Երևանի «Գյոթե» կենտրոնում տեղի է ունեցել Եվրոպական միության աջակցությամբ կազմակերպվող «ԵՄ-ն՝ հանուն մշակույթի» (EU4Culture) ծրագրի շրջանակում համայնքային մշակութային ռազմավարության մշակման համար Հայաստանից ընտրված 3 քաղաքների պաշտոնական ազդարարման և մրցանակների հանձնման արարողությունը:
Միջոցառմանը ողջույնի խոսքով հանդես են եկել ՀՀ ԿԳՄՍ նախարարի տեղակալ Արթուր Մարտիրոսյանը և Հայաստանում ԵՄ պատվիրակության դեսպան Անդրեա Վիկտորինը:
EU4Culture-ը քառամյա ծրագիր է, որը ֆինանսավորվում է Եվրոպական միության կողմից, աջակցում է մշակույթի ոլորտին՝ կենտրոնանալով Արևելյան գործընկերության երկրների մարզային քաղաքների վրա: Դրամաշնորհային հայտերի մրցույթը մեկնարկել է 2021 թվականի մայիսին և կգործի մինչև 2024 թվականի դեկտեմբերը: Ընտրված երեք քաղաքները՝ Սևանը, Չարենցավանը և Իջևանը, կստանան 30.000 եվրո դրամաշնորհ՝ մշակույթի զարգացման ռազմավարություն մշակելու համար, այնուհետև կընտրվի լավագույն ՏԻՄ մշակութային ռազմավարությունը՝ 300.000 եվրո գումարով տվյալ համայնքում այն իրականացնելու համար:
EU4Culture-ի նպատակն է նպաստել մշակույթի դերի՝ որպես տարածաշրջանում աճի և սոցիալական զարգացման շարժիչ ուժի բարձրացմանը, օգնել մարզային քաղաքներին՝ մշակույթի միջոցով խթանելու տնտեսությունը, հզորացնել մշակութային և ստեղծագործական կապերը:
ՀՀ ԿԳՄՍ նախարարի տեղակալ Արթուր Մարտիրոսյանը ողջունել է ներկաներին՝ կարևորելով Հայաստանում Eu4Culture ծրագրի իրականացումը տարածքային համաչափ զարգացման շրջանակում մարզերում մշակութային կյանքի և մշակութաստեղծ գործունեության ակտիվացման, մշակութային արտադրանքը համայնքների բնակիչներին մատուցելու և նրանց՝ մշակութային արտադրանքի ստեղծման մեջ ներգրավման տեսանկյունից՝ այդ առումով ընդգծելով ՏԻՄ դերակատարությունը. «Ես ուզում եմ կարևորել «ԵՄ-ն՝ հանուն մշակույթի» ծրագիրը. այն առանձնանում է նրանով, որ շեշտադրում է ՏԻՄ-երի հատուկ դերակատարությունը՝ իրենց համայնքներում և հարակից բնակավայրերում մշակութային կյանքի աշխուժացման առումով»:
Փոխնախարարը որպես առանձնահատկություն է ընդգծել ծրագրի մրցակցային բնույթը. «Վստահ եմ, որ առողջ մրցակցության պայմաններում մենք, բացի երեք քաղաքներում մշակութային ռազմավարություն ունենալուց, կապահովենք ՏԻՄ մշակութային ռազմավարության օրինակ, որը կարող է նախատիպային լինել ՀՀ այլ համայնքների համար: Մշակույթի զարգացման ռազմավարության առկայությունը կնպաստի տվյալ համայնքի ստեղծագործական կարողությունների լիարժեք արտահայտման և իրացման համար բարենպաստ միջավայրի, մշակութային կյանքին հանրային լայն մասնակցության ապահովմանը, մշակույթի և կրթության կապի խթանմանը, մշակույթի մոնետիզացիային, որը, ի թիվս այլ հարցերի, կբարձրացնի տվյալ համայնքների զբոսաշրջային գրավչությունը»:
Փոխնախարարի խոսքով՝ Արևելյան գործընկերության առնվազն 5 երկրներում ծրագրի ընդգրկվածությունը ճանաչողական այցերի, փորձի փոխանակման, միջազգային համագործակցության և մշակութային երկխոսության աշխուժացման հնարավորություն կտա:
Նախարարի տեղակալ Արթուր Մարտիրոսյանը շնորհակալություն է հայտնել գործընկերներին ծրագրին աջակցելու համար, շնորհավորել է ընտրված համայնքներին և ԿԳՄՍ-ի անունից վերահաստատել է ՏԻՄ-ների կողմից իրականացվող մշակութային ռազմավարության մշակմանը և իրականացմանը շարունակական աջակցություն ցուցաբերելու պատրաստակամությունը:
Հայաստանում ԵՄ պատվիրակության դեսպան Անդրեա Վիկտորինը շնորհավորել է մասնակիցներին և ընդգծել, որ հենց մշակույթն է տնտեսության զարգացման շարժիչ ուժը, և պետք է համադրել մշակույթը ստեղծարար արդյունաբերության հետ: Ա. Վիկտորինը հաջողություն է մաղթել ընտրված քաղաքներին. «Դո՛ւք պետք է որոշեք, թե ինչ տեսլականով եք ուզում զարգացնել ձեր մշակույթը: Այս ծրագիրը կխթանի ամբողջ երկրի մշակութային ռազմավարության զարգացումը»:
«ԵՄ-ն՝ հանուն մշակույթի» ծրագրի ընդհանուր համակարգող Անատոլի Բայֆերթը, ծրագրային կոնսորցիումում Հայաստանի մասով աշխատանքները համակարգող, Երևանում ‹‹Գյոթե›› կենտրոնի ղեկավար Նաթիա Միքելաձե-Բախսոլիանին, Հայաստանում ծրագրի ազգային համակարգող Մարինե Կարոյանը ևս իրենց խոսքում կարևորել են ծրագիրը՝ ներկայացնելով դրա ընդհանուր նկարագիրը, ընտրության գործընթացն ու հետագա քայլերը:
Ընտրված քաղաքների ներկայացուցիչները նշել են իրենց ոգևորվածության մասին և վստահեցրել, որ համագործակցաբար, մշակութային ծրագրերի միջոցով զգալի արդյունքի կհասնեն տնտեսական զարգացման խթանման գործում:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ