Խնդիրը՝ սովորեցնել ապրել տեղեկատվական աշխարհում

Մարտի 11, 2022

Դպրոցական անցուդարձ

Կապանի N 5 հիմնական դպրոցը, ի թիվս այլ դպրոցների, ՎՎ Կապանի գրասենյակի բարի կամեցողությամբ ունեցավ Սմարթ ( SMART) գրատախտակ:

Ի՞նչ հնարավություններ է նախատեսում խելացի գրատախտակը:

Այսօր՝ մարտի 10-ին, դպրոցի 4-րդ «բ» դասարաի դասվար, փորձառու մանկավարժ Արևիկ Հայրապետյանը սաների հետ տվեց հարցի պատասխանը:

Ես և շրջակա աշխարհն առարկայից՝ «Հայսատանը մեր հայրենիքն է» թեմայի շրջանակում անցկացրեց ինտերակտիվ դաս, որը փոխգործակցություն էր ոչ միայն դասավանդողի և սովորողի միջև, այլև սովորողների միջև, ուսումնական նյութի և սովորողի միջև:

Ուսուցման գործընթացում տեխնոլոգիայի կիրառումը բարձրացրեց կրթության արդյունավետությունը և որակը, ապահովեց ինքնուրույն ճանաչողական գործունեության շարժառիթներ, նպաստեց միջառարկայական կապերի ամրապնդմանը՝ առարկայական ծրագրերի ինտեգրման եղանակով:

Այսուհանդերձ՝ ուսուցչուհու և սաների խմբային ու անհատական աշխատանքը փայլեց ստեղծագործ յուրացումով՝ ապահովելով բազային հմտությունների, կարողությունների զարգացում, այն է՝ մտածել, պրպտել, ոչ ստանդարտ լուծումներ գտնել, ինքնուրույն կողմնորոշվել, հետազոտել և այլն:

Դասի ընթացքում երեխաները փորձեցին մատուցումների միջոցով վերարտադրել դասը, հեռացնել առաջացած խնդիրները, վիզուալ պատկերացումից անցում կատարել որոնողական գործունեությանը:

Աշխատանքը դասի ժամանակ դարձավ կենդանի գործողություններ, որը մեծ հետաքրքրություն և աշխուժություն առաջադրեց, տեսնել ընդունել, վերարտադրել, խաղալ նաև այն ժամանակ, երբ գրում- կարդում ես՝ ահա նպատակ, որ իրականացվեց խելացի գրատախտակի օգնությամբ

- Սկզբում մտավախություն ունեի,-ասաց ուսուցչուհին,- հետո հասկացա, որ երեխաները քաջալերեցին:

Տնօրենի ուսումնական աշխատանքների գծով տեղակալ Ալինա Մկրտչյանը հանգամանալից վերլուծեց դասը, բարձր գնահատական տվեց կատարված աշխատանքին ու երեխանաերի ցուցաբերած գիտելիքին: Նրա բնորոշմամբ՝ յուրօրինակ դասը դիտվեց որպես մունետիկ իր տեսակի մեջ՝ դպրոցում կազմակերպված բաց դասերի ձևաչափում:

Դպրոցի տնօրեն Սիրանուշ Հարությունյանը հանգամանալից վերլուծեց կատարված աշխատանքը՝ շեշտադրում անելով արդի ժամանակն ու նոր պահանջները:

- Նոր դարաշրջանում կրթությունը ձեռք է բերում կիրառական նշանակություն, ուստի և մեծանում է շարունակական կրթության դերն ու անհրաժեշտությունն անհատի կյանքում:

Ինֆորմացիոն տեխնոլոգիաների զարգացման տեմպը, ժամանակակից մեթոդները պարտադրում են ուսուցման գործընթացում կիրառել այնպիսի տեխնոլոգիաներ, որոնք ապահովում են ինքնուրույն ճանաչողական գործունեության շարժառիթներ, ուստի հորդորում եմ բոլոր ուսուցիչներին էլեկտրոնային ինտերակտիվ մեթոդներով բարելավել ուսուցման աշխատանքները՝ հեշտացնելով նորի յուրացումը:

Դասին ներկա էին գործընկերներ, ծնողներ:

Կապանի N 5 հիմնական դպրոց