Երեխաների առցանց անվտանգությանը նվիրված ծրագիր․ «Համացանցի ռեսուրսների անվտանգ օգտագործում» մուլտիմեդիա դասընթաց և մրցույթ

Մայիսի 10, 2022

ՏՀՏ նորություններ

«Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր:

Երեխաներին առցանց անվտանգության խնդիրներին ծանոթացնելու և առցանց անվտանգության կանոնները ներկայացնելու նպատակով, ծրագրի շրջանակներում ստեղվծվել է «Համացանցի ռեսուրսների անվտանգ օգտագործում» կրթական հեռավար մուլտիմեդիա դասընթացը (հղումը՝ https://onlinesafety.am/), որը բաց և անվճար ռեսուրս է և բաղկացած է երեք մակարդակից՝ հիմնական, միջին և ընդլայնված:

Դասընթացը նախատեսված է նախադպրոցական տարիքից մինչև ավագ դպրոցի աշակերտների, ուսանողների, ուսուցիչների և ծնողների համար:

Յուրաքանչյուր մակարդակն ավարտելիս առաջարկվում է հանձնել թեստ և ստանալ վկայական:

Հարգելի ուսուցիչներ,

ծրագրի կազմակերպիչները խնդրում են, մեկ դաս նվիրել առցանց անվտանգությանը և երեխաներին ծանոթացնել դասընթացի հետ: Խրախուսել, որպեսզի երեխաները անցնեն դասընթացը և ստանան վկայական: Դասընթացն անցելու համար գրանցվելու կարիք չկա, պարզապես անհրաժեշտ է ընտրել համապատասխան մակարդակը՝ ըստ տարիքային խմբի և սեղմել անցնել ուսումնառությանը ստեղնը: Դասընթացը կիսատ թողնելու և հետագայում շարունակելու դեպքում անհրաժեշտ է անցնել այն միևնույն համակարգչից, որպեսզի պահպանվի նախորդ անցած փուլերը: Վերջում թեստերը հանձնելուց հետո կառաջարկվի լրացնել անուն ազգանունը և ստանալ վկայական:

Դասընթացին մասնակցած և վկայական ստացած երեխաները հնարավորություն կստանան մասնակցել մրցույթի և ստանալ մրցանակներ:

Առցանց անվտանգությանը նվիրված դասն անցկացնելու դեպքում պետք է տրամադրել տեղեկատվություն դասին մասնակցած աշակերտների քանակի վերաբերյալ՝ նշելով տղաների և աղջիկների քանակը: Տվյալ տեղեկատվությունը, դասի ժամանակ արված նկարներով պետք է ուղարկել info@operator.am հասցեին: Հարցերի դեպքում կարող եք գրել վերոնշյալ էլ փոստի հասցեով:

Շնորհակալություն առցանց անվտանգության կարևորագույն հարցում Ձեր կողմից ցուցաբերված աջակցության համար:

Կազմակերպիչների տեղեկատվական նամակը դպրոցներին՝ բոլոր մանրամասներով, կցվում է։