ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Մայիսի 20, 2022
Սպորտային լուրեր

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն ընդունել է Խուլերի հայկական սպորտային կոմիտեի ներկայացուցիչներին, ովքեր մայիսի 1-ից 15-ը Բրազիլիայի Կալիաս քաղաքում մասնակցել են ամառային սուրդլիմպիկ խաղերին և 5 բրոնզե մեդալ նվաճել:

Հայաստանի սուրդլիմպիկ հավաքականի կազմում ընդգրկված է եղել 7 մարզիկ: Բրոնզե մեդալներ են նվաճել հունահռոմեական ոճի ըմբիշներ Սարգիս Սարգսյանը (55 կգ), Ժորա Գրիգորյանը (67 կգ), Նարեկ Նիկողոսյանը (87 կգ), ազատ ոճի ըմբիշ Սենիկ Սերոբյանը (57 կգ) և ձյուդոիստ Ռոբերտ Գևորգյանը (-60 կգ):

ԿԳՄՍ նախարարի տեղակալի հետ հանդիպմանը, բացի մեդալակիր մարզիկներից, ներկա են գտնվել նաև Խուլերի հայկական սպորտային կոմիտեի նախագահ Գրիգոր Գրիգորյանը, մարզիչներ Գագիկ Սերոբյանը, Մարտին Ալիխանյանը, Ժիրայր Հովհաննիսյանը և Արտյոմ Մելքոնյանը:

Կարեն Գիլոյանը շնորհավորել է մրցանակակիրներին և շնորհակալություն հայտնել գոհացնող արդյունքների համար. «Շատ շնորհակալ եմ այս մասնակցության համար: Հաջորդ տարվա համար բյուջեն հաստատված է, կստանաք այն բոլոր ֆինանսական հատկացումները, որոնք նախատեսված են օրենքով: Ի դեպ, այդ մասով մենք մտադիր ենք նաև որոշակի աճ տալ՝ հավաքների և մրցումների մասնակցության քանակն ավելացնելու համար»:

Կարեն Գիլոյանը նաև նշել է՝ շուտով ունենալու ենք բարձրագույն վարպետության մարզադպրոց և նույն շենքում ադապտիվ սպորտի կենտրոն, ինչը մեծ հնարավորություններ կընձեռի հաշմանդամություն ունեցող անձանց և կօգնի դառնալ ավելի պրոֆեսիոնալ:

«Խուլերի հավաքականը մեր լավագույն թիմերից է և ադապտիվ սպորտի կենտրոնում հնարավորություն կստանա օգտվելու նոր ստեղծվող դահլիճի ծառայություններից, կլինի նաև որոշակի ֆիզիոթերապևտիկ և հոգեբանական օգնության հնարավորություն: Հավատացնում եմ՝ դուք մշտապես գտնվում եք պետության ուշադրության կենտրոնում: Ինքս ամեն ինչ կանեմ, որպեսզի հետզհետե ամեն ինչ ավելի լավ լինի և ձեզ ավելի հարմարավետ զգաք»,- ասել է ԿԳՄՍ նախարարի տեղակալը:

Խուլերի հայկական սպորտային կոմիտեի նախագահ Գրիգոր Գրիգորյանը շնորհակալություն է հայտնել ԿԳՄՍ նախարարությանը մշտական աջակցության համար. «Շնորհակալ ենք աջակցության և համագործակցության համար: Ի դեպ, սա երկրորդ անգամ է, որ մեր տղաները մեդալներ են նվաճում սուրդլիմպիկ խաղերում: Շատ գոհ ենք նրանց գրանցած արդյունքներից: Սա իսկապես մեծ նվաճում է: Մեր մարզիկներն ու մարզիչները երկար տարիների փորձառություն ունեն, և վստահ ենք՝ դեռ շատ հաջողություններ են գրանցելու»:

Հավելենք, որ Բրազիլիայի Կալիաս քաղաքում անցկացված սուրդլիմպիկ ամառային խաղերը պետք է կայանային 2021 թվականին, սակայն հետաձգվել էին կորոնավիրուսի համավարակի պատճառով:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…

  • Ինտերակտիվ բովանդակությամբ դասերի ստեղծում "Nearpod"

    Թեմայի հեղինակ՝ Մարի Գասպարյան

    «Ինտերակտիվ բովանդակությամբ դասերի ստեղծում "Nearpod"» թեմայով դասընթացը կմեկնարկենք մայիսի 10-ից: Իսկ Առցանց հանդիպումը կիրականացնենք Զում տեսահանդիպման գործիքի օգնությամբ, որի մուտքային հղումը կգտնեք դասընթացի ներսում: Տեսահանդիպումը մայիսի 12--ին՝ 16:00 Դասընթացի հետ…