«Գիրքը բացելուն պես նրա մեջ հետաքրքիր բան կգտնես»։
Պաուլո Կոելիո
Այսօր` ապրիլի 11֊ին, Եղվարդի N 3 հիմնական դպրոցի VI գ դասարանում ամփոփում էին ընթերցանության շաբաթը ( ուսուցիչ` Ա. Աղայան)։
Օրեր շարունակ երեխաները թե՛ դասի ժամին, թե՛ տանը կարդում էին տարբեր գրքեր, տեղեկություններ հավաքում աշխարհի ամենահին գրքերի ու գրադարանների մասին , ծանոթանում թղթի ստեղծման պատմությանը։
Դաս֊մրցույթը հետապնդում էր մի նպատակ` խթանել և զարգացնել երեխաների ընթերցասիրությունը, ուղղորդել նրանց դեպի գրքերի աշխարհ, որովհետև դրանք լուսավորում են մարդու հոգին, ամրացնում բնավորությունը, տալիս հուզող բազմաթիվ հարցերի պատասխաններ, մարդու մեջ արթնացնում լավագույն ձգտումներ, սրում միտքը և մեղմացնում սիրտը։
Դասը ծառայեց իր նպատակին։
Մրցույթին մասնակցեցին երեխաների մեծ մասը, և անաչառ ժյուրիի որոշմամբ հաղթեցին Սիլվի Վերդյանը, Էլիզա Մանուկյանը և Լյուդմիլա Բեյբությանը, ովքեր որպես մրցանակ ստացան հետաքրքիր գրքեր։