ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԵՊՀ մանկավարժության ամբիոնը 100 տարեկան է

Հոկտեմբերի 13, 2021
Լուրեր կազմակերպություններից

Երևանի պետական համալսարանում տեղի է ունեցել ԵՊՀ մանկավարժության ամբիոնի հիմնադրման 100-ամյակին նվիրված հոբելյանական միջոցառում: Միջոցառմանը ներկա էր նաև ԿԳՄՍ նախարարի տեղակալ Կարեն Թռչունյանը:

Ամբիոնի հոբելյանին նվիրված միջոցառման շրջանակներում դասախոսները պարգևատրվել են համալսարանի արծաթե և բրոնզե մեդալներով, պատվոգրերով, ինչից հետո ցուցադրվել է մանկավարժության ամբիոնի գիտակրթական գործունեության, անցած 100-ամյա ուղու մասին պատմող փաստավավերագրական ֆիլմը:

ԵՊՀ մանկավարժության և կրթության զարգացման կենտրոնի տնօրեն, մանկավարժության ամբիոնի վարիչ, մանկ. գիտ. դոկտոր, պրոֆեսոր Նազիկ Հարությունյանը ներկայացրել է «Մանկավարժության ամբիոնի անցած 100-ամյա ուղին» խորագրով գիրքը, որն իր նկարազարդ էջերում ամփոփում է ամբիոնի 100-ամյա գործունեությունը: Նա ընդգծել է, որ գիտական գործունեության ողջ ընթացքում կենտրոնն իր առջև նպատակ է դրել պահպանել ավագ գործընկերների ստեղծած արժեքները, զարգացնել ու նոր որակի բարձրացնել մանկավարժության ամբիոնի գիտակրթական աշխատանքը: Պրոֆեսորը շեշտել է. «Այսօր մեծ հպարտությամբ կարող եմ ասել, որ մենք հավատարիմ ենք մնացել մեր մեծ առաքելությանը»:
Միջոցառման ընթացքում շնորհավորական ուղերձներ են հնչել Ավստրիայի Գրացի, Լեհաստանի Վարշավայի և Ժեշովի, ինչպես նաև ՌԴ Մոսկվայի պետական հոգեբանամանկավարժական համալսարաններից:

ԿԳՄՍ նախարարի տեղակալ Կարեն Թռչունյանը ևս շնորհավորել է ամբիոնի 100-ամյակը և կարևորել ամբիոնի դերակատարությունը նորարարական գաղափարների տարածման և մանկավարժության զարգացման տեսանկյունից. «Մեր բուհական համակարգի ամենակարևոր գործը նոր սերունդ կրթելն է՝ կիրառելով նոր մոտեցումներ ու տեխնոլոգիաներ, քանի որ 20-րդ դարի կրթությունը էապես տարբերվում է նոր ժամանակների կրթությունից: Այն երկրները, որոնք կկարողանան կրթական համակարգը հարմարեցնել ժամանակի պահանջներին, կլինեն առաջամարտիկներ: Այս գործընթացը, որում անչափ կարևոր է մանկավարժների դերը, աստիճանաբար է կատարվում: Վստահ եմ, որ ԵՊՀ մանկավարժության ամբիոնը կունենա իր ներդրումը տվյալ գործում»:

ԵՊՀ ռեկտորի ժամանակավոր պաշտոնակատար Հովհաննես Հովհաննիսյանը հոբելյանի առթիվ Նազիկ Հարությունյանին է նվիրել Արցախից բերված «Մոխանք Արևագորգ›› անունը կրող գորգ:

«Մանկավարժության ամբիոնը այն հիմնասյուներից է, որի վրա կառուցվել է համալսարանի հարյուրամյա պատմությունը: Մենք բոլորս մանկավարժներ ենք, մեր կյանքը նվիրել ենք մեր հայրերին ու պետությանն արժանի երիտասարդ սերնդի դաստիարակությանը: Այս գործում անգնահատելի է համալսարանի դերը»,- ասել է Հովհաննես Հովհաննիսյանը և հավելել, որ մանկավարժության ամբիոնն այսօր էլ շարունակում է լինել մանկավարժական առաջատար գաղափարների ներմուծողն ու նորարարը։

Միջոցառմանը «Լավագույն ուսանող» անվանակարգում խրախուսական պատվոգրեր են շնորհվել կենտրոնի երկու ուսանողի՝ բակալավրիատի «Սոցիալական մանկավարժություն» կրթական ծրագրի չորրորդ կուրսի ուսանողուհի Մարգարիտա Ոսկանյանին և մագիստրատուրայի «Կրթության կազմակերպում» կրթական ծրագրի երկրորդ կուրսի ուսանողուհի Մանե Ալեքսանյանին:
Միջոցառման ավարտին ցուցադրվել է ԵՊՀ մանկավարժության ամբիոնի՝ աշխարհով մեկ սփռված շրջանավարտների երախտագիտության խոսքերն ու շնորհավորանքներն ամփոփող տեսաֆիլմ, որից հետո հանդիսավոր միջոցառումը եզրափակվեց «Էլեգիա» երաժշտական քառյակի կատարումներով:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցիչ 24 ժամ և 7 օր , երկրաչափություն 7-րդ դասարան

    Թեմայի հեղինակ՝ hasmikh

    Հարգելի գործընկերներ, նպատակ ունեմ Ձեզ հետ համագործակցելով, ստեղծել երկրաչափություն առարկայի տեսական նյութերի ամբողջական փաթեթ, որը օգտակար կլինի ո՛չ միայն աշակերտների, այլև

  • ՀԱՅՐԵՆԱՍԻՐՈՒԹՅԱՆ ՆԵՐԿԱՊՆԱԿ

    Թեմայի հեղինակ՝ gohar66

    Հարգելի գործընկերներ,<<Հայրենասիրության սերմանումը հայ գրականության դասերին >>թեմայիս շրջանակներում առաջադրում եմ մի շատ կարևոր հարց,որից կախված է մեր երկրի ապագան,մեր

  • Կլիմայի գլոբալ փոփոխությունների համամոլորակային հիմնախնդիրները

    Թեմայի հեղինակ՝ Xanum

    Ոչ ոք կղզի չէ: Մենք փոխկապակցված ենք: Մեր գործողությունները հետևանքներ ունեն ՝ բոլորիս համար: Երբ մենք դառնում ենք ավելի ու ավելի փոխկապակցված, այնպես որ մենք կիսում ենք ռիսկերը:

  • Գնահատե՞լ,թե՞՝ոչ

    Թեմայի հեղինակ՝ Գ. Գևորգյան

    Գնահատե՞լ,թե՝ոչ ՀՀ հանրակրթության համակարգում 2023թ.-ից նախատեսվում է սովորողների միավորային գնահատումն իրականացնել սկսած 5-րդ դասարանի երկրորդ կիսամյակից,այդպիսով կարևորելով

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում: