ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Կառավարությունը գումար է հատկացրել ուսուցիչների պարտադիր ատեստավորման համար

Հունիսի 17, 2021
Պաշտոնական

ՀՀ կառավարության այսօրվա նիստում որոշում է կայացվել 182 մլն դրամ հատկացնել հանրակրթական հիմնական կրթական ծրագրեր իրականացնող ուսումնական հաստատություններին` 2021 թվականին ուսուցիչների հերթական (պարտադիր) ատեստավորում կազմակերպելու նպատակով վերապատրաստումների իրականացման համար: Գումարը հատկացվում է ՀՀ կրթության, գիտության, մշակույթի և սպորտի նախարարության 2021 թվականի պետական բյուջեով հատկացված միջոցների վերաբաշխման հաշվին:

Նախագծի զեկուցման ընթացքում ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը նշել է, որ «Կրթության ազգային ինստիտուտ» ՓԲԸ-ի լուծարման հետևանքով նախորդ երկու տարիներին հանրակրթական ուսումնական հաստատություններում ուսուցիչների հերթական ատեստավորում չի իրականացվել:

«Արդյունքում ուսուցիչները հնարավորություն չեն ունեցել տարակարգ ստանալու, այն դեպքում, երբ «Հանրակրթության մասին» ՀՀ օրենքի համաձայն՝ յուրաքանչյուր տարի ոսուցիչների առնվազն մեկ հինգերորդը ենթակա է պարտադիր ատեստավորման: Ակնկալվում է, որ առաջիկա երկու տարիներին կատեստավորվեն ոչ միայն այդ տարեթվերին ատեստավորման ենթակա ուսուցիչները (շուրջ 7400 ուսուցիչ), այլև նախընթաց երկու տարիներից գործընթացին չմասնակցած ուսուցիչները: Այս հանգամանքով պայմանավորված` ատեստավորվող ուսուցիչների թիվը զգալի մեծանում է»,- նշել է Վահրամ Դումանյանը։

Հերթական ատեստավորման վերապատրաստման դասընթացներն իրականացնում են ԿԳՄՍ նախարարության կողմից երաշխավորված կազմակերպությունները: Գործընթացը համակարգում է «Կրթության զարգացման և նորարարությունների ազգային կենտրոն» հիմնադրամը:

Նիստը վարող փոխվարչապետ Տիգրան Ավինյանի հարցին ի պատասխան` ԿԳՄՍ նախարարի պաշտոնակատարը ներկայացրել է ուսուցիչների պարտադիր և կամավոր ատեստավորման գործընթացների հիմնական տարբերությունները: Վահրամ Դումանյանը նշել է, որ պարտադիր` հերթական ատեստավորման պահանջը սահմանված է «Հանրակրթության մասին» ՀՀ օրենքով, ըստ որի՝ ուսուցիչը 5 տարին մեկ անգամ պետք է անցնի հերթական ատեստավորում` պահպանելու համար մասնագիտական որակավորումը:

Կամավոր ատեստավորումն էլ ենթադրում է ուսուցչի աշխատավարձի 30-50 տոկոս բարձրացում, եթե ուսուցիչն ատեստավորման արդյունքում հավաքում է 80 տոկոս և ավելի միավորներ: Այս գործընթացին, որը մասնագիտական գիտելիքների ստուգում է, ուսուցիչները մասնակցում են կամավորության սկզբունքով:

Ամփոփելով հարցի քննարկումը` փոխվարչապետ Տիգրան Ավինյանը նշել է, որ հանրակրթության ոլորտի բարեփոխումների շրջանակում 2019 թվականից սկսած վերանայվել է ուսուցիչների աշխատավարձը, միաժամանակ մեկնարկել են հանրակրթական դպրոցներում ենթակառուցվածքների բարելավման ծավալուն աշխատանքներ:

«Կառավարության այս տարվա ծրագրով` կապիտալ շինարարության և հիմնանորոգման 129 ծրագրերից 105-ը կրթական հաստատություններ են, որոնցից 31-ում շինարարական ընկերությունների հետ պայմանագրերն արդեն կնքված են, և աշխատանքները սկսվում են»,- նշել է Տիգրան Ավինյանը:

Գործադիրի նիստի ընթացքում կրթական, առողջապահական և սոցիալական հաստատությունների շինարարական աշխատանքների վերաբերյալ հավելյալ մանրամասներ է ներկայացրել նաև Քաղաքաշինության կոմիտեի նախագահի պաշտոնակատար Արմեն Ղուլարյանը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…