ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԿԳՄՍ նախարարի տեղակալները հանդիպել են ՀՀ-ում ֆրանկոֆոն դեսպանների հետ

Մարտի 24, 2022
Միջազգային լուրեր

Կրթության, գիտության, մշակույթի և սպորտի նախարարի տեղակալներ Արթուր Մարտիրոսյանը և Կարեն Թռչունյանը հանդիպել են Հայաստանի Հանրապետությունում ֆրանկոֆոն դեսպանների հետ: Հանդիպմանը մասնակցել են 13 երկրների դեսպաններ և գործերի ժամանակավոր հավատարմատարներ:

Ողջունելով ներկաներին՝ ԿԳՄՍ նախարարի տեղակալ Արթուր Մարտիրոսյանը շնորհակալություն է հայտնել Ֆրանսիայի և Լիբանանի դեսպաններին՝ հանդիպման նախաձեռնության համար: Արթուր Մարտիրոսյանը շնորհավորել է հանդիպման մասնակիցներին՝ մարտի 20-ին նշվող Ֆրանկոֆոնիայի միջազգային օրվա, ինչպես նաև Ֆրանկոֆոնիայի միջազգային կազմակերպությանը Հայաստանի անդամակցության 10-ամյակի կապակցությամբ:

Նա հայտնել է, որ ինչպես նախորդ տարիներին, այս տարի ևս ՀՀ հանրակրթական ուսումնական հաստատություններում, բուհերում, երաժշտական և արվեստի դպրոցներում ու գրադարաններում կկազմակերպվեն ֆրանկոֆոնիային նվիրված միջոցառումներ: Ըստ փոխնախարարի՝ ֆրանկոֆոնիայի երկամսյակի շրջանակում ամենանշանակալի միջոցառումն ապրիլի 21-ին և 22-ին Կ. Դեմիրճյանի անվան մարզահամերգային համալիրում կայանալիք կանադացի հանրահայտ երգիչ Գառուի համերգն է:

Արթուր Մարտիրոսյանը վերահաստատել է, որ ԿԳՄՍ նախարարությունը, հավատարիմ մնալով ֆրանկոֆոնիայի հիմնական առաքելությանը, մշտապես ջանքեր է գործադրում այդ առաքելության, այն է՝ ժողովրդավարության և մարդու իրավունքների պաշտպանության, ֆրանսերենի և մշակութային ու լեզվաբանական բազմազանության խթանման ուղղությամբ:

«Ուրախ ենք ֆրանկոֆոն միջազգային հանրության մասը կազմելու համար. ֆրանկոֆոնիան մեզ համար ոչ միայն առանձին ուղղություն է, այլև հնարավորություն՝ կրթության և մշակույթի ոլորտների զարգացման նպատակով նոր ռեսուրսներ ներգրավելու և իրականացվող բարեփոխումներն արագացնելու առումով: Մենք առաջիկայում նախատեսում ենք ֆրանկոֆոն ծրագրերի համակարգման որոշակի ձևաչափ մշակել՝ դրանք առավել համադրելի դարձնելու նպատակով»,- նշել է Արթուր Մարտիրոսյանը՝ կարևորելով յուրաքանչյուր դեպանության դերը ֆրանկոֆոնիայի շարժման մեջ:

ԿԳՄՍ նախարարի տեղակալ Կարեն Թռչունյանը վերահաստատել է, որ նախարարությունն անելու է հնարավորը՝ ուղղված կրթության, գիտության, մշակույթի, սպորտի և երիտասարդության ոլորտներում համագործակցության զարգացմանը, ինչպես նաև ֆրանկոֆոն օրակարգի ընդլայնմանն ու հարստացմանը:

Ֆրանկոֆոն դեսպանների խումբը գլխավորող ՀՀ-ում Լիբանանի արտակարգ և լիազոր դեսպան Մայա Դաղերը տեղեկացրել է, որ խումբը ձևավորվել է 2018 թվականին՝ Ֆրանկոֆոնիայի գագաթաժողովի նախապատրաստական աշխատանքների ժամանակ: Նա շեշտել է, որ Ֆրանկոֆոնիայի շարժման արժեքները կիսող երկրների մաս է կազմում նաև Հայաստանը, և խումբը պատրաստ է աջակցելու մեր երկրին՝ ընդլայնելու արդյունավետ համագործակցությունը:

ՀՀ-ում Ֆրանսիայի արտակարգ և լիազոր դեսպան Անն Լույոն իր հերթին նշել է, որ այս տարի շատ հարուստ և խիտ ծրագիր է նախատեսված ֆրանկոֆոնիայի երկամսյակի շրջանակում: Նրա խոսքով՝ նախատեսվում է ֆրանկոֆոնիային վերաբերող ճանապարհային քարտեզ մշակել, որում կներառվեն ՀՀ կրթական համակարգում ֆրանսերենի ուսուցման խթանման և ֆրանկոֆոնիայի արժեքների ամրապնդման հարցեր:

Հանդիպմանը ներկա դեսպանները և գործերի ժամանակավոր հավատարմատարները ներկայացրել են իրենց առաջարկները՝ ԿԳՄՍ ոլորտներում համագործակցության ընդլայնման և նոր ծրագրեր նախանշելու ուղղությամբ:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…