ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Գեղարքունիքի մարզի Շողակաթ համայնքի միջնակարգ դպրոցում տեղադրվել է արևային կայան

Մայիսի 11, 2022
Լուրեր կազմակերպություններից

ՀՀ Գեղարքունիքի մարզի Շողակաթ համայնքի միջնակարգ դպրոցում տեղադրվել է արևային կայան` ՀՀ-ում Լիտվայի դեսպանության աջակցությամբ:

Շուրջ 20 ԿՎտ հզորությամբ կայանը կբավարարի ուսումնական հաստատության էներգետիկ պահանջարկը և դեռ հավելյալ օգուտներ կապահովի դպրոցի համար:

Կայանի բացմանը ներկա են եղել ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, ՀՀ-ում Լիտվայի արտակարգ և լիազոր դեսպան Ինգա Ստանիտե-Տոլոչկիենեն, ՀՀ Գեղարքունիքի մարզպետ Կարեն Սարգսյանը, ԿԳՄՍ նախարարության, մարզպետարանի, ինչպես նաև «Solet Technics» և «OHM ENERGY» ընկերությունների ներկայացուցիչներ:

Ողջույնի խոսքում ԿԳՄՍ նախարարի տեղակալ Արթուր Մարտիրոսյանն արևային կայանի բացման առիթով շնորհավորել է դպրոցի աշակերտներին, մանկավարժներին և ընդգծել, որ դպրոցում էներգախնայող սարքավորումների տեղադրումն ապագային միտված քայլ է:

«Արևային կայանի գաղափարը կարևոր քայլ է հատկապես էկոլոգիական կրթության և կանաչ տնտեսության զարգացման ուղղությամբ: Կլիմայի վերափոխման, գլոբալ տաքացման պայմաններում էկոլոգիական կրթության զարգացումն առաջնային խնդիր է: Արևային կայանի տեղադրումն այս դպրոցի երեխաների համար շրջակա միջավայրի պահպանության ուղղությամբ խորհելու լրացուցիչ առիթ կհանդիսանա: Միաժամանակ արևային կայանը խորհրդանշական է հայ-լիտվական բարեկամական հարաբերությունների համար՝ որպես օրեցօր ամրապնդվող համագործակցության առհավատչյա»,- նշել է Արթուր Մարտիրոսյանը:

Նրա խոսքով` հայ-լիտվական երկկողմ հարաբերությունները նկատելի զարգացում են ապրել ինչպես կրթության, այնպես էլ մշակույթի և երիտասարդության ասպարեզներում:

ՀՀ-ում Լիտվայի արտակարգ և լիազոր դեսպան Ինգա Ստանիտե-Տոլոչկիենեն էլ փաստել է, որ արդեն երկրորդ տարին է, ինչ Լիտվայի կառավարության աջակցությամբ Հայաստանի տարբեր բնակավայրերում իրականացվում են կանաչ տնտեսության զարգացմանը միտված ծրագրեր:

«Այն գումարները, որոնք կտնտեսվեն էներգետիկ ծախսերի կրճատման շնորհիվ, կարող են ներդրվել նորարարության նախագծերի իրականացման նպատակով: Արևային կայաններն առաջին հերթին օգտակար են շրջակա միջավայրի պահպանության համար: Կանաչ տնտեսության զարգացումը հեղափոխական ալիք է, որը մեզ մոտ` Լիտվայում, վաղուց է սկսվել: Մենք այս ասպարեզում որոշակի արդյունքի արդեն հասել ենք: Քանի որ Հայաստանն արևային ջերմ երկիր է, վստահաբար կարող ենք ասել` արևային էներգետիկան հենց ձեր երկրի համար է և կարող է նպաստել էներգետիկ անվտանգության բարձրացմանը»,- նշել է ՀՀ-ում Լիտվայի արտակարգ և լիազոր դեսպան Ինգա Ստանիտե-Տոլոչկիենեն:

Գեղարքունիքի մարզպետ Կարեն Սարգսյանը համագործակցության համար շնորհակալություն է հայտնել Լիտվայի դեսպանին և շեշտել, որ մարզի համար լիտվական փորձի տեղայնացումը կարևոր նշանակություն ունի:

«Պատրաստ ենք քննարկել և իրականացնել համատեղ այլ ծրագրեր` տարբեր ուղղություններով: Հատկապես այլընտրանքային էներգետիկայի կիրառումը մեզ համար առաջնային կարևորություն ունի, քանի որ այն նպաստում է բնապահպանական վիճակի բարելավմանը, ինչը մեր գերակա խնդիրներից է»,- շեշտել է մարզպետը:

Նշենք, որ Լիտվայի դեսպանատան աջակցությամբ այս տարի տեղադրվում են 8 արևային կայաններ ՀՀ տարբեր մարզերի դպրոցներում, նախակրթարաններում և երիտասարդական կենտրոններում:

Գալիք տարի դեսպանատան աջակցությամբ տեղադրվելիք արևային կայանների թիվը կհասնի 19-ի: Կայանի տեղադրման հիմնական ֆինանսավորումն իրականացնում է լիտվական կողմը, հայկական կողմն ապահովում է համաֆինանսավորում 15-20 տոկոսի չափով:

ՀՀ Գեղարքունիքի մարզի Շողակաթ համայնքի միջնակարգ դպրոցում տեղադրված արևային կայանի ծրագրի արժեքը շուրջ 32 հազար եվրո է: Դպրոցի տնօրեն Միլենա Օսեպյանի տեղեկացմամբ` տարեկան կտրվածքով գազի և էլեկտրականության համար դպրոցը ծախսում է մոտ 1,5 մլն դրամ: Դպրոցը մինչ այժմ ջեռուցվել է գազի վառարաններով, ջեռուցվել են միայն դասասենյակները:

Կայանը տեղադրած «OHM ENERGY» ընկերության կոմերցիոն տնօրեն Գևորգ Հախնազարյանը վստահեցնում է, որ արևային կայանի արտադրական թողունակությունը դպրոցում էլեկտրական վառարաններով ջեռուցման անցնելու հնարավորություն կտա` հրաժարվելով գազի վառարաններից:

Հավելենք, որ Շողակաթ համայնքի միջնակարգ դպրոցում սովորում է 86 երեխա` ներառյալ նախակրթարանի սաները:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Քրիստոնեության հռչակումը Հայաստանում որպես պետական կրոն

    Թեմայի հեղինակ՝ Արսենյան

    Հայաստանն աշխարհում քրիստոնեությունը պետականորեն ընդունած առաջին երկիրն է: Մեծ խորհուրդ ունի այս իրողությունը, և՛ պարգև է այն հայոց ազգին, և՛ պատասխանատվության կոչող թանկ պատգամ: Լինենք արժանի: Ճանաչենք մեր հավատի պատմությունն…

  • Google Jamboard

    Թեմայի հեղինակ՝ arpi.kirishyan

    Հարգելի մասնակիցներ, հեռավար ուսուցման հարթակում https://dlc.armedu.am/ ստեղծվել է դասավանդողների մասնագիտական և ՏՀՏ հմտությունների զարգացմանն ուղղված առցանց դասընթացը https://dlc.armedu.am/course/view.php?id=78 : Դասընթացի վերաբերյալ Ձեր դիտարկումնեը կարող եք կատարել այստեղ և մասնակցել քննարկումներին:

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկը մայիսի 16-ից 22-ը Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2OXZoERcZe

  • Հայոց եկեղեցու պատմության ուսումնասիրության հարցեր

    Թեմայի հեղինակ՝ Արսենյան

    Հայոց եկեղեցու պատմության ուսումնասիրությունը նպատակ ունի աշակերտներին ոչ միայն կրոնական գիտելիքներ տալու, այլ նաև արժևորելու քրիստոնեության դերը մարդու կյանքում, բարոյական արժեքներով ապրելու մղելու նրանց: Չափազանց մեծ է նրա դերը մարդկային…

  • Ինտերակտիվ բովանդակությամբ դասերի ստեղծում "Nearpod"

    Թեմայի հեղինակ՝ Մարի Գասպարյան

    «Ինտերակտիվ բովանդակությամբ դասերի ստեղծում "Nearpod"» թեմայով դասընթացը կմեկնարկենք մայիսի 10-ից: Իսկ Առցանց հանդիպումը կիրականացնենք Զում տեսահանդիպման գործիքի օգնությամբ, որի մուտքային հղումը կգտնեք դասընթացի ներսում: Տեսահանդիպումը մայիսի 12--ին՝ 16:00 Դասընթացի հետ…