ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն այսօր մասնակցել է բուհերում ուսանողական ինքնակազմակերպվող խմբերի ձևավորման մեթոդաբանությանն ուղղված քննարկմանը, որին ներկա են եղել նախարարության երիտասարդական, ինչպես նաև բարձրագույն և հետբուհական կրթության քաղաքականությունը համակարգող վարչությունների ներկայացուցիչները։
Շուրջ հարյուր ուսանողների և բուհական վարչական աշխատակիցների մասնակցությամբ քննարկումը ԿԳՄՍ նախարարության հետ համագործակցությամբ կազմակերպել էին «Եվրասիա համագործակցություն» հիմնադրամը, «Ռեստարտ» գիտակրթական բարեգործական հիմնադրամը և Հետազոտական ռեսուրսների կովկասյան կենտրոն-Հայաստան հիմնադրամը՝ Եվրոպական միության կողմից ֆինանսավորվող «ԵՄ-ն հանուն երիտասարդների․ ուսանողական ժողովրդավարություն հիմա» ծրագրի շրջանակում:
Ողջունելով քննարկման մասնակիցներին՝ ԿԳՄՍ նախարարի տեղակալ Արթուր Մարտիրոսյանը կարևորել է թեմայի արդիականությունը՝ նշելով, որ ուսանողության ինքնակազմակերպումը չի կարող տեղի ունենալ բացառապես մեկ բուհ-մեկ ուսանողական խորհուրդ ձևաչափի շրջանակում․ «Ուսանողության հետաքրքրությունները, կարիքները, նախասիրությունները տարբեր են, և կարևոր է, որ ուսանողները ինքնակազմակերպվեն այդ խնդիրների ու հետաքրքրությունների շուրջ։ Բացի ընդհանուր հետաքրքրություններն ու նախասիրությունները բավարարելուց՝ ինքնակազմակերպված խմբերը կարող են էականորեն բարձրացնել որոշումների կայացմանը ուսանողության, երիտասարդության մասնակցության մակարդակը, առանձին ուսանողի և ուսանողության շահերի պաշտպանությունից սկսած՝ ներգրավվել պատկան մարմինների և այլ դերակատարների հետ աշխատանքում՝ նպաստելու հանրային կյանքի տարբեր ոլորտներում առկա տարատեսակ խնդիրների լուծմանը»,-նշել է Արթուր Մարտիրոսյանը՝ վստահություն հայտնելով, որ այս հարցում ԿԳՄՍ նախարարության, քաղաքացիական հասարակության և ուսանողության դիրքորոշումը նույնական է: Նախարարի տեղակալը կարևորել է նման քննարկումների կազմակերպումը՝ ուսանողների ինքնակազմակերպման եղանակով, ինչպես նաև հանրային երկխոսության միջոցով ճիշտ լուծումներ գտնելու և մեթոդաբանություն մշակելու առումով:
Արթուր Մարտիրոսյանի խոսքով՝ բարձրագույն կրթության և երիտասարդության քաղաքականության հիմքում հստակ ամրագրված է, որ պետությունը պետք է անի հնարավորը՝ հանրային որոշումների ընդունմանը երիտասարդների մասնակցության հնարավորությունների ընդլայնման համար:
Փոխնախարարը շնորհակալություն է հայտնել բոլոր գործընկերներին՝ շեշտելով, որ այս գործընթացը պետք է իրականացվի համատեղ ուժերով. «Բոլորս պետք է նախանձախնդիր լինենք մեր երկրի, բուհի, համայնքի խնդիրների լուծմանը մասնակից լինելու համար: Ժողովրդավարությունը հենվում է ակտիվ քաղաքացիության վրա, որը դրսևորվում է տարբեր, այս դեպքում՝ բուհական մակարդակում»,-նշել է Արթուր Մարտիրոսյանը՝ հույս հայտնելով, որ քննարկման արդյունքում կնախանշվեն կոնկրետ լուծումներ:
Քննարկման մասնակիցներին ողջունել են նաև Հայաստանում ԵՄ պատվիրակության համագործակցության բաժնի ղեկավար Ֆրանկ Հեսսը և «Եվրասիա համագործակցություն» հիմնադրամի գլխավոր տնօրեն Գևորգ Տեր-Գաբրիելյանը:
Ողջույնի խոսքերին հաջորդել են պանելային քննարկումները, որոնց ընթացքում ներկայացվել են «ԵՄ-ն հանուն երիտասարդների․ ուսանողական ժողովրդավարություն հիմա» ծրագրի աշխատանքները, ինչպես նաև «Արտաուսումնական ուսանողական գործունեության միջազգային փորձն ու առանձնահատկությունները Հայաստանում» հետազոտության արդյունքները:
Այնուհետև տեղի է ունեցել խմբային աշխատանք, որի ընթացքում քննարկվել են հետևյալ թեմաները՝ ուսանողական միավորումների ձևավորման կարգը և սկզբունքները, ֆոնդահայթայթում․ արտաքին և ներքին ֆինանսավորում, որոշումների կայացման մասնակցայնություն, ուսանողական միավորումների գործունեության սկզբունքները և շրջանակը, ուսանողների անդամակցության շարժառիթները և այլն։
Քննարկման արդյունքներն ամփոփել են ԿԳՄՍՆ Երիտասարդական քաղաքականության, լրացուցիչ և շարունակական կրթության վարչության պետ Գոհար Մամիկոնյանը և «Եվրասիա համագործակցություն» հիմնադրամի ծրագրի տնօրեն Իզաբելլա Սարգսյանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ