ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Մեսրոպյան վարժարանի սաները հարգանքի տուրք են մատուցել Մեծ եղեռնի զոհերի հիշատակին

Ապրիլի 27, 2021
Սփյուռքի լրատու

Բեյրութի Հայ կաթողիկե Մեսրոպյան բարձրագույն վարժարանի ավարտական դասարանի աշակերտներն ապրիլի 23-ին այցելել են Հայ կաթողիկե Պատրիարքարանի գավթում գտնվող Հայոց ցեղասպանության զոհերի հուշարձան և ծաղկեպսակ խոնարհել նահատակների հիշատակին:

Վարժարանի տնօրեն Կ. Գալուստն իր գոհունակությունն է հայտնել առ այն, որ հակառակ բոլոր դժվարություններին՝ Մեսրոպյան վարժարանում ուսանող սաները մշտապես դաստիարակվել են հայկականության ոգով ու մտքով, և այդպիսով վարժարանը կատարել է իր պարտքն ազգի ու հայրենիքի հանդեպ

Տնօրենը հիշեցրել է, որ երջանկահիշատակ Աղաճանյան կարդինալ պատրիարքի որոշմամբ՝ 1939 թ․-ին Բեյրութի սրտում կանգնեցված Պատրիարքարանի հուշակոթողը Ցեղասպանության նվիրված նշանակալի առաջին և ամենահին կոթողն է ամբողջ աշխարհում: Կ. Գալուստն աշակերտներին կոչ է արել կյանքում կայանալու համար չսահմանափակվել միայն մասնագիտությամբ ու աշխատանքով, այլև հավատարիմ մնալ ազգային և հոգևոր արժեքներին, որով առաջնորդվել են վարժարանում:

Վարժարանի աշակերտների ներկայացուցիչ Փերլա Փյուսկյուլյանը հիշատակել է նաև ամիսներ առաջ տեղի ունեցած պատերազմում զոհված հայ զինվորներին, որոնք ևս միացան Ցեղասպանության նահատակներին: Նա իր սերնդակիցների անունից խոստացել է հավատարիմ մնալ հին ու նոր նահատակների կտակին, ամուր կառչել մայրենիին և ազգային արժեքներին ու ջանք չխնայել՝ նպաստելու արդարության վերականգնմանը և հայ ժողովրդի անկատար իղձերի իրականացմանը:

Մեսրոպյանի հոգևոր տեսուչ Տեր Ռաֆֆի քահանա Հովհաննիսյանն էլ աշակերտներին բացատրել է Ցեղասպանության զոհերի հուշակոթողի խորհրդանիշները՝ մասնավորապես ընդգծելով, որ հայ ժողովրդին խորհրդանշող սյան վերին հատվածն ավերված տեսք ունի՝ խորհրդանշելով Ցեղասպանությունը, սակայն դրանից վերև խոյանում է Սուրբ Խաչը, որը, անկասկած, խորհրդանշում է հարություն և հույս, որոնցով հայ ժողովուրդը ջարդից, տարագրությունից և աքսորից դուրս եկավ հաղթանակած և կրկին ոտքի կանգնեց:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում:

  • Մենախոսություն և երկխոսություն

    Թեմայի հեղինակ՝ Հասմիկ ԱՎ

    Մենախոսություն և երկխոսություն Կիրառելի և հետաքրքիր դասեր են, Անուշ ջան, տեսական նյութերն ուղեկցվում են գործնական աշխատանքներով, որոնք շատ կարևոր են ուսուցման գործընթացում:

  • ՄԵՆԱԽՈՍՈՒԹՅՈՒՆ ԵՎ ԵՐԿԽՈՍՈՒԹՅՈՒՆ

    Թեմայի հեղինակ՝ LusineJS

    երկխոսությունն ու մենախոսությունը հունական ծագում ունեցող բառեր են, որոնք բնորոշում են տեքստի տեսակը՝ կախված նրանից, թե քանի մարդ է ներգրավված խոսքում: Մեր դասի նպատակն է

  • ՖՈՒՆԿՑԻԱՅԻ ԳԱՂԱՓԱՐԻ ՈՒՍՈՒՑՈՒՄԸ ՀԱՆՐԱՀԱՇՎԻ ԴԱՍԱԺԱՄԻՆ

    Թեմայի հեղինակ՝ movsisyan.karine

    Հանրահաշվի դպրոցական ծրագրերում ընդգրկված համարյա բոլոր գաղափարները այս կամ այն կերպ առնչվում են ֆունկցիայի հասկացության հետ: Դպրոցականների ուսումնական գործընթացում ՏՀՏ-ի

  • ԳԻՏԵԼԻ՞Ք,թե՞ ՀՄՏՈՒԹՅՈՒՆ...3-ՐԴ ՄԱՍ

    Թեմայի հեղինակ՝ gohar66

    Թեմայի այս բաժնում ձեզ եմ ներկայացնում տարբեր հնարներ և մեթոդներ,որոնք կնպաստեն և՞գիտելիքների,և՞ հմտությունների զարգացմանը....շարունակելի