ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Ռոլան» մանկապատանեկան ֆիլմերի միջազգային 17-րդ կինոփառատոնը կանցկացվի երկու փուլով

Օգոստոսի 4, 2021
Մշակութային լուրեր

ՀՀ ԿԳՄՍ նախարարության, Հայաստանում Ֆրանսիայի դեսպանության, Երևանում «Գիտության և մշակույթի ռուսական կենտրոնի», Երևանում «Գյոթե կենտրոնի» աջակցությամբ Հայաստանի «Ռոլան Բիկով» հիմնադրամը երկու փուլով՝ օգոստոսի 2-ից նոյեմբերի 2-ը և նոյեմբերի 2-6-ն առցանց (օնլայն) ձևաչափով կանցկացնի «Ռոլան» մանկապատանեկան ֆիլմերի միջազգային 17-րդ կինոփառատոնը:

Փառատոնը կիրականացվի Երևանում, ՀՀ մարզերում, սահմանամերձ համայնքներում՝ Գավառում, Մարտունիում (Գեղարքունիքի մարզ), Իջևանում, Դիլիջանում (Տավուշի մարզ), Գորիս (Սյունիքի մարզ), Սպիտակ, Վանաձոր (Լոռու մարզ), Գյումրի (Շիրակի մարզ) և Արցախում (Ստեփանակերտ):

Միջոցառումները կանցկացվեն ամառային ճամբարներում, իսկ սեպտեմբերից նաև դպրոցներում, բուհերում և ուսումնական այլ հաստատություններում՝ առավելագույնս ներգրավելով և մասնակից դարձնելով սահմանամերձ մարզերի և Արցախից եկած երեխաներին ու պատանիներին:

Տեղեկացնենք, որ 43 երկրից ստացված 200 ֆիլմերի հայտերից փառատոնի ծրագրում ընդգրկվել է 73 ֆիլմ՝ 27 երկրից:

«Ռոլան» 17-րդ մանկապատանեկան փառատոնի շրջանակում ներկայացվել են 11 մրցութային և ոչ մրցութային անվանակարգեր. «Գրան Պրի» մրցանակը, «Լավագույն խաղարկային ֆիլմ» անվանակարգը (լիամետրաժ և կարճամետրաժ), որում որպես ժյուրի հանդես կգան «Այբ» դպրոցի աշակերտները, «Լավագույն անիմացիոն ֆիլմ» (լիամետրաժ և կարճամետրաժ) անվանակարգը, ժյուրի՝ «Թումո» ստեղծարար տեխնոլոգիաների կենտրոնի սաներ, «Հանդիսատեսի համակրանք» անվանակարգը, ժյուրի՝ Գավառի մանկատան սաները, «Ես իրավունքներ ունեմ» անվանակարգը, ժյուրի՝ Հայաստանի Ամերիկյան համալսարանի ուսանողները, «Լավագույն ֆրանկոֆոն ֆիլմ» (լիամետրաժ և կարճամետրաժ) անվանակարգը, ժյուրի՝ Հայաստանում Ֆրանսիական համալսարանի ուսանողներ, «Լավագույն ռուսական ֆիլմ» անվանակարգը, ժյուրի՝ Հայ-ռուսական համալսարանի ուսանողներ, «Վիշեգրադի լավագույն ֆիլմ»՝ Սպիտակի Ա. Շիրակացու անվան N 8 միջնակարգ դպրոց:

«Ռոլան» 17-րդ փառատոնի ընթացքում բացառիկ իրավունքով կցուցադրվեն բազմաթիվ միջազգային մրցանակների դափնեկիր «Միան և սպիտակ առյուծը» (ռեժիսոր՝ Ժիլ դե Մետր, Ֆրանսիա, 2018 թ.), «Աղբ» (ռեժիսոր՝ Լ. Դելլա Գրոտտա, Ֆ. Դաֆանո, Իտալիա, 2020 թ.), «Բելկան և Ստրելկան. Կարիբյան գաղտնիք» (ռեժիսոր՝ Ի. Եվլաննիկովա, Ռուսաստան, 2020 թ.), «Արցախ. եռաձայն պայքար» ֆիլմաշար («Այբ» դպրոցի ֆիլմարտադրության ակումբի աշակերտներ, Հայաստան, 2021 թ., պրեմիերա), «Բարբոսկինները ամառանոցում» (ռեժիսոր՝ Ֆ. Դմիտրիև, Ե. Գալդոբինա, 2020 թ., պրեմիերա), «Ծիածանի լեգենդը» (ռեժիսոր՝ Ա. Միքայելյան, Գ. Բաբայան, 202 1թ.) և այլ ֆիլմեր:

Այս տարվա փառատոնի հատուկ ցուցադրություններից է «Հայկական մանկապատանեկան ֆիլմերի» հատուկ ծրագիրը, որում ներկայացված են ժամանակակից հայկական ֆիլմեր՝ «Արցախ. եռաձայն պայքար» ֆիլմաշարը («Այբ» դպրոցի ֆիլմարտադրության ակումբի աշակերտներ, 2021 թ., պրեմիերա), «Ծիածանի լեգենդը» (ռեժիսոր՝ Ա. Միքայելյան, Գ. Բաբայան, 2021 թ.) անիմացիոն ֆիլմը, «Անբան Հուռին» (ռեժիսոր՝ Ա. Միքայելյան, 2016 թ.) ֆիլմը, «Հարբած հավերը» անիմացիոն ֆիլմը (ռեժիսորներ՝ Ա. Միքայելյան, 2008 թ.), «Տղաս, ո՞ւր է Եփրատը» (ռեժիսոր՝ Ռ. Փաշինյան, 2016 թ.) գեղարվեստական ֆիլմը՝ նվիրված Վ. Ստեփանյանի հիշատակին:

Այս տարի ևս ՀՀ-ում Ֆրանսիայի դեսպանության հետ շարունակվում է արդեն ավանդական դարձած «Ռոլան» միջազգային փառատոնի համագործակցությունը: 2017 թվականից ի վեր փառատոնի մրցութային ծրագրում ընդգրկված է «Լավագույն ֆրանկոֆոն ֆիլմ» անվանակարգը: Այս տարվա մրցութային ֆիլմերի և ցուցադրությունների շարքում ընդգրկված է 11 ֆիլմ:

Երևանի «Գյոթե կենտրոնի» աջակցությամբ փառատոնի համատեղ հատուկ ծրագրերի շրջանակում այս տարի ևս կցուցադրվեն գերմանական խաղարկային և անիմացիոն ֆիլմեր, որոնք մասնակցել են բազմաթիվ միջազգային կինոփառատոների (6 ֆիլմ): Շարունակվում է նաև ավանդական դարձած համագործակցությունը Երևանում «Գիտության և մշակույթի ռուսական կենտրոնի» հետ: «Ռոլան» 17-րդ փառատոնի շրջանակում ներկայացված է «Ռուսական ֆիլմ» անվանակարգը, ծրագրում ընդգրկված են 17 անիմացիոն և խաղարկային ֆիլմեր:

Նշենք, որ «Ռոլան» մանկապատանեկան ֆիլմերի միջազգային կինոփառատոնի նպատակն է ստեղծել նպաստավոր պայմաններ, օգտագործելով այն որպես կայուն և վստահելի միջազգային հարթակ՝ երեխաների, պատանիների և երիտասարդների համար՝ վերջիններիս ակտիվ ներգրավվածությամբ և մասնակցությամբ: Այն նաև միտված է մեղմելու պատերազմի հետևանքով առաջացած բարոյահոգեբանական վիճակն ու նպաստելու մթնոլորտի լավացմանն ու առողջացմանը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…

  • ՄԵԴԻԱԳՐԱԳԻՏՈՒԹՅՈՒՆ ԵՎ ՎԼՈԳԻՆԳ

    Թեմայի հեղինակ՝ Տ. Յափունջյան

    1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…

  • ԵՐԵԽԱՆԵՐԻ ԱՌՑԱՆՑ ՊԱՇՏՊԱՆՈՒԹՅՈՒՆ

    Թեմայի հեղինակ՝ manush

    Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…

  • Գիտելիքների ստուգման ինտերակտիվ թեստերի ստեղծում (Liveworksheets)

    Թեմայի հեղինակ՝ Lusman

    «Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O

  • ՏՀՏ առցանց դասընթաց

  • Հեռավար ուսուցում 2022—2023 ուսումնական տարի, 5-րդ դասարան

    Հեռավար ուսուցում 2022—2023 ուսումնական տարի, 5-րդ դասարան

  • Հեմինգուեյի «Ծերունին և ծովը» վիպակի ուսուցումը նորագույն մեթոդներով

                                              Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է  8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն  կիրառումը մշտապես կարևոր բաղադրիչ է հանդիսացել  ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը:  «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման  ուսումնասիրելիս խորհուրդ է տրվում առաջնորդվել  ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական  հասկացություններին: Եռափուլ համակարգի առանձին փուլերում կիրառել  համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված  բոլոր մեթոդներն ու հնարները  կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը  հաջողությամբ կիրառել կամ դասը պլանավորելիս համատեղել իր  նախընտրած մեթոդի հետ և հասնել ցանկալի արդյունքի:  

  • Հեռավար ուսուցում 2022—2023 ուսումնական տարի, 3-րդ դասարան

    Հեռավար ուսուցում 2022—2023 ուսումնական տարի, 3-րդ դասարան

  • ՏՀՏ գործիքների կիրառությունը ուղղագրություն և ուղղախոսություն ուսուցանելիս

    Ուղղագրությունը և ուղղախոսությունը 10-րդ դասարանում:

  • Հեռավար ուսուցում 2022—2023 ուսումնական տարի, 7-րդ դասարան

    Բարի գալուստ 7-րդ դասարանի   ուսումնական նյութերի հեռավար դասընթացին: Մաղթում  եմ  բոլորիս  արդյունավետ աշխատանքային ուսումնական տարի:

  • Տեղեկատվական հաղորդակցության տեխնոլոգիաների խմբակ Ախլաթյանի միջն. դպրոցում

    ՏՀՏ խմբակ

  • Տեղեկատվական հաղորդակցության տեխնոլոգիաներ

    ՏՀՏ խմբակ

  • Ինտերակտիվ ընթերցանություն 4 ՙՙՕզի կախարդը՚՚

  • Ուսումնառության համընդհանուր ձևավորման կարևորությունը ուսումնառության պլանավորման մեջ

                           Այսօր ՀՀ-ում ուսուցիչների շարունակական մասնագիտական զարգացման համատեքստում կարևորագույն մարտահրավերներից մեկը համընդհանուր ներառական կրթական համակարգի ներդրումն է։ Ցավոք, ուսուցիչներից շատերը ներառական կրթությունն ընկալում են նեղ իմաստով, այն է` միայն հաշմանդամություն կամ այս կամ այն ֆունկցիայի խանգարում ունեցող երեխաների կրթությունը հանրակրթական դպրոցներում․․․Այս դասընթացի շրջանակներում նախատեսվում է կրթական բազմազան կարիքներ ունեցող երեխաների արդյունավետ ուսումնառության ապահովման և ներառող դասավանդման իրականացման համար անհրաժեշտ կարողունակությունների ձևավորում և զարգացում,  մասնավորապես.  ●  Ծանոթանալ Համընդհանուր ներառական կրթության քաղաքականությանը, սկզբունքներին և օրենսդրական հիմքերին● Ճանաչել, տարբերակել և գնահատել աշակերտների կրթական կարիքները,  հստակեցնել և մշակել այդ կարիքների՝ ժամանակին և արդյունավետ լուծման համար անհրաժեշտ ռազմավարություններ ●Պլանավորել, հարմարեցնել, անհատականացնել ուսումնառության գործընթացը`  օգտագործելով կրթական բազմազան կարիքներից բխող դասավանդման մոտեցումներ և մեթոդներ, մասնավորապես՝ ուսումնառության համընդհանուր ձևավորումը (ՈՒՀՁ)։   ● Կազմել օրվա դասի պլան հինգ քայլով՝ «Կենտրոնների տեղափոխման » մոդելով  Դասընթացավարներ՝  Արմենուհի Աբրահամյան, Արալեզի միջնակարգ դպրոց, անգլերենի ուսուցչուհի                                         Մարինե Զարոյան, Արալեզի միջնակարգ դպրոց, դասվար