Գիրք անմահաց

Մայիսի 17, 2021

Դպրոցական անցուդարձ

Մայիսի 7-ին Կապանի N 5 հիմնական դպրոցում կազմակերպվեց դպրոցում սովորած, 44 օրյա պատերազմում «Զոհված հայորդիների հիշատակի ոգեկոչման» արարողակարգ:

Նախօրեին հիմնվեց պատանի Երկրապահ ակումբ, որին անդամագրվեցին 8-րդ դասարանների սաները և ստանձնեցին նահատակների Փառքի փառաբանման երդմնակալությունը:

Հայրենապաշտության բարոյական պարտավորվածությամբ 1-ին «ա», 2-րդ «ա», 2-րդ «բ», 3-րդ «ա», 3-րդ «բ», 3-րդ «գ», 5-րդ «գ», 6-րդ «ա», 6-րդ «գ», 7 –րդ «գ», 8-րդ «ա», 8-րդ «բ» դասարանների դասղեկները հավատարմագրվեցին սրբազան պատերազմում ընկածների անմահության խնկարկմանը: 3-րդ «բ» դասարանի ձեռամբ կառուցվեց ու ձևավորվեց Անմահության Պուրակ:

Յուրաքանչյուր դասարանից ընտրված ներկայացուցչական խմբեր այցելեցին ընտանիքներ, մտերմիկ զրույց ունեցան հարազատների հետ և հրավիրատոմս հանձնեցին:

Արարողությունը մեկնարկվեց անվանական ծառատունկով, որին մասնակցեցին կցագրված դասարանները: Նշվածին հաջորդեց «Փառքի սրահի» պաշտոնական բացումը, այնուհետև հյուրերը հրավիրվեցին նիստերի դահլիճ, որտեղ «Պատանի երկրապահ» ակումբի զինվորիկները մատուցեցին գրական-գեղարվեստական համադրույթ:

Հուզական ու տաքուկ մթնոլորտում կանխորոշվեց օրվա գաղափարը՝ ՈՉ ՄԻ ԹՌԻՉՔ ԻԶՈՒՐ ՉԷ, ԱՐՅՈՒՆ ԹԱՓՎԵՑՙ ՍԱՀՄԱՆ ԳԾՎԵՑ… ԿՊԱՀԵՆՔ:

Իրենց ներկայությամբ միջոցառումը պատվել են ՀՀ Սյունիքի մարզպետ Մելիքսեթ Պողոսյանը, Կրթության մշակույթի և սպորտի վարչության պետ Մերի Գանդալյանը, Կապանի N զորամասի հրամկազմը, Փոխքաղաքապետ Գոռ Թադևոսյանը «Ազատամարտ» կոմիտեի նախագահ Խորեն Հարությունյանը, երկրապահներ, «Բաղաբերդ» բարեգործական հասարակական կազմակերպության հիմնադիր նախագահ Վարդուհի Օհանջանյանը, նահատակված հայորդիների ընտանիքների անդամներ, շրջանավարտներ:

Կապանի N 5 հիմնական դպրոց