ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Մեկնարկել է հայ-ֆրանսիական առաջին գիտաբժշկական համաժողովը

Հոկտեմբերի 13, 2021
Լուրեր կազմակերպություններից

Հայաստանին և Ֆրանսիային կապող պատմական համերաշխությանը հավատարիմ՝ Ֆրանսիայի 3 հանրային հիվանդանոցային համակարգեր միացել են իրենց հայ գործընկերներին՝ օգնելու Արցախի վերջին հակամարտության ընթացքում տուժած զինծառայողներին:

Այդ համագործակցության շրջանակում Երևանի պետական բժշկական համալսարանում այսօր մեկնարկել է Արցախյան վերջին հակամարտության արդյունքում վիրավորում ստացած անձանց խնամքին նվիրված առաջին հայ-ֆրանսիական գիտաբժշկական համաժողովը: Այն կազմակերպվել է Ֆրանսիայի 3 հանրային հիվանդանոցային համակարգերի՝ Փարիզի համալսարանական հիվանդանոցների կենտրոնի (Assistance publique-Hôpitaux de Paris (AP-HP), Լիոնի համալսարանական հիվանդանոցների և Լիոնի հոսպիտալի Վինատիե կենտրոնի կողմից՝ ՀՀ կրթության, գիտության, մշակույթի և սպորտի նախարարության աջակցությամբ և ՀՀ-ում Ֆրանսիայի դեսպանության բարձր հովանավորության ներքո:

Համաժողովի բացման խոսքով հանդես է եկել Երևանի պետական բժշկական համալսարանի ռեկտոր Արմեն Մուրադյանը, այնուհետև միջոցառման մասնակիցներին ՀՀ նախագահ Արմեն Սարգսյանի ողջույնի խոսքն է փոխանցել նրա օգնական Գևորգ Մելիքյանը:

Միջոցառման մասնակիցներին ողջունել է նաև ՀՀ ԿԳՄՍ նախարար Վահրամ Դումանյանը: Նա նշել է, որ Հայաստանի անկախությունից ի վեր՝ վերջին 30 տարիների ընթացքում, պատմականորեն եկած բարեկամության հիմքով երկու ժողովուրդների միջև ձևավորվել են միջպետական մակարդակի առանձնահատուկ հարաբերություններ:

«Այս ամենի վառ ապացույցն է նաև Արցախյան 44-օրյա պատերազմի, ինչպես նաև հետագա մեկ տարվա ընթացքում Ֆրանսիայի ցուցաբերած բժշկական շարունակական աջակցությունը՝ ուղղված հայ զինվորներին: Իմ խորին շնորհակալությունն եմ հայտնում կատարած մասնագիտական աշխատանքի և մարդասիրական վերաբերմունքի համար: Ֆրանսիայի ցուցաբերած աջակցության շրջանակում մեծապես կարևորում եմ Հայաստանում վերականգնողական բժշկության զարգացումը, որի արդյունքում հնարավոր կլինի նաև վերափոխել կրթահետազոտական ծրագրերը»,- նշել է նախարարը՝ վստահություն հայտնելով, որ հայ-ֆրանսիական բարեկամական համագործակցության արդյունքում հնարավոր կլինի ստեղծել նոր և հիմնարար պայմաններ՝ ուղղված Հայաստանում բժշկական կրթության զարգացմանը և հետազոտությունների իրականացմանը, ինչպես նաև բժիշկների շարունակական վերապատրաստմանը:

Ըստ Վահրամ Դումանյանի՝ համաժողովը լավ մեկնարկ կհանդիսանա նաև Երևանի պետական բժշկական համալսարանում ֆրանսերենի զարգացման համար, որի արդյունքում բուհի ուսանողները հնարավորություն կունենան սովորելու Ֆրանսիայում՝ համալսարանական հիվանդանոցների կենտրոններում ձեռք բերելով գիտելիք և հմտություններ:

Միջոցառման մասնակիցներին ողջունել և հայ-ֆրանսիական համագործակցությանն են անդրադարձել նաև ՀՀ-ում Ֆրանսիայի Հանրապետության դեսպան Անն Լույոն, ՀՀ առողջապահության նախարար Անահիտ Ավանեսյանը, Փարիզի համալսարանական հիվանդանոցների գլխավոր տնօրեն Մարտին Հիրսչը և Լիոնի քաղաքացիական հիվանդանոցային համակարգի գլխավոր քարտուղարը:

Նշենք, որ համաժողովի նպատակը հայ և ֆրանսիացի մասնագետների միջև փորձի փոխանակումն է, ինչպես նաև առողջապահության ոլորտում երկու պետությունների միջև տևական համագործակցության հեռանկարը: Համաժողովն իր աշխատանքները կշարունակի հոկտեմբերի 14-ին և 15-ին:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…