ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Ոչ նյութական մշակութային ժառանգությունը՝ երկրի կայուն զարգացման ուղի

Հոկտեմբերի 14, 2021
Մշակութային լուրեր

ՅՈՒՆԵՍԿՕ-ի կենտրոնակայանում տեղի է ունեցել «Ոչ նյութական մշակութային ժառանգության պաշտպանության մասին» կոնվենցիայի Եվրոպայի տարածաշրջանի պարբերական զեկույցների ամփոփիչ նիստը:

Ոչ նյութական մշակութային ժառանգության մոնիթորինգը հստակեցրել է ժառանգության արդի իրավիճակը, դրա պահպանությանն ու փոխանցմանն առնչվող հարցերը, որոնք ներկայում կարևորվում են երկրի կայուն զարգացման նպատակների ուղղությամբ իրականացվող գործընթացների համատեքստում։

Այս թեմաների շուրջ զեկույց է ներկայացրել ՀՀ ԿԳՄՍ նախարարության մշակութային ժառանգության և ժողովրդական արհեստների վարչության մշակութային ժառանգության պահպանության և հանրահռչակման բաժնի գլխավոր մասնագետ Նաիրա Կիլիչյանը` նշելով, որ զեկույցի պատրաստման գործընթացը հստակեցրել է ժառանգության պահպանության արդյունավետությունը բարձրացնելու մի շարք նոր ուղղություններ։

ՅՈՒՆԵՍԿՕ-ի 2003 թ. «Ոչ նյութական մշակութային ժառանգության պաշտպանության մասին» կոնվենցիայի կիրարկման և ՅՈՒՆԵՍԿՕ-ի մարդկության ոչ նյութական մշակութային ժառանգության ներկայացուցչական ցանկում գրանցված տարրերի մասին Հայաստանի պարբերական զեկույցի պատրաստման գործընթացը մասնակցային էր, և ընդգրկվել են հասարակության լայն շրջանակներ՝ նախորդ տարիների ընթացքում ոչ նյութական մշակութային ժառանգության պահպանությանն ուղղված ծրագրերում մասնակից բազմաթիվ անհատ ստեղծագործողներ, արհեստավորներ, երգիչներ, պարողներ, կարպետագործներ, ասեղնագործներ, արծաթագործներ, երիտասարդական կազմակեր¬պություններ համայնքներից, կամավորներ, փորձագետներ, գիտնականներ, արվեստագետներ, մշակութաբաններ։ Հատկապես կարևորվում է տարեց մարդկանց ներգրավվածությունը, որոնց համար ոչ նյութական մշակութային ժառանգության պահպանությանն ուղղված ծրագրերի իրականացումն ու զեկույցի պատրաստման մասնակցությունը «երկրորդ շնչառություն» էր:

Զեկույցի պատրաստման առանձնահատկություններից էր դրա ներառականությունը. մասնակցել են Հայաստանում ապրող ազգային փոքրամասնությունների ներկայացուցիչները, Սիրիայի պատերազմի հետևանքով Հայաստան տեղափոխված արհեստավորները, հաշմանդամություն ունեցող անձինք, ինչպես նաև նրանց միավորող հասարակական կազմակերպությունները։

Տեղեկանք: «Ոչ նյութական մշակութային ժառանգության պաշտպանության մասին» կոնվենցիայի Եվրոպայի տարածաշրջանի պարբերական զեկույցների ամփոփիչ նիստին մասնակից 60 երկրների շարքում պարբերական զեկույցի պատրաստման լավ փորձը ներկայացնելու նպատակով հրավիրվել էին Հայաստանը, Հունաստանը, Լիտվան, Մակեդոնիան և Իռլանդիան:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցիչ 24 ժամ և 7 օր , երկրաչափություն 7-րդ դասարան

    Թեմայի հեղինակ՝ hasmikh

    Հարգելի գործընկերներ, նպատակ ունեմ Ձեզ հետ համագործակցելով, ստեղծել երկրաչափություն առարկայի տեսական նյութերի ամբողջական փաթեթ, որը օգտակար կլինի ո՛չ միայն աշակերտների, այլև

  • ՀԱՅՐԵՆԱՍԻՐՈՒԹՅԱՆ ՆԵՐԿԱՊՆԱԿ

    Թեմայի հեղինակ՝ gohar66

    Հարգելի գործընկերներ,<<Հայրենասիրության սերմանումը հայ գրականության դասերին >>թեմայիս շրջանակներում առաջադրում եմ մի շատ կարևոր հարց,որից կախված է մեր երկրի ապագան,մեր

  • Կլիմայի գլոբալ փոփոխությունների համամոլորակային հիմնախնդիրները

    Թեմայի հեղինակ՝ Xanum

    Ոչ ոք կղզի չէ: Մենք փոխկապակցված ենք: Մեր գործողությունները հետևանքներ ունեն ՝ բոլորիս համար: Երբ մենք դառնում ենք ավելի ու ավելի փոխկապակցված, այնպես որ մենք կիսում ենք ռիսկերը:

  • Գնահատե՞լ,թե՞՝ոչ

    Թեմայի հեղինակ՝ Գ. Գևորգյան

    Գնահատե՞լ,թե՝ոչ ՀՀ հանրակրթության համակարգում 2023թ.-ից նախատեսվում է սովորողների միավորային գնահատումն իրականացնել սկսած 5-րդ դասարանի երկրորդ կիսամյակից,այդպիսով կարևորելով

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում: