ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Վահրամ Դումանյան. «Կրթությունն է մեր անվտանգության երաշխիքը»

Սեպտեմբերի 17, 2021
Պաշտոնական Լուրեր կազմակերպություններից

Երևանի պետական համալսարանի կենտրոնական մասնաշենքի բակում տեղի է ունեցել 15 տարի շարունակ ավանդաբար կազմակերպվող ԵՊՀ մեծարման և առաջինկուրսեցիների երդման հանդիսավոր արարողությունը: Այս տարի միջոցառումը նվիրված էր ՀՀ անկախության 30-ամյակին։

Միջոցառմանը ներկա էին ՀՀ կրթության, գիտության, մշակույթի և սպորտի նախարար Վահրամ Դումանյանը, նախարարի տեղակալ Կարեն Թռչունյանը, Երևանի պետական համալսարանի ռեկտորի ժամանակավոր պաշտոնակատար Հովհաննես Հովհաննիսյանը, համալսարանի պրոֆեսորադասախոսական կազմը, ուսանողներ։

Նախարար Վահրամ Դումանյանը շնորհավորել է առաջինկուրսեցիներին՝ հատկապես առանձնացնելով զորակոչված ուսանողներին, ողջունել համալսարանականներին՝ ընդգծելով. «Այսօր հաճախ ենք խոսում անվտանգության կարևորությունից։ Ուզում եմ փաստել, որ անվտանգության հզոր միջոցը կրթությունն է, որը ձևավորում է ճիշտ մտածողություն՝ ճիշտ որոշումներով»։ Վահրամ Դումանյանը կոչ է արել ուսանողներին շարունակել կրթությամբ զարգացնել անվտանգությունը։ «Մաղթում եմ, որ ձեր մասնաբաժինն ունենաք համալսարանի պատմության մեջ»,- եզրափակել է նախարարը:

Երևանի պետական համալսարանի ռեկտորի ժամանակավոր պաշտոնակատար Հովհաննես Հովհաննիսյանը ևս շնորհավորել է առաջինկուրսեցիներին համալսարանական դառնալու կապակցությամբ: Հովհաննես Հովհաննիսյանն ընդգծել է համալսարանականների հաջողության նախապայմանները՝ քննական միտք, վերլուծական կարողություններ ու նախաձեռնողականություն, և հորդորել է ուսանողներին պահպանել այդ սկզբունքները, տեր լինել իրավունքներին և կատարել համալսարանականի պարտականությունները:

Երեկոն ամբողջացել է առաջինկուրսեցիների երդման արարողությամբ և երաժշտական, պարային խմբերի համերգային կատարումներով։ Առաջինկուրսեցիները երդվել են սիրել մայր բուհը և արժանի լինել «Երևանի պետական համալսարանի ուսանող» բարձր կոչմանը, ծառայել և հնարավորինս նպաստել երկրի առաջընթացին:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…