ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ՄԹ շրջանավարտները՝ ի նպաստ Հայաստանի

Դեկտեմբերի 4, 2021
Լուրեր կազմակերպություններից

Հայաստանում առաջին անգամ անցկացվել է Միացյալ Թագավորության «Շրջանավարտների մրցանակ» մրցանակաբաշխությունը:

«Շրջանավարտների մրցանակ 2021-22»-ի հանձնման հանդիսավոր արարողությանը ողջույնի խոսքով հանդես են եկել և մրցանակաբաշխությանը մասնակցել են ԿԳՄՍ նախարարի տեղակալ Արթուր Մարտիրոսյանը և Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջոն Գալագերը:

Միացյալ Թագավորությունում (ՄԹ) «Շրջանավարտների մրցանակ»-ի նպատակն է մեծարել նրանց և գնահատել այն ազդեցությունը, որը ստեղծում են ՄԹ բարձրագույն կրթական հաստատությունների շրջանավարտներն իրենց ընտրած բնագավառում, այդպիսով նաև վերարժևորելով ՄԹ-ում իրենց ուսումնառությունն ու փորձառությունը։ ՄԹ «Շրջանավարտների մրցանակին» կարող են դիմել բոլոր այն շրջանավարտները, որոնք վերջին 15 տարում սովորել են Միացյալ Թագավորությունում, ՄԹ-ում պաշտոնապես ընդունված ակադեմիական որակավորում շնորհող որևէ ծրագրում առնվազն մեկ կիսամյակ, կամ նրանք, որոնց շնորհվել է ակադեմիական որակավորում ՄԹ համալսարանի կողմից հավատարմագրված երրորդ երկրում գործող որևէ համալսարանի կողմից։ Հայաստանում ՄԹ «Շրջանավարտների մրցանակ 2021-22»-ի եզրափակիչ փուլ անցել են 12 մասնակիցներ:

ԿԳՄՍ նախարարի տեղակալ Արթուր Մարտիրոսյանը շնորհավորել է եզրափակիչ դուրս եկած շրջանավարտներին և շնորհակալություն հայտնել Բրիտանական խորհրդին նախագիծն իրականացնելու համար:

«Հայ ուսանողների՝ արտերկրում կրթություն ստանալը, հատկապես Միացյալ Թագավորությունում ուսանելը, անչափ կարևոր է մեզ համար, քանի որ նրանք իրենց գիտելիքը ծառայեցնում են հայրենիքին: Եզրափակիչ փուլ հասած 12 մասնակիցներից շատերն ինձ ծանոթ են. դա փաստում է այն հանգամանքը, որ նրանք արդեն իսկ հասցրել են մեծ ներդրում ունենալ հայրենաշինության գործում»,- ասել է փոխնախարարը:

Եզրափակիչ փուլ հասած 12 մասնակիցներից 4-ն արժանացել են մրցանակի հետևյալ 4 անվանակարգերում՝ «Մասնագիտական նվաճում», «Մշակույթ և ստեղծարարություն», «Սոցիալական գործողություն», «Գիտություն և կայունություն»:

Հաղթողները ոգևորությամբ նշել են, որ կշարունակեն իրենց ներուժը ծառայեցնել պետության բարօրությանը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…