ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը հունիսի 16-ին ընդունել է «Հայաստանում ֆրանսիական համալսարան» հիմնադրամի ռեկտոր Բերտրան Վենարին և պրոռեկտոր Արայիկ Նավոյանին:
Աշխատանքային հանդիպման օրակարգում եղել են ՀՖՀՀ-ի գործունեությանը և կրթական ծրագրերի ընդլայնմանը, նոր ծրագրերում հայ և օտարերկրացի ուսանողների ներգրավման ուղղությամբ տարվող աշխատանքներին, համալսարանի և ՀՀ բուհերի գնահատման համակարգերի ու դիպլոմների համադրելիությանը վերաբերող հարցեր:
ԿԳՄՍ նախարարի տեղակալ Կարեն Թռչունյանը բարձր է գնահատել Հայաստանում ֆրանսիական համալսարանի արդյունավետ գործունեությունը և նկատել, որ ՀՖՀՀ-ի կողմից արհեստական բանականության, ռոբոտատեխնիկայի, կենսատեխնոլոգիայի, ռադիոֆիզիկայի, տվյալագիտության և տեղեկատվական անվտանգության ուղղություններով իրականացվող ծրագրերը համապատասխանում են մեր երկրում կրթության ոլորտի առաջնահերթություններին: ԿԳՄՍ փոխնախարարը, կարևորելով ՀՖՀՀ-ի՝ հայ-ֆրանսիական հարաբերությունների զարգացման գործում ունեցած դերակատարությունը, առաջարկել է առավել ընդլայնել գիտական և նորարարական ուղղություններով համագործակցությունը՝ ըստ հնարավորության ապահովելով փոխգործակցություն Ֆրանսիայի գիտական հետազոտությունների ազգային կենտրոնի (CNRS) և Ֆրանսիայի գյուղատնտեսական հետազոտությունների ազգային ինստիտուտի (INRA) հետ: Ըստ Կարեն Թռչունյանի՝ նմանօրինակ համագործակցության արդյունքում ֆրանսիական գիտակրթական տարբեր կազմակերպությունների շրջանում կարող է առաջանալ ՀՖՀՀ-ի միջոցով Հայաստանում հաբեր և ինկուբատորներ բացելու հետաքրքրություն:
«Մենք աշխատում ենք ռազմավարական կարևորություն ունեցող, ապագային միտված և երկրի զարգացմանը նպաստող մասնագիտությունների ներդրման և զարգացման ուղղությամբ, իսկ ֆրանսիական կողմի հետ համագործակցությունը կարող է նպաստել այդ գործընթացի արդյունավետությանը»,- ասել է Կարեն Թռչունյանը՝ միևնույն ժամանակ նշելով, որ ԿԳՄՍ նախարարությունը պատրաստ է աջակցել ՀՖՀՀ-ի զարգացմանը միտված նախաձեռնություններին:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ