ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն այսօր հանդիպել է ատեստավորման ենթակա ուսուցիչներին վերապատրաստող երաշխավորված կազմակերպությունների ներկայացուցիչների հետ: Հանդիպման նպատակն էր քննարկել առաջիկա անելիքները և պատասխանել ներկաներին հուզող հարցերին, որպեսզի հետագա գործընթացն անցնի հարթ և առանց խնդիրների:
Քննարկման սկզբում փոխնախարարը նախ շնորհավորել է 48 կազմակերպություններին և մաղթել արդյունավետ աշխատանք:
«Մեզ համար սա շատ կարևոր գործընթաց է, որը սկսում ենք փոխադարձ վստահության և գործընկերության մթնոլորտում, և, առհասարակ, վստահությունն այս գործում առանցքային նշանակություն ունի: Քանի որ հարցը վերաբերում է ուսուցիչների մասնագիտական զարգացմանը, մենք ակնկալում ենք, որ գործընթացի բոլոր կողմերը պետք է իրականացնեն պատշաճ և որակյալ աշխատանք, որպեսզի նշված նպատակի համար հատկացված պետական միջոցները լինեն արդյունավետ»,- ասել է Ժաննա Անդրեասյանը և տեղեկացրել, որ չնայած երաշխավորված կազմակերպությունների ցանկը տեղադրված է ԿԳՄՍ նախարարության կայքում, սակայն գերատեսչությունը դպրոցներ կուղարկի նաև շրջաբերական, որպեսզի բոլոր ուսուցիչները պատշաճ իրազեկված լինեն գործընթացի մասին:
Նախարարի տեղակալի հավաստմամբ՝ նախատեսվում է փոփոխություն կատարել վերապատրաստման կարգում. եռակողմ պայմանագրի փոխարեն կգործի երկկողմ ձևաչափը՝ դպրոցի և երաշխավորված կազմակերպության միջև, քանի որ եռակողմը, ըստ փոխնախարարի, տեխնիկապես բարդացնում է գործընթացը:
«Այս փոփոխությունը, սակայն, պետք է չվնասի ուսուցչի՝ ընտրություն կատարելու ցանկությանը. նա պետք է վերապատրաստող կազմակերպություն ընտրելու հնարավորություն ունենա, և դպրոցի կողմից ցանկացած ուղղորդում անթույլատրելի է: Նախարարությունը հորդորում է բոլոր կողմերին՝ զերծ մնալ որևէ լծակ օգտագործելուց: Վստահեցնում եմ, որ թույլ չենք տալու նման դեպքեր, քանի որ խիստ կարևորում ենք ուսուցչի կամարտահայտության իրավունքը: Այս գործընթացը պետք է հիմնված լինի բացառապես որակի վրա. դաշտը բաց է, և ցանկացած կազմակերպություն, որը կբավարարի ուսուցչի կարիքներն ու պահանջները, հիմք կստեղծի հետագա արդյունավետ գործունեության համար»,- շեշտել է Ժաննա Անդրեասյանը:
Փոխնախարարն անդրադարձել է նաև մեկ այլ հարցի, որը, ըստ նրա, ոչ թե իրավական դաշտի, այլ էթիկական խնդիր է: Ժաննա Անդրեասյանի խոսքով՝ երաշխավորված կազմակերպությունների թվում կան նաև հանրակրթական ուսումնական հաստատություններ, և ցանկալի կլիներ, որ վերջիններս զերծ մնան իրենց դպրոցների ուսուցիչներին վերապատրաստելուց:
«Այդպիսի իրավական արգելք, իհարկե, չկա, սակայն չենք կարծում, որ դա կլինի լավագույն պրակտիկան. դա գործընթացի վրա անհարկի ստվեր կգցի՝ անկախ նրանից, թե ինչպիսի պատշաճ և որակյալ վերապատրաստում կիրականացնի այդ կազմակերպությունը»,- փաստել է նախարարի տեղակալը՝ ընդգծելով, որ հետագայում կքննարկվի վերապատրաստման կարգի շրջանակում խնդիրը հստակեցնելու հարցը:
Ժաննա Անդրեասյանի խոսքով՝ կարգով ամրագրված է, որ վերապատրաստումները կարող են մեկնարկել երաշխավորված կազմակերպությունների ցանկի հրապարակումից միայն մեկ ամիս հետո: Հաշվի առնելով, որ վերոնշյալ ցանկը ԿԳՄՍ նախարարության կայքում հրապարարկվել է հունիսի 7-ին, ապա կազմակերպությունները վերապատրաստման մեկնարկը պետք է պլանավորեն մեկ ամսից ոչ շուտ:
Փոխնախարարը նաև անդրադարձել է մշտադիտարկման գործընթացին՝ ընդգծելով, որ բովանդակային և որակական տեսանկյունից այն իրականացնելու է Կրթության զարգացման և նորարարության ազգային կենտրոնը՝ ԿԳՄՍ նախարարության մասնակցությամբ: Ժաննա Անդրեասյանը հավաստիացրել է, որ մշտադիտարկումն այս գործընթացի առանցքային բաղադրիչներից է և արժանանալու է նախարարության համակ ուշադրությանը, որպեսզի բացառվեն ոչ պատշաճ վերապատրաստումները, և հընթացս բացահայտված խնդիրների հիման վրա որոշում կայացվի հետագա համագործակցության վերաբերյալ:
Մշտադիտարկման գործընթացի մանրամասները և մոդուլների հետ կապված պարզաբանումները երաշխավորված կազմակերպությունների ներկայացուցիչներին ներկայացրել է ԿԶՆԱԿ-ի տնօրեն Արտաշես Թորոսյանը:
Հանդիպման ընթացքում ներկաները մի շարք հարցեր են ուղղել բանախոսներին, որոնց տրվել են հանգամանալից պատասխաններ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ