ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանն այսօր ընդունել է ՀՀ-ում Ֆրանսիայի Հանրապետության արտակարգ և լիազոր դեսպան Ժոնաթան Լաքոտին: Հանդիպմանը ներկա է եղել նաև նախարարի տեղակալ Արթուր Մարտիրոսյանը:
Ողջունելով ֆրանսիական պատվիրակության անդամներին՝ ԿԳՄՍ նախարարի պաշտոնակատարը նշել է, որ դեսպանի հետ սա արդեն երկրորդ հանդիպումն է, որի ընթացքում կքննարկվեն նախանշված մի շարք գործնական հարցեր: Վահրամ Դումանյանը մասնավորապես բարձր է գնահատել Հայաստանում ֆրանսիական համալսարանի գործունեությունը և փաստել, որ լինելով կրթագիտական և հետազոտական հարթակ՝ այն լավագույնս նպաստում է հայ-ֆրանսիական բարեկամության զարգացմանը և նոր հնարավորությունների ստեղծմանը: Նախարարի պաշտոնակատարը վերահաստատել է ուսումնական հաստատության ընդլայնմանն ուղղված նախաձեռնություններին աջակցելու հայկական կողմի պատրաստակամությունը:
«Համալսարանի կողմից կրթական և գիտահետազոտական ծրագրերի իրականացման պատրաստակամության դեպքում մենք համատեղ ուժերով կնպաստենք Հայաստանում գիտության զարգացմանը և կապահովենք կրթության ու գիտության երկխոսությունը: Այդ պատճառով պետք է անել հնարավորը՝ հայ-ֆրանսիական համագործակցության շրջանակում նախադպրոցական կրթությունից մինչև գիտություն շղթան ամբողջացնելու համար»,- ասել է ԿԳՄՍ նախարարի պաշտոնակատարը:
Վահրամ Դումանյանը նաև տեղեկացրել է, որ Ֆրանկոֆոնիայի միջազգային կազմակերպության Կենտրոնական և Արևելյան Եվրոպայի գրասենյակի (CREFECO) ֆինանսական աջակցությամբ ԿԳՄՍ նախարարությունը Հայաստանում Ալիան Ֆրանսեզի հետ առաջիկայում կազմակերպելու է ֆրանկոֆոն ամառային դպրոց, որի նպատակն է Հայաստանի դպրոցականների շրջանում առավել խորացնել հետաքրքրությունը ֆրանսերենի ուսուցման նկատմամբ և նպաստել ֆրանկոֆոն կրթամշակութային միջավայրի ձևավորմանն ու զարգացմանը:
Նախարարի պաշտոնակատարի խոսքով՝ ամառային դպրոցը լավագույնս կազմակերպելու նպատակով նախարարությունն ակնկալում է սերտ համագործակցություն Հայաստանում ֆրանսիական համալսարանի, Ֆրանկոֆոն համալսարանական գործակալության հայաստանյան մասնաճյուղի, ինչպես նաև Անատոլ Ֆրանսի անվան ֆրանսիական կրթահամալիրի հետ:
Ֆրանսիայի Հանրապետության արտակարգ և լիազոր դեսպան Ժոնաթան Լաքոտն իր հերթին նշել է, որ մաթեմատիկայի և ինֆորմատիկայի ֆակուլտետի զարգացման շնորհիվ նախատեսվում է, որ մինչև 2025 թվականը Հայաստանում ֆրանսիական համալսարանի ուսանողների թիվը կկրկնապատկվի: Նա ողջունել է բուհում գիտահետազոտական բաղադրիչի ընդլայնման՝ հայկական կողմի առաջարկությունը: Ըստ դեսպանի՝ հայ-ֆրանսիական համագործակցության լավագույն օրինակ են նաև Անատոլ Ֆրանսի անվան ֆրանսիական կրթահամալիրի գործունեությունը և հանրակրթական որոշ դպրոցներում ֆրանսերենի խորացված ծրագրի ներդրումը: Ժոնաթան Լաքոտի հավաստիացմամբ՝ այդ բոլոր դպրոցները կստանան աջակցություն՝ կրթական ծրագրերի և դասագրքերի տեսքով. արդեն տրամադրվել է 5300 կտոր դասագիրք: Նա ուրախությամբ փաստել է, որ այս տարի ծրագրին միացել է նաև մի քանի ավագ դպրոց, ինչը թույլ կտա 2-12-րդ դասարաններում ապահովել ֆրանսերենի խորացված ուսուցման ծրագրի իրականացման շարունակականությունը:
Հանդիպման ավարտին անդրադարձ է եղել նաև Ֆրանսիայի Ժառանգության ազգային ինստիտուտի աջակցությամբ Հայաստանում հայկական պատմամշակութային հուշարձանների վերականգնման հնարավորությանը, որի շրջանակում նախատեսվում է իրականացնել նաև մասնագետների վերապատրաստում: Կողմերը կարևորել են վերոնշյալ գործընթացը, որով կհաստատագրվի հայկական պատմամշակութային հուշարձանները՝ որպես համամարդկային ժառանգության մաս լինելու փաստը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ժամանակակից կրթության պայմաններում ՏՀՏ գործիքների կիրառումը կարևոր նշանակություն ունի նաև Հայոց լեզվի և գրականության դասավանդման գործընթացում: Թվային ներկայացումները, տեսանյութերը, առցանց թեստերը և ինտերակտիվ հարթակները հնարավորություն են տալիս դասը դարձնել ավելի…
«Ողջույն, սիրելի՛ գործընկերներ: 4-րդ դասարանում «Ես և շրջակա աշխարհը» առարկայից «Բնության աղտոտվածությունը և մարդու առողջությունը» թեման ուսումնասիրելիս կարևոր նպատակ է ձևավորել պատասխանատու վերաբերմունք շրջակա միջավայրի հանդեպ: Որպեսզի աշակերտները կարողանան տարբերակել…
Ողջույն, հարգելի՛ գործընկերներ: Չորրորդ դասարանում բառակազմության թեման (պարզ, բարդ և ածանցավոր բառեր) ուսուցանելիս հաճախ եմ դիմում ՏՀՏ գործիքների օգնությանը՝ դասն ավելի պատկերավոր դարձնելու համար: Վերջերս «Հոնի կորիզը» և «Հսկա Ասերը»…
Ժամանակակից կրթական համակարգում, որտեղ առաջնային է դառնում սովորողի ներգրավվածությունն ու ինքնուրույն մտածողությունը, խաղային տեխնոլոգիաները դադարել են լինել պարզապես ժամանցի միջոց: Դրանք վերածվել են արդյունավետ գործիքի, որը թույլ է տալիս բարդ…
Մեր ժամանակներում մեծ ուշադրության է արժանանում կրտսեր դպրոցական տարիքը, քանզի այն համարվում է ուսումնական գործունեության առավել պատասխանատու փուլ:Այս տարիքում առաջատար է դառնում նոր գիտելիքների, ունակությունների և հմտությունների ձեռք բերումը, ինտենսիվորեն…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
