պահելը պարտադիր պայման են առաջխաղացման և զարգացման համար: Առանց մեր անվանի շախմատիստների մեծարման չենք կարող ունենալ նոր հաջողություններ. հաղթողները միշտ պետք է հիշվեն»,- ասել է նախարարը և վստահություն հայտնել, որ ԿԳՄՍ նախարարությունը հետևողական է հայկական շախմատի զարգացման և միջազգային ճանաչելիությունն առավել բարձրացնելու գործում:
Միջազգային վարպետի նորմայով այս մրցաշարին մասնակցում է 10 շախմատիստ, որոնցից 4-ը՝ Վրաստանից և Իրանից: Երեք խաղափուլից հետո առաջատարն է ՖԻԴԵ-ի վարպետ, Բարձրագույն վարպետության դպրոցի մարզիչ Գևորգ Ալավերդյանը:
Նշենք, որ Արսեն Եղիազարյանի անվան հուշամրցաշարով հիմք է դրվում ԿԳՄՍ նախարարության և Երևանի շախմատի ֆեդերացիայի միջև երկարատև համագործակցության. առաջիկայում ևս նախատեսվում են մի շարք միջազգային մրցաշարերի անցկացում:
«Այս մրցաշարով մի կողմից վառ ենք պահում մեծանուն շախմատիստի հիշատակը, մյուս կողմից ստեղծում ենք հնարավորություն նոր սերնդի շախմատիստների համար՝ փորձելու իրենց ուժերը օտարերկրյա առաջատարների հետ: Զարգացման տեսանկյունից սա բացառիկ փորձ է»,- ասել է Մխիթար Հայրապետյանը՝ հավելելով, որ սա նաև պատանիների համար ՖԻԴԵ-ի 4-րդ դասակարգման վարկանիշ լրացնելու հնարավորություն է:
Այցի շրջանակում նախարար Վահրամ Դումանյանը շրջել է նաև Շախմատի դպրոցի լսարաններում, ծանոթացել երեխաների մարզման պայմաններին և առկա խնդիրներին:
Նշենք նաև, որ Արսեն Եղիազարյանի անվան հուշամրցաշարի արդյունքներին կարելի է հետևել այս հղմամբ՝ https://bit.ly/39XsSqR:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ