ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Բոլոնիայի գործընթաց․ ԿԳՄՍՆ-ում քննարկվել են առաջիկա աշխատանքները

Օգոստոսի 31, 2021
Պաշտոնական

ՀՀ ԿԳՄՍ նախարար Վահրամ Դումանյանի հրամանով հաստատվել է Բոլոնիայի գործընթացի հետամուտ և աշխատանքային խմբերի՝ ՀՀ ԿԳՄՍ նախարարության ներկայացուցիչների կազմը:

ԿԳՄՍ նախարարի տեղակալներ Կարեն Թռչունյանը և Արթուր Մարտիրոսյանը հանդիպել են աշխատանքային խմբի հետ՝ Բոլոնիայի գործընթացի շրջանակում կազմակերպվող համաժողովներին, հանդիպումներին և այլ միջոցառումներին Հայաստանի պատշաճ ներկայացվածության և ակտիվ մասնակցության ապահովման համար անհրաժեշտ աշխատանքները քննարկելու նպատակով։

Նախարարի տեղակալ Կարեն Թռչունյանը, ներկայացնելով հետամուտ խմբի աշխատանքից իր ակնկալիքները, նշել է, որ պահանջվում է եռամսյա պարբերականությամբ ԿԳՄՍՆ բարձրագույն և հետբուհական մասնագիտական կրթության վարչություն ներկայացնել քննարկվող հարցերի, ոլորտում նախատեսվող միտումների վերաբերյալ տեղեկատվություն, ինչպես նաև տրամադրել մասնագիտական խորհրդատվություն և առաջարկություններ ոլորտի հետագա զարգացման հնարավորությունների վերաբերյալ՝ ըստ խմբերի աշխատանքային ուղղվածության։ Բացի վերոնշյալից՝ հետամուտ խմբի ներկայացուցիչները պետք է ձեռնարկեն միջոցներ ԿԳՄՍ նախարարության որդեգրած քաղաքականության սկզբունքներին համահունչ Եվրոպական բարձրագույն կրթական տարածքի լավագույն փորձի համապատասխանեցման, ինչպես նաև եվրոպական գործընկերներին Հայաստանի Հանրապետության բարձրագույն կրթության ոլորտի ձեռքբերումների հաջողված փորձի ներկայացման ուղղությամբ։

«Հաշվետվողականությունը և պարբերական աշխատանքային քննարկումները չափազանց կարևոր են մեր երկրում Բոլոնիայի գործընթացի վերաբերյալ ամբողջական պատկեր կազմելու և առաջիկա անելիքները հստակեցնելու տեսակյունից։ Ըստ այդմ՝ անհրաժեշտ է մշակել հստակ գործիքակազմ բարձրագույն կրթության ոլորտի համար սահմանած նպատակներն առաջ տանելու և ժամանակին համընթաց շարժվելու համար»,- ասել է Կարեն Թռչունյանը։

Արթուր Մարտիրոսյանը ևս ընդգծել է բարձրագույն կրթության ոլորտի բարեփոխումներին համահունչ աշխատելու կարևորությունը․ «Բոլորս նախանձախնդիր ենք համատեղ աշխատանքի միջոցով միջազգային գործընթացներում Հայաստանը հավուր պատճաշի ներկայացնելու հարցում։ Սա աշխատանքային խմբերի նվազագույն առաջադրանքն է։ Դրա հետ մեկտեղ անհրաժեշտ է հստակ գործիքակազմ՝ բարձրագույն կրթության ոլորտի բարեփոխումներն առաջ տանելու և եվրոպական փորձը նախարարության ռազմավարությանը համահունչ ներդրնելու նպատակով։ Սա մեծ պատասխանատվություն և համատեղ աշխատանք է պահանջում»։

Բոլոնիայի գործընթացի հետամուտ խմբի ներկայացուցիչ, Երևանի պետական համալսարանի հումանիտար և հասարակագիտական մասնագիտությունների գծով պրոռեկտոր Էլինա Ասրիյանը շնորհակալություն է հայտնել վստահության համար և նշել, որ կանեն հնարավորն այն արդարացնելու համար․ «Այս աշխատանքը մեծ պատասխանատվություն է ենթադրում, որը ստանձնել ենք և իրականացնելու ենք վստահության մթնոլորտում։ Մեզ ծավալուն աշխատանք, ուսումնասիրություններ են սպասվում, քանի որ որևէ բուհում գործող այս կամ այն մոդելը մեկ այլ բուհում տեղայնացնելիս կարող է նույնքան արդյունավետ չլինել: Այս տեսանկյունից կարևոր են նաև փորձարկվող ծրագրերի մշտադիտարկումները, որոնք ցույց կտան դրանց արդյունավետությունը և որոշակիորեն կպատասխանեն այն հարցին, թե արդյոք այդ ծրագրերը հնարավոր է իրականացնել հայաստանյան պայմաններում»։

Այս տարի՝ հոկտեմբերի 21-ին, Հայաստանը հյուրընկալելու է Բոլոնիայի հետամուտ խմբի ղեկավար խորհրդի 77-րդ առցանց նիստը, ինչը ևս, ԿԳՄՍ փոխնախարարների գնահատմամբ, ծավալուն աշխատանք է պահանջում։ Այդ համատեքստում քննարկվել են նիստի հետ կապված ընթացիկ հարցերը և առաջիկա անելիքները՝ մեկ անգամ ևս ընդգծելով դրական արդյունքի հասնելու համար նվիրվածությամբ և պատասխանատվությամբ աշխատելու անհրաժեշտությունը։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…