ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Վահրամ Դումանյանն այսօր ընդունել է Սիրիայի Արաբական Հանրապետության Ժողովրդական ժողովի Սիրիա-Հայաստան բարեկամական խմբի ղեկավար Լյուսի Իսկանյանի գլխավորած պատվիրակությանը: Հանդիպմանը մասնակցել է նաև ԿԳՄՍ նախարարի տեղակալ Արթուր Մարտիրոսյանը:
Պատվիրակության կազմում ընդգրկված էին պատգամավորական բարեկամական խմբի փոխնախագահ Տալալ ալ-Խալիլը, խմբի զեկուցող Յասեր ալ-Սալամաhը, Ժողովրդական ժողովի հասարակայնության հետ կապերի վարչության վարչական հարցերով պատասխանատու Մանազել Հասանը, ՀՀ-ում Սիրիայի դեսպանության գործերի ժամանակավոր հավատարմատար Ալատհբա Ահմադ Հասսանը և այլք:
Ողջունելով պատգամավորական բարեկամական խմբի անդամներին՝ Վահրամ Դումանյանը շեշտել է, որ ԿԳՄՍ նախարարությունը համակարգում է տարբեր ոլորտներ, և այդ համատեքստում անհրաժեշտ է դիտարկել համագործակցության ծրագրերի իրականացման հնարավորությունը կրթության, գիտության, մշակույթի, սպորտի և երիտասարդության բնագավառներում: Նախարարը փաստել է, որ Սիրիայում գործում է հայկական հրաշալի համայնք, որը բացառիկ նշանակություն ունի մեր երկրի համար՝ հանդիսանալով յուրօրինակ կամուրջ:
Վահրամ Դումանյանը կարևորել է Սիրիայի հետ բարեկամական հարաբերությունների զարգացումը՝ առաջարկելով դիտարկել երկու երկրների միջև համագործակցության հուշագրի ստորագրման հնարավորությունը՝ վերջինիս հաղորդելով նոր բովանդակություն և չափելի արդյունքներ:
Սիրիա-Հայաստան բարեկամական խմբի ղեկավար Լյուսի Իսկանյանն իր հերթին նշել է, որ խոստումնալից երիտասարդներն են ցանկացած երկրի հույսը և շարժիչ ուժը՝ գոհունակությամբ փաստելով, որ Հայաստանում մեծ ուշադրություն են դարձնում նրանց հիմնախնդիրներին: Նրա խոսքով՝ չնայած պատերազմով պայմանավորված մարտահրավերներին՝ Սիրիայում գործող գիտակրթական հաստատությունները երբեք չեն դադարեցրել իրենց գործունեությունը: Լյուսի Իսկանյանն առաջարկել է թարմացնել երկու երկրների միջև եղած համաձայնագիրը՝ մասնավորապես փոխադարձության սկզբունքով ուսանողական կրթաթոշակների տրամադրման հարցով:
Վահրամ Դումանյանը՝ փաստելով, որ ՀՀ բուհերում հիմնականում սովորում են սիրիահայ երիտասարդներ, հույս է հայտնել, որ մեր երկրի բուհերը գրավիչ կլինեն նաև ազգությամբ սիրիացի ուսանողների համար, ինչն առավել կամրապնդի երկու պետությունների միջև կապերը: Նախարարի խոսքով՝ երկու երկրներն էլ անցել են պատերազմի միջով. «Պատերազմները և մարդկային դաժանությունները ճիշտ կրթության բացակայության հետևանք են: Ամենահզոր զենքը կրթությունն ու մշակույթն են, որոնցով պետք է ներկայանալ աշխարհին»:
Հանդիպմանը կողմերն անդրադարձել են նաև ուսանողների փոխանակման և երիտասարդների միջև շփումների ակտիվացման կարևորությանը: Պայմանավորվածություն է ձեռք բերվել, որ աշխատանքային խմբերը կմշակեն երկու երկրների միջև համագործակցության մասին հուշագրի նախագիծ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ողջու՛յն, հարգելի՛ գործընկերներ. Որպես ուսուցիչ, մենք ամեն օր ականատես ենք լինում, թե ինչպես է փոխվում մեր կրթական միջավայրը: Այսօր մենք կանգնած ենք մի նոր մարտահրավերի առաջ, որը կոչվում է Արհեստական…
Նախադպրոցական տարիքից դպրոցականին անցումը երեխայի կյանքի ամենաբարդ ճգնաժամերից մեկն է: Ինչպես հայտնի է, այս փուլում փոխվում է երեխայի սոցիալական դիրքը, իսկ խաղային գործունեությանը փոխարինելու է գալիս ուսումնականը: Սակայն, եթե այս…
Հատկապես վերջին տարիներին շեշտադրվեց աշակերտակենտրոն ուսուցումը,ինչը հնարավորություն է տալիս աշակերտին ճանաչել իր իմացածի և չիմացածի սահմանները և անհրաժեշտ քայլեր ձեռնարկել՝ սահուն անցում կատարելու և իմացածի սահմաններն ավելի ընդլայնելու ուղղությամբ: Երբեք…
Հանրակրթության ոլորտում ԱԲ գործիքների ներդրումը այլևս ոչ թե հեռավոր ապագայի հարց է, այլ արդիական մարտահրավեր, որը պահանջում է գիտամեթոդական խորը վերլուծություն և համակարգված մոտեցում: Ներկայացնեմ ԱԲ գործիքների կիրառման մի քանի…
Հարգելի գործընկերներ, այս տարվանից 9–րդ դասարանցիները գրում են ինտեգրված էսսե: Արդի կրթական բարեփոխումների համատեքստում էսսեն դադարել է լինել սոսկ շարադրական աշխատանքի տեսակ: Այն հանդես է գալիս որպես բազմաֆունկցիոնալ մեթոդական գործիք,…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
