ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն այսօր ընդունել է Էստոնիայի Հանրապետության արտակարգ և լիազոր դեսպան Ռինա Կալյուրանդին:
Հանդիպմանը ներկա էին նաև ՀՀ ԿԳՄՍՆ հանրակրթության վարչության պետ Արսեն Բաղդասարյանը, Արտաքին կապերի և սփյուռքի վարչության արտաքին կապերի բաժնի պետ Անգելինա Հովհաննիսյանը և Մասնագիտական կրթության և ուսուցման քաղաքականության մշակման և ռազմավարության բաժնի պետ Արմենուհի Պողոսյանը:
Փոխնախարարը շնորհակալություն է հայտնել դեսպանին այցելության և շարունակական համագործակցությանը նպաստելու համար: Ժաննա Ադրեասյանը շեշտել է, որ կրթությունը ՀՀ կառավարության առաջնահերթություններից է, ուստի ոլորտում հաջողությամբ իրականացվում են մի շարք բարեփոխումներ:
«Կրթության ոլորտի բարեփոխումների իրականացման տեսանկյունից բավականին արդյունավետ է եղել հայկական պատվիրակության այցն Էստոնիայի Հանրապետություն՝ «Էստոնական կրթության լավագույն փորձի փոխանակման ծրագրի» շրջանակում կրթական համակարգի առանձնահատկություններն ու վերջին տարիներին միջազգային տարբեր ստուգատեսներում լավագույն արդյունք ցուցաբերելու փորձառությունն ուսումնասիրելու նպատակով: Շնորհակալ ենք, հայկական պատվիրակության այցելությունը բարձր մակարդակով կազմակերպելու և արդյունավետ իրականացնելու համար»,- նշել է փոխնախարարը և հավելել, որ հայկական կողմը պատրաստակամ է զարգացնել նաև միջբուհական երկխոսությունը, որը կներառի համատեղ կրթական և հետազոտական, ինչպես նաև ուսանողների ու դասախոսների փոխանակման ծրագրեր իրականացնելու հնարավորությունը:
Այդ կապակցությամբ Ժաննա Անդրեասյանը դեսպանին առաջարկել է դիտարկել համագործակցության ծրագրի կամ հուշագրի ստորագրման հնարավորությունը. «Ուրախ կլինենք հյուրընկալել մեր գործընկերներին Հայաստանում՝ հետագա ծրագրերն ու փոխգործակցության ուղղությունները քննարկելու նպատակով»:
Արտակարգ և լիազոր դեսպանը դրական է գնահատել հայ-էստոնական համագործակցության հեռանկարները և նշել, որ առաջիկայում կքննարկի գործընկերների հետ Հայաստան այցելության հարցը:
«Ուրախ եմ, որ հայկական պատվիրակության այցն արդյունավետ է եղել: Վստահ եմ, որ հանդիպումները պետք է շարունակական լինեն: Իմ այցելության հիմնական նպատակն է կամուրջ հանդիսանալ էստոնացի և հայ մասնագետների միջև: Կարծում եմ՝ փոխադարձ այցելությունները լավագույն ճանապարհն են փորձի փոխանակման համար»,- ասել է Ռինա Կալյուրանդին:
Կարևորելով հայ-էստոնական բարեկամական կապերի ամրապնդումը և համագործակցության զարգացումը, փոխնախարարն առաջարկել է խորացնել մշակույթի և ստեղծագործական ոլորտում գործող փոխհամագործակցությունը:
«Այդ նպատակով կարելի է դիտարկել նաև Էստոնիայում կազմակերպվող միջազգային մշակութային միջոցառումներին ՀՀ մշակութային գործիչների և խմբերի մասնակցության հնարավորությունը: Միաժամանակ Հայաստանում կազմակերպվող մշակութային միջոցառումներին պատրաստ ենք հյուրընկալել Էստոնիայի մշակութային գործիչներին»,- ամփոփել է նախարարի տեղակալը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ