ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Խնդիրների լուծման համար շատ կարևոր է մեր համագործակցությունը». Ժաննա Անդրեասյանը հանդիպել է մանկավարժների հետ

Հուլիսի 20, 2021
Պաշտոնական

Կարևորելով կրթական բարեփոխումների վերաբերյալ ուսումնական հաստատությունների աշխատակիցների առաջարկությունները և մտահոգությունները՝ ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն աշխատանքային քննարկում է ունեցել Հրազդանի Հովսեփ Օրբելու անվան թիվ 13 ավագ դպրոցում:

ԱԺ պատգամավոր Լիլիթ Ստեփանյանի նախաձեռնած հանդիպմանը մասնակցել են Կոտայքի մարզի նախադպրոցական և հանրակրթական ուսումնական հաստատությունների շուրջ 170 աշխատակիցներ, շահագրգիռ կազմակերպությունների ներկայացուցիչներ: Հանդիպմանը ներկա են եղել նաև ՀՀ ԿԳՄՍՆ հանրակրթության վարչության պետ Արսեն Բաղդասարյանը, Կոտայքի մարզպետարանի կրթության, մշակույթի և սպորտի վարչության պետ Արամ Խաչատրյանը:

ԿԳՄՍ նախարարի տեղակալ Ժաննա Անդրեասյանը, ողջունելով քննարկման մասնակիցներին, ընդգծել է հատկապես մարզերում նմանօրինակ հանդիպումների, կարծիքներ փոխանակելու և ըստ այդմ՝ աշխատանքն առավել թիրախային ու արդյունավետ դարձնելու կարևորությունը: ԿԳՄՍ նախարարի տեղակալը ներկայացրել է կրթության ոլորտի քաղաքականությունը, բարեփոխումների ուղղությամբ տարվող աշխատանքները և դրանց շրջանակում մշակվող իրավական փոփոխությունները:

Անդրադառնալով առարկայական նոր չափորոշիչներին ու ծրագրերին՝ Ժաննա Անդրեասյանը տեղեկացրել է, որ սեպտեմբերի 1-ից դրանք փորձնական նպատակով կներդրվեն Տավուշի մարզի բոլոր պետական հանրակրթական դպրոցների 2-րդ, 5-րդ, 7-րդ և 10-րդ դասարաններում: ԿԳՄՍ նախարարի տեղակալի խոսքով՝ փորձարկվելու է նաև ֆինանսավորման կարգը. «Փոփոխելով գնահատման ձևերը և տարրական մակարդակում հրաժարվելով միավորային գնահատումից՝ անհրաժեշտություն է առաջանում վերանայելու ուսուցիչների աշխատանքի կառուցվածքը, դրույքաչափը: Տավուշի մարզում հանրակրթության պետական չափորոշչի հիմքի վրա առարկայական նոր ծրագրերի փորձարկման ժամանակ կփորձարկվի նաև ֆինանսական բաղադրիչը: Տարրական դասարաններում, որտեղ ոչ միավորային գնահատում է, առաջարկում ենք ուսուցչի աշխատաժամանակի հետևյալ կառուցվածքը՝ շաբաթական 18 դասաժամ և 4 ժամ գնահատման համար, որը վճարվելու է, իսկ միջին և ավագ դպրոցում, որտեղ լինելու է միավորային գնահատում՝ 20 դասաժամ և 2 ժամ գնահատման համար: Բացի դրանից՝ դպրոցները ֆինանսավորվելու են առավելագույն ժամաքանակով, որն ուսումնական հաստատությանը թույլ կտա ֆինանսավորել նաև խմբակները, այդ թվում՝ առողջ ապրելակերպի, մասնագիտական կողմնորոշման»:

Խոսելով համընդհանուր ներառական կրթության համակարգի ներդրման մասին՝ Ժաննա Անդրեասյանը նշել է, որ կան դժվարություններ, որոնց լուծման ուղղությամբ ակտիվ աշխատանքներ են ընթանում:

«Այո՛, անցել ենք ներառական կրթության, սակայն դրանով խնդիրները չեն լուծվել: Բոլորս պետք է գիտակցենք այն պատասխանատվությունը, որը ստանձնել ենք: Ակտիվ աշխատում ենք Հանրապետական մանկավարժահոգեբանական կենտրոնի հետ, որը մեր հիմնական մասնագիտացված կենտրոնն է: Առաջիկայում ունենալու ենք քննարկումներ՝ ՏՄԱԿ-ների, ռեսուրս կենտրոնների աշխատանքային մոդելը հասկանալու, հատուկ դասընթացների, վերապատրաստումների կազմակերպման և եղած միջոցներն առավել արդյունավետ օգտագործելու նպատակով: Դիտարկվում են նաև դեռևս գործող հատուկ դպրոցները ռեսուրս կենտրոնների վերածելու տարբերակը և իրենց կողմից վերապատրաստման դասերի անցկացումը: Ցավոք, այս պահին ոլորտում առկա խնդիրներին 100% լուծում չկա: Սա գործընթաց է, որի միջով անցնում և այդ ընթացքում սովորում ու լուծումներ ենք գտնում»,- ասել է Ժաննա Անդրեասյանը և հավելել, որ համընդհանուր ներառական կրթության համակարգի ներդրման արդյունքում իրավական դաշտում ևս լուրջ փոփոխությունների կարիք է առաջացել:

Ներկաները հետաքրքրվել են, թե նոր ուսումնական տարում ինչպես է կազմակերպվելու դասապրոցեսը:

«ԿԳՄՍ նախարարության դիրքորոշումն է՝ դասապրոցեսը կազմակերպել ինչպես մինչ համավարակն էր՝ հրաժարվելով դասարանները խմբերի կիսելու քաղաքականությունից, բայց և խստիվ պահելով հակահամաճարակային կանոնները: Թեմայի շուրջ առաջիկայում քննարկումներ կլինեն Առողջապահության նախարարության հետ: Պետք է հասկանանք նաև ԱՆ-ի դիրքորոշումը և դրա հնարավոր անդրադարձը կրթական համակարգի վրա: Ցանկացած պարագայում կրթական գործընթացի շահերն ու առաջնահերթությունները չպետք է տուժեն: Այսինքն՝ պետք է փոխշահավետ լուծում, երբ և՛ առողջապահական իրավիճակն է հաշվի առնվում, և՛ կրթական գործընթացի տրամաբանությունն ու որակը»,- ասել է Ժաննա Անդրեասյանը և տեղեկացրել, որ այժմ ակտիվ աշխատանքներ են ընթանում միջազգային գործընկերների հետ՝ դպրոցներին անհրաժեշտ հակահամաճարակային միջոցներով ապահովելու նպատակով:

Այս համատեքստում ԿԳՄՍ նախարարի տեղակալը խոսել է նաև կորոնավիրուսի դեմ պատվաստման թեմայի շուրջ եղած ապատեղեկատվական հոսքերից և դրանք կանխելու կարևորությունից. «Պետք է սովորենք ապրել կորոնավիրուսի հետևանքով ստեղծված նոր պայմաններում և ընդունենք, որ ամբողջ աշխարհում համավարակի հաղթահարման արդյունավետ միջոցը պատվաստվելն է: Կրթելու գործառույթը ենթադրում է հանրային պատասխանատվություն, ուստի կարևոր է, որ մեզանից յուրաքանչյուրը հասկանա, թե ինչ է տարածում՝ ապատեղեկատվությո՞ւն, տագնա՞պ»:

Անդրադառնալով կամավոր ատեստավորման և վերապատրաստումների թեմային՝ Ժաննա Անդրեասյանն ընդգծել է, որ բոլոր գործընթացները կազմակերպվում են՝ ի շահ ուսուցիչների:

«Կամավոր ատեստավորման հետ կապված ուսուցիչների շրջանում որոշակի անորոշություն կա, անգամ մտահոգություններ են հնչում, որ գործընթացը կարող է հանգեցնել կրճատումների: Վստահեցնում եմ, որ նման բան չկա, մեր նպատակը լավ արդյունքներ գրանցող ուսուցիչներին խրախուսելն է: Միևնույն ժամանակ այն ուսուցիչները, որոնք կտեսնեն՝ մասնագիտական զարգացման կարիք ունեն, կմասնակցեն համապատասխան ծրագրերի»,- փաստել է ԿԳՄՍ փոխնախարարը և հավելել՝ սեպտեմբերին կիրականացվի գիտելիքների ստուգումը, և ոչ ավելի ուշ, քան նոյեմբերից ուսուցիչները կստանան հավելավճարներ:

Ժաննա Անդրեասյանը նաև տեղեկացրել է, որ շուտով ներկայացվելու է հանրակրթության ոլորտի վերապատրաստումների նոր ծրագիրը: Ըստ ԿԳՄՍ փոխնախարարի՝ վերապատրաստումները պետք է լինեն տարբերակված, քանի որ ուսումնական հաստատություններով, ուսուցչի փորձառությամբ և այլ գործոններով պայմանավորված՝ մեկ ծրագիրը չի կարող բոլորի համար նույնքան արդյունավետ լինել:

«Այս տարի հերթական ատեստավորման ենթակա ուսուցչին վերապատրաստման համար երաշխավորվել է 50 կազմակերպություն: Վերապատրաստումներից հետո ուսուցիչներից կստանանք արձագանք, կգնահատենք իրավիճակը, որակը և ըստ այդմ՝ կորոշենք հաջորդ քայլերը»,- ասել է ԿԳՄՍ նախարարի տեղակալը:

Ներկաները քննարկել են նաև ուսումնական հաստատությունների՝ սեյսմիկ անվտանգության չափանիշներին համապատասխանությունը: Ժաննա Անդրեասյանի խոսքով՝ դիտարկվում է առաջնահերթ վերանորոգման անհրաժեշտություն ունեցող 300 դպրոցի ցանկ: Փոխնախարարն ընդգծել է, որ բոլոր աշխատանքները դիտարկվում են ամբողջության մեջ. «Դպրոցը միայն անվտանգ շենքը չէ: Անհրաժեշտ է նաև լաբորատոր հագեցվածություն: Երեխաները պետք է հաճախեն պատշաճ պայմաններով ուսումնական հաստատություններ: Պետք է ապահովենք լավագույն կրթություն ստանալու համար անհրաժեշտ բոլոր պայմանները»:

Հանդիպման ընթացքում քննարկվել են նաև համայնքային ենթակայության ուսումնական հաստատությունների աշխատակիցներին սոցիալական փաթեթ հատկացնելուն, ՏՄԱԿ-ների գործունեության արդյունավետությանը, ուսուցիչների օգնականների գործառույթներին, մեթոդական պատրաստվածությանը, նախադպոցական հաստատությունների լիցենզավորմանը, հաստիքացուցակներին վերաբերող և այլ հարցեր:

Ամփոփելով հարցուպատասխանը՝ ԿԳՄՍ նախարարի տեղակալ Ժաննա Անդրեասյանը խոսել է անկաշկանդ քննարկումների և համագործակցային միջավայր ունենալու անհրաժեշտության մասին. «Բոլորս մեկ գործ ենք անում: Մեկս մյուսին պետք է օգնի, քանի որ այն գիտելիքները և փորձը, որ դուք ունեք, չունենք մենք: Դուք եք ամեն օր աշխատում երեխաների հետ, ուստի խնդիրների լուծման համար շատ կարևոր է մեր համագործակցությունը: Մենք բոլոր ծրագրերը, բարեփոխումները պետք է կազմակերպենք ձեր առաջարկությունների և մտահոգությունների հիման վրա: Այդ գործընթացում շատ կարևոր է փոխադարձ վստահությունը և խնդիրները բարձրաձայնելու ազնվությունը: Բոլորս ցանկանում ենք մեր երեխաներին տալ լավագույն կրթությունը, բայց և տեսնում ենք, որ այդ ճանապարհին բազում խնդիրներ կան: Եթե պատրաստ ենք բարձրաձայնել դրանք, նշանակում է՝ պատրաստ ենք փոփոխությունների: Եվս մեկ անգամ շնորհակալություն եմ հայտնում նախորդ՝ շատ ծանր ուսումնական տարին պատվով անցկացնելու համար: Կրթական համակարգն այս շրջանում հերոսաբար դրսևորեց իրեն: Շնորհակալ եմ ձեզ այդ աշխատանքի համար»:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Գնահատե՞լ,թե՞՝ոչ

    Թեմայի հեղինակ՝ 96006321

    Գնահատե՞լ,թե՝ոչ ՀՀ հանրակրթության համակարգում 2023թ.-ից նախատեսվում է սովորողների միավորային գնահատումն իրականացնել սկսած 5-րդ դասարանի երկրորդ կիսամյակից,այդպիսով կարևորելով

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում:

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում:

  • ՄԵՆԱԽՈՍՈՒԹՅՈՒՆ ԵՎ ԵՐԿԽՈՍՈՒԹՅՈՒՆ

    Թեմայի հեղինակ՝ LusineJS

    երկխոսությունն ու մենախոսությունը հունական ծագում ունեցող բառեր են, որոնք բնորոշում են տեքստի տեսակը՝ կախված նրանից, թե քանի մարդ է ներգրավված խոսքում: Մեր դասի նպատակն է

  • ՖՈՒՆԿՑԻԱՅԻ ԳԱՂԱՓԱՐԻ ՈՒՍՈՒՑՈՒՄԸ ՀԱՆՐԱՀԱՇՎԻ ԴԱՍԱԺԱՄԻՆ

    Թեմայի հեղինակ՝ movsisyan.karine

    Հանրահաշվի դպրոցական ծրագրերում ընդգրկված համարյա բոլոր գաղափարները այս կամ այն կերպ առնչվում են ֆունկցիայի հասկացության հետ:Ֆունկցիան մաթեմատիկայի հիմնական հասկացությունների

  • ՏՏ հավելյալ հմտություններ՝ դասավանդողների համար

  • «Մեդիա գործիքներ» առկա և հեռավար դասընթաց 2021

  • ԳԵՆԴԵՐԱՅԻՆ ԲԱՂԱԴՐԻՉԻ ՆԵՐԱՌՈՒՄԸ ՈՒՍՈՒՑԻՉՆԵՐԻ՝ ՆԵՐԱՌՈՂ ԴԱՍԱՎԱՆԴՄԱՆ ԿԱՐՈՂՈՒԹՅՈՒՆՆԵՐԻ ՇԱՐՈՒՆԱԿԱԿԱՆ ԶԱՐԳԱՑՄԱՆ ՀԱՄԱՏԵՔՍՏԻ ՄԵՋ

    Թեմայի վերջնարդյունքներըՍույն թեմայի դասավանդման ավարտին վերապատրաստման դասընթացի մասնակիցը կկարողանա՝Իմանալ գենդեր և սեռ հասկացությունների տարբերությունները, գենդերն ուսումնասիրելու հիմնական մոտեցումներն ու ուղղությունները, ճանաչել և մեկնաբանել գենդեր հասկացության հարակից եզրույթները, ինչպես նաև՝ կրթության ոլորտում գենդերային բաղադրիչի ներառման տեղական և միջազգային օրենսդրական հիմքերն ու դրանց փոխկապակցվածությունը: Դիտարկել գենդերային բաղադրիչը որպես ներառական կրթության կազմակերպման և իրականացման անքակտելի բաղադրիչ:Ճանաչել կրթության ոլորտում առկա այն գենդերային խնդիրները, որոնք կարող են խոչընդոտել ներառական կրթության գործընթացի լիարժեք ու արդյունավետ իրականացմանը:Տիրապետել գենդերազգայուն և գենդեր-արձագանքող կրթության հիմնական սկզբունքներին:Դիտարկել ուսումնառության գործընթացները, ուսումնական նյութերը, ծրագրերի բովանդակությունը, դասավանդումն ու ուսումնառությունը, ինչպես նաև գնահատումն ու հաղորդակցությունը քննադատական մտածողությամբ:Տիրապետել համապատասխան հմտությունների՝ ձեռք բերած գիտելիքն այլ դասավանդողներին և կրթության ոլորտի դերակատարներին փոխանցելու համար:

  • Ուսումնական գործընթացի կազմակերպման առցանց միջոցներ 3.1

  • ՍՈՎՈՐՈՂԻ ՈՒՍՈՒՄՆԱՌՈՒԹՅԱՆ ՌԱԶՄԱՎԱՐՈՒԹՅՈՒՆՆԵՐ

    Սիրելի՛ ուսուցիչ, Դուք ընտրել եք սովորողի ուսումնառության ռազմավարությունների վերաբերյալ ինքնուղղորդվող մի դասընթաց, որն օգնում է սովորողներին հասկանալ իրենց սովորելու գործընթացը:Դասընթացը ներառում է 3 թեմա.Սովորածի մտապահում,Ուսումնառության ռազմավարություններ,Մետաճանաչողություն, քննադատական ու բարձր կարգի մտածողություն:  @@PLUGINFILE@@/1%20%D5%86%D5%A1%D5%AD%D5%A1%D5%A2%D5%A1%D5%B6%20%D5%B1%D5%A1%D5%B5%D5%B6.mp3 

  • Ուսուցման մեթոդներ, մեթոդական հնարների կիրառումը դասաժամի փուլերում

       <<Ուսուցման մեթոդը>> բարդ և բազմակողմանի հասկացություն է: Առաջին հերթին դա պայմանավորված է հենց ուսուցման գործընթացի բարդությամբ: Վերջինս իր մեջ ներառում է երեք կարևոր խնդիր՝ ի՞նչ սովորեցնել /կրթության բովանդակություն/, Ինչու՞... ինչի՞ համար սովորեցնել /կրթության նպատակ/ և ինչպե՞ս սովորեցնել /ուսուցման մեթոդիկա/: Կրթության բովանդակությունը /ի՞նչ սովորեցնել/ մատուցելու  և կրթության նպատակներ  /ինչու՞ սովորեցնել/ իրականացնելու համար անհրաժեշտ են որոշակի մեթոդներ, հնարներ, ձևեր: Հանդիսանալով ուսուցման գործընթացի միջուկը՝ մեթոդը իրար է կապում ուսուցման՝ նախապես պլանավորած նպատակը և վերջնական արդյունքը: Այսպիսով, ուսուցման գործընթացում մեթոդը ունի կապող օղակի բարդ և առանձնահատուկ դեր:   Հեգելն ասում էր. «Մեթոդը գործիք է սուբյեկտի ձեռքին, որի միջոցով վերջինս հարաբերվում է օբյեկտի հետ»

  • ՈՒՍՈՒՄՆԱՌՈՒԹՅԱՆ ՀԱՄԸՆԴՀԱՆՈՒՐ ՁԵՎԱՎՈՐՈՒՄ

    Սիրելի՛ մանկավարժ, Դուք ընտրել եք ինքնաուղղորդվող մի դասընթաց, որը վերաբերում է կրթության առավել արդիական ուղղություններից մեկին` Ուսումնաառության համընդհանուր ձևավորմանը։ ՈւՀՁ-ն կրթության և դասավանդման ժամանակակից մի գործնական մոտեցում է, որը վերջին տարիներին լայնորեն կիրառվում է զարգացած կրթական համարակրգ ունեցող մի շարք երկրներում։ Այն, ինչ սովորելու եք այս ինքնաուղղորդվող դասընթացի ընթացքում կիրառելի է կրթության և առկա և առերես եղանակների դեպքում։  Դասընթացը բաղկացած է չորս առանձին թեմաներից, որոնցից յուրաքանչյուրն ունի երկու-երեք ենթաթեմաԴասընթացի թեմաներն են.Ուսումնառութան համընդհանուր ձևավորում․ ՆերածությունՆյութի ներկայացման ձևերի բազմազանությունԳործելու և գիտելինքերն արտահայտելու ձևերի բազմազանություն Ներգրավման ձևերի բազմազանություն

  • Քերականության ուսուցումը մոդուլի ձևով

  • ԴԱՍԱՐԱՆԻ ԵՎ ՍՈՎՈՐՈՂԻ ՎԱՐՔԱԳԾԻ ԿԱՌԱՎԱՐՈՒՄ

    Սիրելի՛ մանկավարժ, Դուք ընտրել եք ինքնաուղղորդվող մի դասընթաց, որը վերաբերում է կրթության մեջ առավել հաճախ հանդիպող դժվարություններից մեկին` սովորողների վարքագծի կառավարմանը։Դասընթացը ներառում է 2 թեմա․Դասարանի կառավարման հիմնահարցը, Կանխատեսելի անցանկալի վարքագծի հաղթահարման քայլերը։ @@PLUGINFILE@@/1%20-1.mp3 

  • ՏՀՏ գործիքների կիրառումը ներառող դասավանդման համատեքստում

    Սիրելի՛ մանկավարժ, Դուք ընտրել եք ինքնաուղղորդվող մի դասընթաց, որը վերաբերում է ներառող դասավանդում իրականացնելիս ՏՀՏ գործիքների կիրառմանը:Դասընթացը ներառում է 3 ենթաթեմա.Առցանց համագործակցության միջավայրեր և հաղորդակցման գործիքներ Ուսումնառության կառավարման համակարգերԱռաջընթացի գնահատման առցանց գործիքներ: