ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Քոլեջի և ուսումնարանի տնօրենի հավաստագիր է ստացել 28 հավակնորդ

Հունիսի 18, 2021
Լուրեր կազմակերպություններից

ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն այսօր հանձնել է 2021 թվականին նախնական արհեստագործական և միջին մասնագիտական ուսումնական հաստատությունների ղեկավարման իրավունք ձեռք բերած անձանց հավաստագրերը:

Նախարարի տեղակալն իր խոսքում նշել է, որ հավաստագրման գործընթացին մասնակցելու հայտ ներկայացրած 41 հավակնորդներից 28-ը ստացել են ՄԿՈՒ հաստատության ղեկավարման իրավունք:

Ժաննա Անդրեասյանը շնորհավորել է հավաստագիր ստացած հավակնորդներին` նշելով, որ համաձայն գործող կարգի՝ տարվա մեջ առնվազն մեկ անգամ անցկացվում են վերապատրաստումներ և հավաստագրման քննություններ:

«Հույս ունեմ, որ ստացած հավաստագրերն առաջիկա տարիներին կօգտագործեք նպատակային նշանակությամբ,- դիմելով ներկաներին` նշել է Ժ. Անդրեասյանը և հավելել,- նախնական արհեստագործական և միջին մասնագիտական կրթության ոլորտի զարգացման ուղղությամբ նախարարությունը մի շարք նոր ծրագրեր է նախաձեռնել: Դրանց հաջողվածությունը մեծապես կախված է ուսումնական հաստատությունների որակյալ կառավարումից: Այդ նպատակով մենք փոփոխություն ենք կատարել քոլեջների և ուսումնարանների տնօրենների ընտրության կարգում: Մենք նաև ավելացրել ենք ՄԿՈՒ հաստատության ղեկավարման իրավունքի ձեռքբերման նպատակով վերապատրաստումներ կատարող կազմակերպությունների թիվը` կարևորելով և խթանելով մրցակցությունը»:

Նշենք, որ ուսումնական հաստատության ղեկավարման իրավունքի հավաստագրի ձեռքբերման նպատակով հավակնորդները մասնակցում են վերապատրաստման դասընթացների, որոնք իրականացնում են ԿԳՄՍ նախարարության կողմից երաշխավորված կազմակերպությունները: Այնուհետև նախարարությունը կազմակերպում է վերապատրաստված անձանց հավաստագրման քննությունները, որոնք հաջողությամբ հաղթահարելու դեպքում հավակնորդը 5 տարի ժամկետով ստանում է ուսումնական հաստատության ղեկավարման իրավունք:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…