Գիրքը՝ ընծա

Փետրվարի 22, 2022

Դպրոցական անցուդարձ

Փետրվարի 19-ը Գիրք նվիրելու տոն է: Պատահական չէ, որ այս տոնը զուգադիպում է Ամենայն հայոց բանաստեղծ Հովհաննես Թումանյանի ծննդյան օրվան, որովհետև երեխաները գրքերի աշխարհ են մտնում Թումանյանի հեքիաթներով:

Տոնը խորհուրդ ունի: Այն հիշեցնում է մեզ, որ պետք է ճանաչենք գրքի արժեքը, ընթերցենք և միմյանց գրքեր ընծայենք:

Օրվա առթիվ գրական երաժշտական ցերեկույթ էր կազմակերպվել Կապանի N 5 հիմնական դպրոցում՝ գրադարանավարուհի Գայանե Հարությունյանի գլխավորությամբ : Թումանյանական աշխարհը դպրոցի գրադարանում էր, ուր մի հարկի տակ և հանուն մի նպատակի հանդես էին գալիս Քաջ Նազարն ու Անբան Հուռին, Ձախորդ Փանոսն ու Շունն ու Կատուն, Պոչատ աղվեսն ու Կիկոսը:

Այստեղ ոչ մեկն անբան, ձախորդ կամ վախկոտ չէ, բոլորն եկել են շնորհավորելու միմյանց՝ գիրք նվիրելու տոնի առթիվ:

Դասվարներ Արևիկ Հայրապետյանը, Արմինե Մարտիրոսյանը և Արինե Գասպարյանը արել էին հնարավոր ամեն ինչ, որ լուսապայծառ հոգիներով ճառագած մեր փոքրիկների օրը լինի յուրօրինակ:

Միջոցառումն ամփոփեց դպրոցի տնօրեն տնօրեն Սիրանուշ Հարությունյանը, Արևիկ Աբրահամյանը գրքի նշանակությունը մարդու կյանքում իմաստը կրող զրույցներով:

ՎՎ Կապանի գրասենյակի ներկայացուցիչները դպրոցի գրադարանին գրքեր նվիրեցին, իսկ երեխաներն էլ միմյանց գրքեր ընծայեցին:

Կապանի N 5 հիմնական դպրոց