Անցած շաբաթվա վերջին աշխատանքային այցով Շիրակի մարզում էր Կրթության, գիտության, մշակույթի և սպորտի նախարարի տեղակալ Կարեն Գիլոյանը: Նա այցելել է Մարալիկ, Արթիկ, Գյումրի, ծանոթացել մարզադպրոցների վիճակին, հանդիպել ոլորտի ներկայացուցիչների հետ:
Խոսելով ոլորտային խնդիրների մասին՝ ԿԳՄՍ նախարարի տեղակալը նշել է, որ դրանք տարբեր են՝ սկսած շենքային պայմաններից, մինչև մասնագիտական գույքի պակաս: Ըստ Գիլոյանի՝ ոչ միայն Շիրակի մարզում, այլև ամբողջ հանրապետությունում մարզադպրոցների գրեթե 90 տոկոսն ունի քայքայված հատակների խնդիր:
Հաջորդ խնդիրը, որի լուծումը, ըստ Կ. Գիլոյանի, կլինի մեծ նվաճում, խաղային մարզաձևերի մարզադահլիճներին է վերաբերում. «Պետք է ամեն ինչ անենք, որ Հայաստանի յուրաքանչյուր քաղաքում գոնե մեկ՝ 400-500 հանդիսականի համար նախատեսված խաղային համալիր դահլիճ ունենանք»:
Գյումրիում շրջայցի ընթացքում Կարեն Գիլոյանը ծանոթացել է նաև Արթուր Ալեքսանյանի անվան մարզադպրոցի կառուցման աշխատանքներին: Այն ունենալու է դահլիճ, որը կծառայի նաև խաղային մարզաձևերին: ԿԳՄՍ նախարարի տեղակալի հավաստմամբ՝ նմանօրինակ համալիրի առկայությունը զարկ կտա սպորտի զարգացմանը. «Համալիրի կառուցմամբ խաղային մարզաձևերը կկարողանան ժամանակակից պայմաններում իրենց մարզումները և մրցումները կազմակերպել: Այդքան երեխա կավելանա, այդքան մարդ նորից կներգրավվի, այսինքն` նոր աշխատատեղեր կլինեն»:
Հաջորդ կանգառը Գյումրիի համալիր մարզադպրոցն էր, որի սաները սեպտեմբերին կտեղափոխվեն նոր՝ ավելի բարեկարգ պայմաններով շինություն: Որոշվել է դպրոցին տրամադրել թիվ 41 դպրոցի մասնաշենքը: Կարեն Գիլոյանի խոսքով՝ այս պահին երեխաների մարզման պայմաններն անմխիթար են, իսկ նոր շենքում թեև որոշակի վերանորոգման և ձևափոխման խնդիրներ կան, բայց ԿԳՄՍ նախարարության աջակցությամբ կլուծվեն թե՛ այդ, թե՛ անհրաժեշտ գույքային խնդիրները:
Այցի ընթացքում ԿԳՄՍ նախարարի տեղակալը նշել է, որ նախարարությունն առաջիկայում գույքի ու հանդերձանքի առումով կփորձի աջակցել մարզադպրոցներին՝ ըստ անհրաժեշտության և առաջնահերթության: Կարեն Գիլոյանը խոստացավ Գյումրու սամբոյի և ձյուդոյի մարզադպրոցին նոր գորգ տրամադրել, իսկ ծանրամարտի մարզադպրոցին՝ ծանրաձողեր՝ ծանրաքարերով: ԿԳՄՍ նախարարի տեղակալը փաստել է, որ գործընթացը շարունակական կլինի. հաջորդ տարվա ընթացքում միջնաժամկետ գույքային ծրագրի շրջանակում նախատեսվում է նոր գույք ձեռք բերել. խոսքը մոտ 500 միլիոն դրամի մասին է:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ