ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հայկական PR մրցանակաբաշխության «Տարվա պետական կառույց» է ճանաչվել ՀՀ կրթության, գիտության, մշակույթի և սպորտի նախարարությունը

Հունիսի 23, 2022
Լուրեր կազմակերպություններից

Հայկական PR մրցանակաբաշխության «Տարվա պետական կառույց» անվանակարգում հաղթող է ճանաչվել ՀՀ կրթության, գիտության, մշակույթի և սպորտի նախարարությունը։

Այս մասին հայտարարվել է մրցանակաբաշխության հանդիսավոր արարողության ժամանակ, որի ընթացքում ներկայացվել են վերջին մեկ տարվա հետազոտությունների արդյունքները։

Ստանալով մրցանակը` ՀՀ կրթության, գիտության, մշակույթի և սպորտի նախարար Վահրամ Դումանյանը գնահատականի համար շնորհակալություն է հայտնել մասնագիտական ժյուրիին և ԶԼՄ ներկայացուցիչներին և շեշտել, որ թափանցիկությունն ու հաշվետվողականությունը նախարարության գործունեության համար սկզբունքային աշխատելաոճ են, իսկ մրցանակը և՛ ոգևորող է, և՛ պարտավորեցնող:

«Պետությունը մեկ միասնական համակարգ է, և ԿԳՄՍ նախարարության աշխատանքը փոխկապակցված է Կառավարության գործունեության հետ: Մենք ուրախ ենք, որ այս ընդհանուր համակարգում առանձնացվել է մեր աշխատանքը: ԿԳՄՍ նախարարությունը դեռ շատ անելիքներ ունի, որոնք չեն կարող արդյունավետ իրականացվել առանց հանրության հետ կապի: Հասարակությունը պետք է իմանա` մենք ինչով ենք զբաղվում, ինչու ենք այս կամ այն որոշումը կայացնում: Պետք է լինեն քննարկումներ, բազմակարծություն և այլակարծություն, բայց միաժամանակ հանրության հետ երկխոսության գործընթացը պետք է լինի փոխադարձ հարգանքի մթնոլորտում` միմյանց նկատմամբ հարգանքը դիտարկելով որպես միասնական մշակույթի մաս: Հանրային խոսքը, ԶԼՄ հրապարակումը, ելույթը, անկախ նրանից` հնչում են Կառավարության նիստում, հանրահավաքում, թե մեկ այլ հրապարակային հարթակում, պետք է լինեն մշակութային և կիրթ: Անկախ մեր ունեցած մոտեցումներից և հայացքներից` պետք է հասկանանք, որ մենք բոլորս մեկ միասնություն ենք և ներկայացնում ենք Հայաստանի Հանրապետությունը, Արցախը և սփյուռքը»,- իր ելույթում նշել է Վահրամ Դումանյանը:

Հայկական PR մրցանակաբաշխության միջոցառմանը ներկա են եղել նաև ՀՀ ԿԳՄՍ նախարարի տեղակալներ Արա Խզմալյանը և Ալֆրեդ Քոչարյանը, նախարարի մամուլի քարտուղար Գեղամ Մելիքբեկյանը:

Մրցանակը շնորհվել է մեկ տարվա դիտարկումների և գիտական հետազոտության արդյունքում, որի շրջանակում անցկացվել են սոցհարցումներ, ֆոկուս-խմբային հարցազրույցներ ԶԼՄ ներկայացուցիչների հետ, կատարվել է ԶԼՄ հրապարակումների քանակական և որակական դիտարկում: Ամփոփիչ փուլում Հայկական PR մրցանակաբաշխության բոլոր անվանակարգերում լավագույն եռյակից հաղթողներին որոշել է մասնագիտական ժյուրին:

Հավելենք, որ PR մրցանակաբաշխությունը կազմակերպում է «Հայկական Փի Ար ասոցիացիան»: Կազմակերպության նախագահ Աստղիկ Ավետիսյանը նշել է, որ մրցանակաբաշխության նպատակն է արձանագրել հանրային կապերի ոլորտի ձեռքբերումները, հնարավորինս զարգացնել և հանրայնացնել Հայաստանում գրագետ հաղորդակցության մշակույթի կարևորությունը, նպաստել PR մասնագետների ակտիվ դերակատարությանը քաղաքական-հասարակական գործընթացներում, հանրային կյանքում:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…

  • Ինտերակտիվ բովանդակությամբ դասերի ստեղծում "Nearpod"

    Թեմայի հեղինակ՝ Մարի Գասպարյան

    «Ինտերակտիվ բովանդակությամբ դասերի ստեղծում "Nearpod"» թեմայով դասընթացը կմեկնարկենք մայիսի 10-ից: Իսկ Առցանց հանդիպումը կիրականացնենք Զում տեսահանդիպման գործիքի օգնությամբ, որի մուտքային հղումը կգտնեք դասընթացի ներսում: Տեսահանդիպումը մայիսի 12--ին՝ 16:00 Դասընթացի հետ…