Ուրախացնող ու անսպասելի զանգ

Դեկտեմբերի 12, 2016

Դպրոցական անցուդարձ

2015 թվականի ապրիլին Միավորված ազգերի կազմակերպության հանրային տեղեկատվական վարչության երևանյան գրասենյակը հայտարարել էր նկարների մրցույթ «Ազատություն» վերնագրով:

Մրցույթին  մասնակցել էին նաև Վանաձորի ծովակալ Իսակովի անվան թիվ 23 հիմնական դպրոցի մի քանի աշակերտներ: Եվ ահա 2016 թվականի նոյեմբերի 25-ին դպրոցի 9-րդ դասարանի աշակերտուհի Արուսյակ Գրիգորյանը մեծ ուրախություն ապրեց, երբ նրան զանգահարեցին ՄԱԿ-ի գրասենյակից և տեղեկացրին, որ նրա նկարը  ճանաչվել է լավագույններից մեկը, տեղ գտել «Մարդու իրավունքների զույգ դաշնագրերի մասին համառոտ» գրքույկում, իսկ ինքն էլ հրավիրվում է մասնակցելու ՄԱԿ-ի գրասենյակի միջոցառմանը:

Արուսյակը պատմում է. «Դեկտեմբերի 6-ին ես իմ քույրիկների և հայրիկիս հետ եղանք ՄԱԿ-ի գրասենյակում: Հերթով նշեցին հաղթող նկարները և նվերներ հանձնեցին աշակերտներին, որից հետո մենք դիտեցինք «Ազատություն» վերնագրով մի փոքրիկ ֆիլմ: Հյուրասիրությունից հետո մեզ հետ կատարեցին խմբային աշխատանք: Մենք հաշվեցինք 1-2, բաժանվեցինք 2 խմբի` ծնողների  և աշակերտների: Մենք պետք է օգնեինք հաշմանդամություն ունեցող որևէ մեկին: Մեր խումբը վերցրել էր հենաշարժողական դժվարություն ունեցող մարդու, իսկ մեծերի խումբը` խուլ և կույր մարդու: Մենք  հարցերին: Բավականին երկար բանավեճից, հարցերից հետո, որը տալիս էր նաև հանդիսատեսը, մենք հաջողություններ գրանցեցինք և սովորեցինք, թե ինչպես պետք է օգնել կյանքի դժվար պայմաններ ունեցող մարդկանց»:

Աշակերտները ուշադրությամբ և սիրով լսեցին Արուսյակի  պատմությունը, ծանոթացան ՄԱԿ-ի գրասենյակի աշխատանքներին, ուսումնասիրեցին գրքույկը, իրենք էլ փորձեցին կազմակերպել խմբային աշխատանք, հասկացան, որ պետք է օգնել մարդկանց, որպեսզի դժվար պայմաններում քեզ էլ գան օգնության:

Դպրոցի տնօրենությունը, ուսուցիչները և աշակերտները շատ ուրախ էին Արուսյակի հաջողությամբ և որոշեցին հետագայում ևս սիրով մասնակցել նման միջոցառումների: