Ծնունդդ շնորհավոր անձնազոհ Հայորդի

Հունիսի 11, 2021

Այսօր Շահեն Գրիգորյանը կդառնար 51 տարեկան: Նա սովորել է Կապանի N5 հիմնական դպրոցում:

Դպրոցի 2-րդ բ դասարանի դասվար Մելադա Սահակյանը «Հիշատակի դաս» կազմակերպեց , որին ներկա էին աանձնազոհ Հայորդու մայրը և զավակները` «Պատերազմի աչքերը»…

- Մի նկար է կախված պատից,
Այնքա՜ն ջահել , այնքա՜ն սիրուն,
Բայց արի´ տես, ապրել է նա
Ընդամենը 50 գարուն,- արտասանեց Սևակը:

- Նա իմ Պապն է եղել բարի,
Ափսոս նրան ես չեմ տեսել,
Տատս է միայն նրա մասին
Արցունքն աչքին հեքիաթ ասել,- շարունակեց Մարիամը:

- Նա ընկել է որպես հերոս,
Հայրենիքի մարտերում,
Ախ չլիներ պատերազմը,
Ես էլ պապիկ կունենայի…,- թախծախառն ավարտեց Դավիթը:

Ամեն ինչ ասված է …

Ո´չ պատերազմին,- որոշեցին երկրորդցիները:

- Մեր տխուր օրվան տոնական երանգ հաղորդեցիք: Մեր վշտին ընկերակցեցիք, և մեր փոխարեն հպարտացաք, ,- ահա այսպես արտահայտվեց մայրը:

Դասը կազմակերպվեց դպրոցի Փառքի սրահում:

Կապանի N 5 հիմնական դպրոց