ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Խաչատրյանի անվան միջազգային մրցույթում հաղթող է ճանաչվել ճապոնացի դիրիժոր Դաիչի Դեգուչին

Հունիսի 15, 2021
Մշակութային լուրեր

ԿԳՄՍ նախարարության աջակցությամբ և ՀՀ նախագահի ու նրա տիկնոջ բարձր հովանու ներքո «Արամ Խաչատրյան-մրցույթ» մշակութային հիմնադրամի կազմակերպած Խաչատրյանի անվան 17-րդ միջազգային մրցույթի արդյունքներն ամփոփվել են։

«Դիրիժորություն» մասնագիտությամբ անցկացված մրցույթի հաղթող է ճանաչվել Ճապոնիան ներկայացնող դիրիժոր Դաիչի Դեգուչին։ Ժյուրիի որոշմամբ երկրորդ մրցանակին արժանացել է Յուկուան Ջինը (Չինաստան), երրորդ մրցանակը շնորհվել է Էլիաս Բրաունին (ԱՄՆ), չորրորդ մրցանակը՝ Իեն Նիդերհոֆերին (ԱՄՆ)։

Առաջին մրցանակակիրն արժանացել է տասը հազար դոլարին համարժեք դրամի պարգևի, ինչպես նաև առաջիկա երկու համերգաշրջանների ընթացքում նրան հնարավորություն կտրվի երկու համերգով հանդես գալ Հայաստանում։

Շնորհվել են նաև հատուկ մրցանակներ. մրցույթի առաջին փուլում կլասիցիզմի դարաշրջանի սիմֆոնիայի լավագույն մեկնաբանության համար մրցանակ է ստացել Իեն Նիդերհոֆերը, առաջին փուլում հայ ժամանակակից կոմպոզիտորի՝ Տիգրան Մանսուրյանի ստեղծագործության լավագույն մեկնաբանման համար հատուկ մրցանակի է արժանացել Յուկուան Ջինը, Խաչատրյանի անվան միջազգային մրցույթի բարեկամ Գագիկ Գաբրիելյանի անվան հատուկ մրցանակ է ստացել Էկտորաս Տարտանիսը (Գերմանիա/Հունաստան)՝ մրցույթի առաջին փուլում Արամ Խաչատրյանի Սպարտակի և Ֆրիգիայի ադաջոյի լավագույն մեկնաբանության համար։ Դիրիժոր Յուրի Դավթյանի անվան հատուկ մրցանակ է շնորհվել Յունա Չժոնին (Հարավային Կորեա)՝ մրցույթի երկրորդ փուլում Արամ Խաչատրյանի Երկրորդ սիմֆոնիայի լավագույն մեկնաբանության համար։ Լեհաստանի Օլշտին քաղաքի Ֆելիքս Նովովեյսկու անվան Վարմինո-Մազուրյան ֆիլհարմոնիկ նվագախմբի կողմից հատուկ մրցանակ է ստացել Ալեքսանդր Իրադյանը (Հայաստան/Գերմանիա), որը մրցանակակրին հնարավորություն կտա 2021-2022 թթ. համերգաշրջանի ընթացքում ղեկավարել սիմֆոնիկ համերգ՝ սիմֆոնիկ նվագախմբի հետ Վարմինո-Մազուրյան ֆիլհարմոնիայի համերգային դահլիճում։ «Հանդիսատեսի համակրանք» անվանակարգում հաղթող է ճանաչվել Իեն Նիդերհոֆերը։

Մրցանակաբաշխությունից հետո Դաիչի Դեգուչին նշել է, որ երջանիկ է հաղթանակի համար և շնորհակալություն հայտնել պրոֆեսիոնալ ժյուրիին, արդեն ընկերներ դարձած մրցույթի մասնակիցներին, կազմակերպիչներին, նվագախմբի երաժիշտներին։ Նա նշել է, որ որպես երաժիշտ նվագախմբի կազմում կատարել է Խաչատրյանի «Գայանե» բալետը, սակայն որպես դիրիժոր առաջին անգամ է ներկայացնում խաչատրյանական երաժշտությունը։ Դեգուչին մրցույթի փակման գալա համերգի ընթացքում ներկայացրել է հատված Խաչատրյանի Թիվ երկու սիմֆոնիայից։ Ի դեպ, Խաչատրյանի տուն-թանգարանն առաջին մրցանակակրին հնարավորություն էր ընձեռել գալա համերգի ընթացքում հանդես գալ Խաչատրյանի դիրիժորական փայտիկով։

Մրցույթի ժյուրիի նախագահ Հովհաննես Չեքիջյանն ընդգծել է, որ մրցույթն անցել է բարձր մակարդակով։ «Խաչատրյանը անուն է, որով հպարտանում ենք։ Եվ մեծ պատիվ է ունենալ նրա անունը կրող այսպիսի բարձրակարգ մրցույթ և այսպիսի հիանալի մասնակիցներ՝ մրցույթի շրջանակում»,- ասել է Հովհաննես Չեքիջյանը և հավելել, որ մրցանակակիրների ընտրությունը բավականին բարդ էր։

Ժյուրիի մյուս անդամները նույնպես տպավորված էին Խաչատրյանի անվան մրցույթով։ Գրեմմի մրցանակի առաջադրված թավջութակահար, դիրիժոր Դմիտրի Յաբլոնսկին շեշտել է, որ շատ հպարտ է մաս կազմել այս մեծ իրադարձության և լինել պատվավոր ժյուրիի անդամ։

Լոնդոնի երաժշտության թագավորական քոլեջի պրոֆեսոր, դիրիժոր Փիթեր Սթարքն էլ նշել է, որ Երևանում անցկացվել է երաժշտությամբ պարուրված ֆանտաստիկ շաբաթ։ Նրա համոզմամբ՝ յուրաքանչյուր դիրիժոր պետք է հիշի այս մրցույթը և պատասխանատվությամբ վերաբերվի հետագա գործունեությանը։

Մոսկվայի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Պավել Կոգանը, շնորհավորելով մրցույթի դափնեկիրներին, վստահություն է հայտնել, որ նրանց սպասվում է մեծ ապագա։ Նա շնորհակալություն է հայտնել նաև մրցույթի կազմակերպիչներին, քանի որ Խաչատրյանի անվան մրցույթի միջոցով Հայաստանն ամբողջ աշխարհին ցույց է տալիս իր մշակույթի մակարդակը, ինչը խիստ կարևոր է:

Ժյուրիի բոլոր անդամները հատկապես շեշտել են պաշտոնական նվագախմբի՝ Հայաստանի պետական սիմֆոնիկ նվագախմբի դերը մրցույթի ընթացքում. նվագախումբն ամբողջ ստուգատեսի ընթացքում մասնակիցների հետ հանդես է եկել լայն երկացանկով՝ երիտասարդ դիրիժորներին իրենց ամբողջ ներուժը վեր հանելու և ժյուրիին լավագույնս ներկայանալու հնարավորություն տալով։

Նշենք, որ ժյուրիի երկու անդամներ՝ դիրիժոր Ջորմա Պանուլան և Քյոլնի ռադիոյի սիմֆոնիկ նվագախմբի գլխավոր դիրիժոր Միխայիլ Յուրովսկին, ժյուրիի աշխատանքին մասնակցում էին հեռավար։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…