ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«100 գաղափար ԱՊՀ-ի համար» միջազգային երիտասարդական մրցույթում Հայաստանից հաղթող է ճանաչվել 2 նախագիծ

Հոկտեմբերի 12, 2021
Լուրեր կազմակերպություններից

ՀՀ երիտասարդական մայրաքաղաք Կապանում տեղի ունեցող ԱՊՀ երիտասարդության հարցերով խորհրդի նիստի շրջանակում այսօր ամփոփվել են «100 գաղափար ԱՊՀ-ի համար» միջազգային երիտասարդական մրցույթի եզրափակիչ փուլի արդյունքները։

Կապանի մշակույթի տանը ԱՊՀ մասնակից պետությունները կահավորել էին տաղավարներ՝ ներկայացնելով իրենց գաղափարները։ Տաղավարային ցուցադրությունը բաց է եղել ինչպես ԱՊՀ երիտասարդական խորհրդի նիստի մասնակիցների, այնպես էլ Կապանի բնակիչների և այլ այցելուների համար։

Ընդհանուր առմամբ մրցույթին ներկայացվել է շուրջ 50 նախագիծ՝ ԱՊՀ մասնակից պետություններից՝ Հայաստանից, Բելառուսից, Ռուսաստանից, Ղրղզստանից, Ուզբեկստանից, Ղազախստանից և Տաջիկստանից: Ներկայացվել են այն նախագծերը, որոնք հաղթող են ճանաչվել մրցույթի ազգային փուլում։

Հայաստանը «100 գաղափար ԱՊՀ-ի համար» մրցույթին ներկայացրել էր 6 նախագիծ, որոնք ճանաչվել էին լավագույնը «100 գաղափար Հայաստանի համար» մրցույթում։ Ղազախստանը մրցույթին ներկայացել է առցանց տաղավարով՝ գաղափարները ներկայացնելով տեսակապի միջոցով։

Ներկայացված նախագծերի մրցութային ընտրությունը կատարել է միջազգային ժյուրին, որի կազմում ընդգրկված էին ներկայացուցիչներ Բելառուսից, ՌԴ-ից և Հայաստանից։ Տաղավարային դիտումներից հետո ժյուրին բոլոր մասնակիցների հետ ունեցել է անհատական հանդիպումներ, որոնց ժամանակ մրցույթի մասնակիցները ներկայացրել են իրենց գաղափարները։

Ժյուրիի որոշմամբ «100 գաղափար ԱՊՀ-ի համար» մրցույթում հաղթող է ճանաչվել 12 նախագիծ՝ ըստ ոլորտների և անվանակարգերի։

ՀՀ ներկայացուցիչներ Համեստ Աղաջանյանը և Դիանա Գալստյանը հաղթել են սոցիալական ոլորտի անվանակարգում՝ «Ուսանողի տուն» նախագծի համար, իսկ Արմեն Հովհաննիսյանի «Բարձր արդյունավետությամբ նոր սերնդի հեղուկ պարարտանյութերի ստացում» նախագիծը լավագույնն է ճանաչվել արտադրական տեխնոլոգիաներ և արդյունաբերական ենթակառուցվածքներ ոլորտում։

Բելառուսի ներկայացուցիչներ Ալեքսանդր Պիվարովը, Ալեքսանդր Բրանովը և Իլյա Իվանովը հաղթող են ճանաչվել համապատասխանաբար անվանտանգության, ռացիոնալ բնօգտագործման և ՏՏ ոլորտներում։

ՌԴ ներկայացուցիչներ Պավել Բերեժենսկու և Վլադիսլավ Զաիկինի նախագծերը լավագույնն են ճանաչվել համապատասխանաբար բժշկություն և առողջապահություն, կենսական համակարգեր ոլորտներում, իսկ Յուլիանա Ժակապարովայի «Փոքր քայլերով Կուրսկի երկրամասում» նախագիծը՝ «Իմ երկիրը համագործակցության մեջ» անվանակարգում։

Ղազախստանի ներկայացուցիչ Կաիրի Ալիխանի նախագիծը հաղթող է ճանաչվել ավիացիոն, տիեզերական և տրանսպորտային համակարգերի ասպարեզում, իսկ Ուզբեկստանի ներկայացուցիչ Նիլուֆար Կոմիլժոմովոյի «Կանանց ձայն» նախագիծը՝ կրթության անվանակարգում։ Ղրղզստանի ներկայացուցիչ Իսմաիլ Էրլանի «Մեկ մարդ մեկ գիրք» նախագիծը սոցիալական ոլորտում է համարվել լավագույնը, իսկ Տաջիկստանից Ռախիմզոդա Ումեջանի «Երիտասարդության հյուրընկալություն» նախագիծը հաղթել է հյուրընկալություն ասպարեզում։

ԿԳՄՍ նախարարի տեղակալ Արթուր Մարտիրոսյանը «100 գաղափար ԱՊՀ-ի համար» մրցույթի մասնակիցներին ուղղված խոսքում նշել է, որ ժյուրիի քննարկմանը ներկայացված 50 գաղափարներն ընտրվել են ԱՊՀ մասնակից երկրների հարյուրավոր կամ գուցե հազարավոր երիտասարդների գաղափարներից, որոնց միավորել է իրենց երկիրը դեպի լավը փոխելու ընդհանուր գաղափարը։ Անդամ պետություններն ընտրել են լավագույն ծրագրերը, որոնցից միջազգային ժյուրին կատարել է ԱՊՀ հաղթողների վերջնական ընտրությունը։

«Մենք Հայաստանում մտադիր ենք հնարավորություն ստեղծել, որպեսզի հաղթող գաղափարները պետության կամ միջազգային գործընկերների աջակցությամբ իրագործվեն։ Այսինքն՝ գաղափարը չմնա սոսկ գաղափար, այլ մտնի կյանք»,- նշել է նա։

Մրցութային ժյուրիի նախագահ, Բելառուսի ներկայացուցիչ Վալենտինա Դինիչը շնորհակալություն է հայտնել հայկական կողմին ջերմ ընդունելության համար՝ նշելով, որ իրենց համար շատ դժվար էր կողմնորոշվել ըստ անվանակարգերի ընտրության հարցում, քանի որ ներկայացված նախագծերը մեծ մասամբ հաջողված էին։

«Արդեն ավանդույթ դարձած «100 գաղափար ԱՊՀ-ի համար» մրցույթը համագործակցության, փոխադարձ ընկալման, բարեկամական կապերի ամրապնդման և երիտասարդական ներուժի համախմբման շատ լավ հարթակ է։ Մենք երախտապարտ ենք մրցույթին մասնակից բոլոր երիտասարդներին՝ նրանց կրեատիվ և նորարար մտածողության, իրենց երկրների հանդեպ ունեցած նվիրվածության և սիրո համար»,- ընդգծել է նա։

Նշենք, որ «100 գաղափար Հայաստանի համար» միջազգային երիտասարդական մրցույթի արդյունքներն ամփոփվում են երկու տարին մեկ անգամ։ Հաջորդը տեղի կունենա Բելառուսում։

Միջոցառման շրջանակում Հայաստան այցելած ԱՊՀ պատվիրակների համար իրականացվել են մշակութային ծրագրեր։ Մասնավորապես, կազմակերպվել է այցելություն Վահանավանք վանական համալիր, որի ընթացքում վանքի հոգևոր հովիվ Տեր Ավետիքը ներկայացրել է 911 թվականին հիմնադրված վանքի պատմությունը։ Երեկոյան Կապանի մշակույթի տանը տեղի է ունեցել համերգ՝ Կապանի մշակութային հաստատությունների սաների մասնակցությամբ։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցիչ 24 ժամ և 7 օր , երկրաչափություն 7-րդ դասարան

    Թեմայի հեղինակ՝ hasmikh

    Հարգելի գործընկերներ, նպատակ ունեմ Ձեզ հետ համագործակցելով, ստեղծել երկրաչափություն առարկայի տեսական նյութերի ամբողջական փաթեթ, որը օգտակար կլինի ո՛չ միայն աշակերտների, այլև

  • ՀԱՅՐԵՆԱՍԻՐՈՒԹՅԱՆ ՆԵՐԿԱՊՆԱԿ

    Թեմայի հեղինակ՝ gohar66

    Հարգելի գործընկերներ,<<Հայրենասիրության սերմանումը հայ գրականության դասերին >>թեմայիս շրջանակներում առաջադրում եմ մի շատ կարևոր հարց,որից կախված է մեր երկրի ապագան,մեր

  • Կլիմայի գլոբալ փոփոխությունների համամոլորակային հիմնախնդիրները

    Թեմայի հեղինակ՝ Xanum

    Ոչ ոք կղզի չէ: Մենք փոխկապակցված ենք: Մեր գործողությունները հետևանքներ ունեն ՝ բոլորիս համար: Երբ մենք դառնում ենք ավելի ու ավելի փոխկապակցված, այնպես որ մենք կիսում ենք ռիսկերը:

  • Գնահատե՞լ,թե՞՝ոչ

    Թեմայի հեղինակ՝ Գ. Գևորգյան

    Գնահատե՞լ,թե՝ոչ ՀՀ հանրակրթության համակարգում 2023թ.-ից նախատեսվում է սովորողների միավորային գնահատումն իրականացնել սկսած 5-րդ դասարանի երկրորդ կիսամյակից,այդպիսով կարևորելով

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում: