ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Փաշիկ Ալավերդյանն ամփոփել է Եվրոպայի ծանրամարտի առաջնությունում Հայաստանի հավաքականի ելույթները

Հունիսի 7, 2022
Հարցազրույցներ, ելույթներ Սպորտային լուրեր

Հայաստանի ծանրամարտի հավաքականն Ալբանիայի մայրաքաղաք Տիրանայում ավարտված Եվրոպայի առաջնությունում երկամարտի 7 մեդալ է նվաճել՝ 2 ոսկե, 3 արծաթե և 2 բրոնզե:

Հայաստանի ծանրամարտի տղամարդկանց հավաքականի գլխավոր մարզիչ Փաշիկ Ալավերդյանը լրագրողների հետ հանդիպման ժամանակ ամփոփել է արդյունքներն ու խոսել առաջիկա անելիքների մասին. «Բոլորի պարագայում էլ միշտ ավելին եմ սպասում: Եթե գոհ եղա արդյունքներից, ուրեմն այլևս անելիք չունեմ: Դեռ շատ անելիքներ ունենք: Այս առաջնության արդյունքներից բավարարված եմ»:

Ալավերդյանն անդրադարձել է նաև այն տղաներին, ովքեր տարբեր պատճառներով չեն մասնակցել Եվրոպայի առաջնությանը. «Սիմոն Մարտիրոսյանը վնասվածքներ ուներ: Ճիշտ է՝ բավականաչափ բուժումներ ենք արել, բայց այս առաջնությանը չէր հասցնի պայքարել մեդալների համար: Նա մեր առաջատար ծանրորդներից է ու մեր գլխավոր հույսերից մեկը:

Հակոբ Մկրտչյանը Հայաստանի առաջնության ժամանակ, առանց ինձ տեղյակ պահելու, քաշն իջեցրել էր 89 կգ, այն դեպքում, երբ մարզումների ժամանակ մինչև 99-100 կգ էր հասնում: Ես հույս ունեի, որ 96 կգ քաշային կարգում նա ամեն ինչ կարող է անել: Ամեն դեպքում, ես ընդունում եմ, որ Հակոբի պես տղային չէր կարելի տանը թողնել ու Եվրոպայի առաջնության տանել անփորձ տղայի, որը զրո ստացավ: Դա մեր մարզչական սխալն էր: Ընդունում եմ:

Եթե Հակոբն ուզում է ծանրաձող բարձրացնել, պետք է փոխի քաշն ու 96 կգ քաշում հանդես գա: 89 կգ քաշային կարգում այնպիսի իտալացի ծանրորդ կա, որ 4 քաշային կարգի հաղթեց իր արդյունքով: Նրա հետ մրցակցելն իրատեսական չէ»:

Փաշիկ Ալավերդյանն անդրադարձել է նաև Հռիփսիմե Խուրշուդյանի ելույթներին, ով, 6 տարվա դադարից հետո վերադառնալով մրցահարթակ, 5-րդ տեղն է զբաղեցրել Եվրոպայի առաջնությունում. «Մեծ սպորտը թողնելուց հետո վերադառնալը շատ դժվար է: Դեռ չեմ տեսել այնպիսի մարզիկի, որը վերադառնալուց հետո մեծ արդյունքների է հասել: Տա Աստված, Հռիփսիմեն մեզ հակառակն ապացուցի: Նրա մարզական կարիերան մեր աչքի առաջ է անցել, ու մենք միշտ նրա կողքին ենք եղել»:

Գլխավոր մարզչի խոսքով՝ Հայաստանի ծանրամարտի հավաքականը հուլիսից կսկսի նախապատրաստվել տարեվերջին Կոլումբիայի մայրաքաղաք Բոգոտայում կայանալիք աշխարհի առաջնությանը. «Աշխարհի առաջնությանը, կարծում եմ, կարող ենք մասնակցել 6-7 ծանրորդով: Կարևորը լավ որակ և արդյունք ապահովելն է: Ինչ վերաբերում է նախապատրաստական փուլին, ապա չեմ ցանկանում երկար դադարներ ունենալ: Մեկ ամիս հանգիստ կտանք տղաներին, իսկ նախապատրաստական հավաքները կսկսենք հուլիսի կեսերից»:

Փաշիկ Ալավերդյանը խոսել է նաև 2023 թվականին Երևանում կայանալիք Եվրոպայի ծանրամարտի առաջնության մասին. «Շատ հաճելի է, որ հաջորդ տարի Եվրոպայի առաջնությունն անցկացվելու է Հայաստանում: Առաջնությունից հետո մեր մարզադպրոցները կապահովվեն մարզագույքով, ինչը ևս շատ կարևոր է:

Ինչ վերաբերում է մարզական կողմին, ապա ես շատ կցանկանամ, որ տնային Եվրոպայի առաջնությունում մեր հավաքականը կարողանա շատ մեդալներ նվաճել: Մեկ-երկու ոսկե մեդալը, իհարկե, բավարար չի լինի: Ես մաքսիմալիստ եմ»:

Հիշեցնենք՝ Հայաստանի տղամարդկանց հավաքականի կազմում Եվրոպայի չեմպիոն են հռչակվել 81 կգ քաշային Ռաֆայել Հարությունյանը և 96 կգ քաշային Դավիթ Հովհաննիսյանը:

Երկամարտում արծաթե մեդալակիրներ են դարձել Արա Աղանյանը (96 կգ), Սամվել Գասպարյանը (102 կգ) և Վարազդատ Լալայանը (+109 կգ): Եվրոպայի առաջնության բրոնզե մեդալներն էլ նվաճել են Արսեն Մարտիրոսյանը (109 կգ) և գերծանր քաշային Գոռ Մինասյանը:

Հայաստանի տղամարդկանց հավաքականը Եվրոպայի առաջնության թիմային հաշվարկով զբաղեցրել է երկրորդ հորիզոնականը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…