Մասնագիտական կողմնորոշման դասընթացներ Տավուշի մարզի համայնքներում

Հունվարի 30, 2017

Լուրեր կազմակերպություններից

Տավուշի մարզի մի քանի համայնքների դպրոցներում մեկնարկել ենն մասնագիտական կողմնորոշման դասընթացներ միջին և ավագ դասարանների սովորողների համար: Դասընթացների նպատակն է երեխային ծանոթացնել մասնագիտական կողմնորոշման նպատակներին, ուղղորդել նրան մասնագիտության ընտրության գործընթացում և աջակցել  նրան՝ ճանաչելու սեփական կարողությունները ապագայում իր կենսագործունեությունը կազմակերպելու և անհոգ ապրելու համար, ինչպես նաև կողմնորոշվել ներկա աշխատաշուկայում տարբեր մասնագիտությունների ընտրության հարցում: Նախքան դասընթացների կազմակերպումը հանրակրթական դպրոցներում, Մասնագիտական կողմնորոշման մեթոդական կենտրոնի կողմից  իրականացվել է Սևքար, Իջևան, Պառավաքար, Ազատամուտ և Բերդ համայնքների ուսուցիչների և ուսումնադաստիրակչական գծով պատասխանատուների, մասնագետների վերապատրաստում: Վերապատրաստման ընթացքում դպրոցների աշխատակիցները ծանոթացել են Հայաստանում կարիերայի ուղղորդման համակարգի առկա վիճակին և զարգացման հեռանկարներին, մասնագիտական կողմնորոշման մոդելին, գործընթացին և փուլերին, ՀՀ կրթական համակարգին  և  աշակերտների հետ մասնսագիտական կողմնորոշման ուղղությամբ աշխատանքի սկզբունքներին ու մեթոդներին, ինչպես նաև կյանքի ընթացքում կարիերայի պլանավորման խնդիրներին, մշակեցին դասընթացի պլաններ: Վերապատրաստումից հետո մասնագետները  ամեն ամիս անց են կացնում դասընթացներ 8-11-րդ դասարաններում:

Բերդ համայնքի թիվ 3 հիմնական դպրոցում անցկացվեց մասնագիտական կողմնորոշման դասընթաց 9-րդ դասարանում  «Ինչու ընտրել մասնագիտություն և մասնագիտության ընտրության գործոնները» թեմայով , որը վարեց դասարանի ղեկավար Էլյա Ծատուրյանը: Որպես առաջին դասընթացի մասնակցություն, դրևորվեց բավականին հետաքրքրություն երեխաների կողմից. Ներկա էին նաև հասարակական կազմակերպությունների, գործընկեր Վորլդ Վիժն Հայաստանի ներկայացուցիչներ, տնօրինությունը և ուսուցիչներ: Դասընթացը բավականին լավ էր կազմակերպված, հագեցած էր տեսական , գործնական աշխատանքներով, որոնց նպատակն էր երեխաներին ծանոթացնել մասնագիտության ընտրության կարևորությունը որոշակի տարիքում և ձևավորել հետաքրքրություն մասնագիտական կողմնորոշման հանդեպ, ստանալ գիտելիքներ մասնագիտության ընտրության գործոնների ու բաղադրիչների վերաբերյալ: Դասընթացի մասնակիցներից 14 -ամյա Նունեն կարևորում է իր մասնակցությունը, նշելով.«Մասնագիտություն ընտրելիս պետք է այն սիրել և գիտակցել, թե որքանով է այն համապատասխան ներկա պահանջներին»: Առաջին դասընթացներ են նաև   անցկացվել  Պառավաքար համայնքի  միջնակարգ դպրոցում ( ուսուցչուհի Շ. Ջուլհակյան) Սևքարի միջնակարգ դպրոցում ( ուսուցիչներ՝ Ա.Ամիրջանյան, Կ.Ծովանյան, Պ.Հովսեփյան):

Տավուշի մարզի Բերդ, Սևքար, Ազատամուտ և Պառավաքար համայնքների և Իջևանի թիվ 1 հիմնական դպրոցներում մասնագիտական կողմնորոշման ծրագիրն իրականացվում է Վորլդ Վիժն Հայաստան միջազգային բարեգործական կազմակերպության աջակցությամբ՝ Մասնագիտական կողմնորոշման մեթոդական կենտրոնի և նշյալ դպրոցների հետ համագործակցությամբ:

ՎՎՀ Իջևանի գրասենյակ