ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը սեպտեմբերի 1-ին՝ Գիտելիքի օրվա կապակցությամբ այցելել է Պ. Ի. Չայկովսկու անվան միջնակարգ երաժշտական մասնագիտական դպրոց և Երևանի պարարվեստի պետական քոլեջ:
Պ. Ի. Չայկովսկու անվան դպրոցում նախարարի տեղակալը շնորհավորել է աշակերտներին ու ուսուցիչներին Գիտելիքի օրվա և ուսումնական տարվա մեկնարկի կապակցությամբ և նշել, որ այս դպրոցը լավագույն կրթական հաստատություններից է: Արա Խզմալյանը վստահություն է հայտնել, որ այս դպրոցում սովորելով` երեխաները խորը գիտելիքներ և մասնագիտական բազում հմտություններ ձեռք կբերեն:
«Սիրելի' երեխաներ, վստահ եմ, որ ուսուցիչների ջանքերի շնորհիվ դպրոցը գիտելիքի մեծ պաշար է տալու ձեզ: Դուք ոտք եք դնում մի ճանապարհի վրա, որը չունի վերջ, չունի ավարտ: Ցանկությունս էլ այն է, որ դպրոցն ավարտելուն պես ձեռք բերեք ամենամեծ գիտելիքը՝ «Գիտելիքի ձեռքբերումը չունի ավարտ» գիտակցումը, որովհետև սովորելն անընդմեջ գործընթաց է, և չի լինելու մի պահ, որ մտածեք՝ այլև սովորելու ոչինչ չկա: Մեր նպատակն է ունենալ կրթված, արժանապատիվ քաղաքացիներ և պրոֆեսիոնալ մասնագետներ»,- նշել է Արա Խզմալյանը և վստահություն հայտնել, որ դպրոցից երեխաները դուրս կգան գրագետ և զարգացած:
Նախարարի տեղակալը բոլորին մաղթել է բարի մուտք կրթական ու մտավոր աշխարհ, ինչպես նաև բազում հաջողություններ:
Դպրոցի տնօրեն Մարտուն Կոնստանդյանը ևս շնորհավորել է դպրոցի սաներին և ուսուցիչներին տոնի առթիվ ու նշել, որ չնայած բոլոր մարտահրավերներին` դպրոցի տնօրինությունը կշարունակի անել ամեն ինչ, որպեսզի երեխաները կրթվեն և դաստիարակվեն հրաշալի պայմաններում, դառնան արհեստավարժ երաժիշտներ և քայլերն ուղղեն դեպի մեծ բեմեր:
Հաջորդիվ, նախարարի տեղակալ Արա Խզմալյանն այցելել է Երևանի պարարվեստի պետական քոլեջ: Ողջունելով ներկաներին և շնորհավորելով Գիտելիքի օրվա ու նոր ուսումնական տարվա կապակցությամբ` նախարարի տեղակալը նշել է, որ նայելով պարարվեստի պետական քոլեջի սաներին` միայն հպարտության և ուրախության զգացումով է համակվում, քանի որ ունենք ապագա գեղեցիկ արտիստներ:
«Անկեղծորեն ուզում եմ նշել, որ այսօր մեծագույն խնդիր է, որ ոչ միայն կյանքում և առօրյայում, այլև թատերական արվեստում մշակված մարմնի մեծ պակասորդ կա: Եվ ձեր մասնագիտության հետ մենք շատ ավելի հույսեր և սպասելիքներ ունենք, քան դուք կարող եք պատկերացնել: Արդեն 100 տարուց ավելի է` ինչ բոլոր գեղարվեստական որոնումների կենտրոնում մարդկային մարմինը, այդ մարմնի լեզուն և կատարելությունն է: Եվ սա չի վերաբերում միայն պարային արվեստին, այլ նաև դրամատիկական արվեստին՝ թատրոնին: Մենք չենք ուզում, որ պարը, խորեոգրաֆիան, մշակված մարմինը մնան միայն պարի ոլորտում. պարարվեստի նախասկզբունքը պետք է մուտք գործի ամենուր` լինի մեր կյանքի, կենցաղի, արվեստի մյուս ոլորտների կենտրոնում: Մշակված մարմինը, կեցվածքը պետք է ներդաշնակվեն գիտելիքի, կրթվածության, բովանդակության, մտքի խորության հետ, և արտաքին գեղեցկությունը լինի մտավոր զարգացման և իմացության արտացոլանք: Այնպես որ, եթե կա միտք, կա մարմին, մենք գործ ունենք բարձրագույն արժեքի և բարձրագույն արվեստի հետ»,- ընդգծել է Արա Խզմալյանը և վստահություն հայտնել, որ դպրոցի սաները լինելու են այդ բարձր արվեստի կրողներն ու ներկայացուցիչները:
Նախարարի տեղակալը շնորհավորել է նաև ուսուցիչներին և դպրոցի տնօրինությանը՝ մաղթելով ստեղծագործական ներշնչանքներով լեցուն աշխատանք:
Այնուհետև, Արա Խզմալյանը շրջել է Երևանի պարարվեստի պետական քոլեջի շենքում, ծանոթացել պետական աջակցությամբ պարասրահի հիմնանորոգման աշխատանքների ընթացքին:
«Որակյալ կրթություն ապահովելու տեսանկյունից պարասրահի հիմնանորոգումը չափազանց կարևոր է: Պարարվեստի քոլեջի հետ կապված մշակվել է լուրջ հայեցակարգ, ըստ որի` դպրոցը պետք է ապահովի ոչ միայն խորեոգրաֆիկ փորձառության և կրթության միջավայր ու համակարգ, այլ նաև հնարավորություն ընձեռի ձեռք բերելու դրամատիկական թատրոնի արտիստին անհրաժեշտ մասնագիտական հմտություններ և փորձ, ինչի շնորհիվ շրջանավարտները կկարողանան իրենց մասնագիտական գործունեությունն իրականացնել նաև Օպերայի և բալետի ազգային ակադեմիական թատրոնում»,- տեղեկացրել է Արա Խզմալյանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ