ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Դեկտեմբերի 3-ին ՀԱԵ Ռուսաստանի և Նոր Նախիջևանի Հայոց թեմի Մոսկվայի «Հայորդյաց տունը» տոնեց հիմնադրման տասնամյակը, որին ներկա հրավիրյալ հյուրերի շարքերում էին թեմի և կրթօջախի բարերարներ, դեսպանության և հայկական կազմակերպությունների ներկայացուցիչներ, մշակութային գործիչներ։ Երեկոն նշանավորվեց ոչ միայն տոնական համերգով, այլև կրթօջախի ուսուցիչների՝ թեմակալ առաջնորդ Տեր Եզրաս արքեպիսկոպոս Ներսիսյանի, ՀՀ Սփյուռքի նախարարության և ՀՀ ԿԳՆ կողմից պարգևատրմամբ։ Այս մասին «Հայերն այսօրը» տեղեկանում է «Հայորդյաց տան» տեղեկատվական կենտրոնից:
2006թ․-ին թեմակալ առաջնորդ Տեր Եզրաս արքեպիսկոպոս Ներսիսյանի ջանքերով և անձնվիրությամբ, ազգանվեր բարերարների աջակցությամբ Մոսկվայի կենտրոնում գտնվող կիսախարխուլ շենքը վերանորոգվել, կահավորվել և արդեն տասը տարի փոքրիկ Հայաստան և կրթական, հայեցի դաստիարակության կենտրոն է դարձել մոսկվաբնակ հայորդիների և հայերեն սովորել ցանկացող օտարազգիների համար։ Իսկ «Հայորդյաց տան» սաներն ուսումնառության ընթացքում հասել են հայերենի, ՀԱԵ և հայոց պատմության իմացության այնպիսի մակարդակի, որ հայաստանան տարբեր նախարարությւնների կողմից կազմակերպված օլիմպիադաներում վստահորեն մրցում են հայաստանաբնակ իրենց հասակակիցների հետ և վերադառնում հաղթանակած։ Նույնօրինակ հաջողություններ են գրանցվում նաև գեղարվեստական մասում․«Հայորդյաց տան» «Գավիթ» թատրոնը, «Հայասա», «Վարդավառ» պարային համույթները, «Ովսաննա», «Շողեր», «Նորահրաշ», «Կտակ» երգչախմբերը, ժողգործիքների «Ակունք», քանոնահարուհիների «Զատիկ», դհոլահարների «Կոչնակ», դուդուկահարների «Ծիրանի» համույթները, նկարչության, սպորտային խմբակներն ավելի քան հարյուր գրան-պրիների, դափնեկրի դիպլոմների, պատվոգրերի են արժանացել՝ հայ մշակույթն ըստ արժանվույն ներկայացնելով ոչ միայն օտար, այլև հայաստանաբնակ հանդիսատեսին։
Հոբելյանական միջոցառման ավարտին «Հայորդյաց տան» ուսուցիչներ Սվետլանա Միքայելյանը, Սիլվա Գյուլիշյանը, Աննա Թումանյանը, Ջեմմա Կիրակոսյանը, Դավիթ Բեկնազարյանը, Համլետ Ղալեչյանը, Երանուհի Ղազարյանը, Ալվինա Հովհաննիսյանը, Լենա Բեգլարյանը, Արփինե Ամիրյանն արժանացան Տեր Եզրաս արքեպիսկոպոս Ներսիսյանի օրհնության և գնահատանքի գրին, իսկ թեմակալ առաջնորդի շնորհավորական խոսքում ասվում էր․ «Դուք, իբրև ազնիվ և երախտարժան մանկավարժ, իբրև բարի սերմնացան ու մշակ, հանձն եք առել սիրով ու հավատքով սնել Ձեզ վստահված մանուկների միտքն ու հոգին, ցանել բարի հունդեր, որոնք պիտի պտղաբերեն, օրհնյալ ու բարեշեն դարձնեն իրենց կյանքն ու հայրենիքը։ ․․․Մեր բարձր գնահատանքն ու օրհնությունն ենք բերում Ձեր ամբողջանվեր ու նվիրական ծառայության համար»։
ՀՀ Սփյուռքի նախարար Հրանուշ Հակոբյանի շնորհավորական ուղերձն ընթերցեց Կարեն Շագալյանը։ Ուղերձում ասվում էր․ «Ուրախությամբ և մեծ սիրով շնորհավորում եմ Մոսկվայի «Հայորդյաց տան» տասնամյա հոբելյանը։ Չնայած գործունեության ոչ շատ մեծ շրջանին` կրթօջախն իրականցում է մեծ աշ[ատանք՝ հայի ձևավորման, երիտասարդ սերնդի հոգևոր դաստիարակության, հոգևոր-մշակութային արժեքների պահպանման և զարգացման ուղղությամբ։ Լիահույս եմ, որ կենտրոնը նույն պատվով ու նախանձախնդրությամբ կշարունակի իր գործը»։
ՌԴ-ում ՀՀ արտակարգ դեսպանորդ, լիազոր նախարար Վարդան Հակոբյանը՝ շնորավորելով հոբելյանի առթիվ՝ ասաց․ «Բոլորս չափազանց տպավորված ենք այն ամենով, ինչ տեսանք բեմում։ Այդ ամենը շատ հուզիչ էր, իսկ նման երիտասարդների գոյությունը հպարտությամբ է լցնում մեր սրտերը։ Անգնահատելի է «Հայորդյաց տան» անձնակազմի, մանկավարժների աշխատանքը, որի պտուղը ծառայելու էմեր ազգին և հայրենիքին։ Իմ շնորհակալությունը թեմակալ առաջնորդին իր ազգանվեր գործունեության համար։ Մենք սովոր ենք հաջողությամբ ավարտված տեսնել ցանկացած նախաձեռնություն, որն իրականացվում է Եզրաս արքեպիսկոպոս Ներսիսյանի ջանքերով, իսկ «Հայորդյաց տունը» եկավ մեկ անգամ ևս վերահաստատելու այս համոզմունքը»։
Վարդան Հակոբյանի խոսքին հաջորդեց ՀՀ Սփյուռքի նախարարության «Մայրենիի դեսպան» մեդալներով պարգևատրումը, որին արժանացան «Հայորդյաց տան» հոգևոր տեսուչ Տեր Առաքել քահանա Ամիրյանը, տնօրեն Հմայակ Գևորգյանը, հայոց լեզվի ուսուցչուհի Երանուհի Ղազարյանը։
Սփյուռքում ազգային ինքնության պահպանման գործում ներդրած ավանդի, մայրենիի պահպանման և տարածման, երիտասարդներին ազգային-հայրենասիրական ոգով դաստիարակելու համար Սփյուռքի նախարարության պատվոգրերով պարգևատրվեցին «Հայորդյաց տան» ուսուցչուհիներ Սվետլանա Միքայելյանը, Ալվինա Հովհաննիսյանը, Լենա Բեգլարյանը, Աննա Թումանյանը, Ջեմմա Կիրակոսյանը, Արմինե Իջյանը։
Հայ երիտասարդներին հայեցի և ազգային ոգով դաստիարակելու գործում ներդրած ավանդի համար Տեր Առաքել քահանա Ամիրյանը և տնօրեն Հմայակ Գևորգյանը պարգևատրվեցին ՀՀ Կրթության և գիտության նախարարության պատվոգրերով։
Հայաստանի հետ բարեկամության ռուսաստանյան կազմակերպության տնօրենի պաշտոնակատար Վիկտոր Կրիվոպուսկովի կողմից Տեր Առաքել քահանա Ամիրյանն ու Հմայակ Գևորգյանը պարգևատրվեցին ռուս-հայկական՝ հումանիտար և մշակութային կապերի զարգացման համար Բրյուսովի անվան մեդալով։
Տոնական համերգի նպատակը «Հայորդյաց տուն» հայեցի դաստիարակության կենտրոնի գործունեությունը հնարավորինս ամբողջական ներկայացնելն ու տասնամյակի ընթացքում ունեցած ձեռքբերումներին անդրադառնալն էր։ Տեսաֆիլմերի, երաժշտական և պարային համարների միջոցով կրթօջախի գեղարվեստական ղեկավար Շուշանիկ Գևորգյանը ներկայացրեց ազգապահպանման գործում Հայ Առաքելական Եկեղեցու անուրանալի ավանդն ու ներդրումը, ապա՝ «Հայորդյաց տան» առաքելությունը։ Մինչ համերգի մեկնարկը հյուրերը մասնակցեցին կրթօջախի պատմությունը ներկայացնող ֆոտոցուցահանդեսին և հետևեցին «Հայորդյաց տան» փոքրիկ նկարիչների կողմից հայոց այբուբենի «ստեղծմանը», որը համերգի ընթացքում ամբողջապես հավաքվելուց հետո նվիրվեց թեմակալ առաջնորդ Տեր Եզրաս արքեպիսկոպոս Ներսիսյանին, իսկ «Վարդավառ» պարային համույթի գեղարվեստական ղեկավար Մարգարիտա Գրիգորյանը ներկաներին շնորհավորեց իր հեղինակած «Ձոն «Հայորդյաց տանը»» նոր պարով։
Նյութի աղբյուրը. Հայերն այսօր
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…
Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…
«Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O
ՀՀ ԿԳՄՍՆ «Կրթության զարգացման և նորարարությունների ազգային կենտրոն» հիմնադրամը մշակում է հերթական ատեստավորման ենթակա ուսուցչի մասնագիտական զարգացման կարիքների գնահատման աշխատակարգ և ուղեցույց: Գյումրու թիվ 38 հիմնական դպրոցը հանդիսանում է ԿԳՄՍ նախարարության կողմից հաստատված վերապատրաստող կազմակերպություն։ Վերապատրաստումների անցկացման ընթացքում ձեռք բերված փորձը հուշեց գրել այս ծրագիրը, որը հիմք կհանդիսանա ուսուցիչների ինքնագնահատման գործիքների ստեղծման համար։ Ուսուցչի մասնագիտական զարգացման կարիքների գնահատումը նախատեսվում է իրականացնել ուսուցչի ինքնագնահատման, ինչպես նաև ուսումնական հաստատության տնօրենի, տնօրենի տեղակալի, առարկայական մեթոդական միավորման նախագահի դիտարկումների և դասալսումների միջոցով: Գնահատումն իրականացվելու է ամեն տարի՝ սեպտեմբեր-հունվար ամիսներին: Ուսուցչի մասնագիտական զարգացման կարիքների գնահատման ենթակա են տվյալ հանրակրթական ուսումնական հաստատության ընթացիկ ուստարում հերթական ատեստավորման ենթակա բոլոր ուսուցիչները: Դպրոցի տնօրինությունը չունի գործընթացը լիարժեք վերահսկելու և կարիքների վերհանման գործուն մեխանիզմներ, իսկ ուսուցիչը՝ ինքնագնահատման գործիքներ, որը կառաջացնի որոշակի խուճապ ուսուցիչների մոտ։ Ելնելով վերոհիշյալից ԿԶՆԱԿ հիմնադրամի կողմից առաջարկվող ինքնագնահատման հարցաթերթիկը լրացնելու համար անհրաժեշտ է ապահովել ուսուցիչների մասնագիտական կարիքների վերհանման անկողմնակալ, միջանկյալ մեխանիզմ։ Ստեղծել ՈԻԿՀ (Ուսումնական կառավարման համակարգ) հարթակներից որևէ մեկի ՝ MS Teams, Google Classroom, Moodle միջոցով հարցերի բանկ, որն իր մեջ կընդգրկի շարունակական լրացվող հարցեր այն բոլոր բաղադրիչներից, որոնք ուսումնասիրվում են պարտադիր ատեստավորման ենթական ուսուցիչների վերապատրաստման ընթացքում։ Հարցաշարերը կկազմվեն Google Forms կամ MS Forms գործիքներով: Միջանկյալ գործիքները հնարավորություն կընձեռեն ուսուցիչներին մինչև տնօրինության կողմից հարցաթերթիկի լրացումը բացահայտել իրենց կարիքները և լինել ավելի ինքնավստահ և ինքնուրույն շարունակաբար աշխատել իր մասնագիտական զարգացման վրա։ Գործիքի ստեղծումից հետո կառաջարկենք վերապատրաստող կազմակերպություններին, որպեսզի նրանք ևս օգտագործեն այս միջանկայլ մեխանիզմը և վերապատրաստումների որակն ավելի բարձրացնեն, դարձնեն նպատակային, և´ ուսուցիչները, և´ վերապատրաստող կազմակերպությունները հնարավորություն կունենան իրենց աշխատանքի որակը բարձրացնելու, կաջակցենք ԿԳՄՍ նախարարությանը այս գործընթացը արդյունավետ անցկացնելու գործում։ Նմուշ օրինակ, որը սակայն մշտապես փոփոխվելու է և վերամշվելու պայմանավորված կրթական բարեփոխումներով։ Նախատեսում ենք նաև աջակցել մեթոդմիավորումներին դասալսումների վերլուծությունների համար։ Հարթակից օգտվելու հնարավորություն կստեղծվի նաև հանրակրթական դպրոցների տնօրինությանը։ Հաստատված պետական և առարկայական նոր չափորոշիչներում կարևոր դեր է հատկացված սովորողների քննադատական մտածողության զարգացմանը, նախագծեր իրականացնելուն, որը սակայն կարող է միայն իրականացնել այն ուսուցիչը որն ինքը ունի հետազոտական հմտություններ և կարողունակություններ: Չափորոշչային պահանջները իրականացնելու համար անհրաժեշտ է առաջին հերթին զարգացնել ուսուցիչների մասնագիտական և հետազոտական հմտությունները: Շատ ուսուցիչներ ի վիճակի չեն խնդիրները բացահայտելու ինքնուրույն լուծումներ առաջարկելու առավել ևս դրանք լուծելու: Ուսուցիչները պարտադիր ատեստացիոն վերապատրաստումների ժամանակ լուրջ դժվարությունների են հանդիպում հետազոտական աշխատանքեր գրելու ընթացքում, մասսայական արտագրություններ, կոռուպցիոն ռիսկեր: Վերապատրաստումները ավարտվելուց հետո ուսուցիչները մեծամասամբ ի վիճակի չեն լինում ինքնուրույն լուծումներ գտնելու, դպրոցը կենդանի օրգանիզմ է, անընդհատ նոր փոփոխությունների կարիք կզգացվի: Հետևաբար այս պահին առաջնահերթություն է ուսուցիչների հետազոտական հմտությունների զարգացումը: Նախնական փուլում մեր կողմից կիրականցվի հարցում ուսուցիչների հետ, վերապատրաստում անցած Շիրակի մարզի տարբեր շրջանների ուսուցիչների մոտ, բացահայտելու համար նրանց կրթական կարիքները, մասնավորապես հետազոտական աշխատանքներ իրականացնելիս, դասպլաններ կազմելիս: Երկրոդ փուլում ընտրված ուսուցիչների հետ ըստ իրենց կարիքների կանցկացվեն անհատական վերապատրաստումներ և հետազոտական հմտությունների զարգացման աշխատանքներ: Գործնական մասում նրանց հետ կզարգացնեք հետազոտական աշխատանքներ գրելու հմտություններ: Արդյունքում կստեղծվի հետազոտական աշխատանքների բանկ, որը հասանելի կլինի մյուս ուսուցիչներին ևս, որոնք կարող են այդ հետազոտությունների արդյունքներն օգտագործել խմբակների և նախագծային ուսուցման աշխատանքները պլանավորելիս: Բացահայտված կարիքները և առաջադրված խնդիրների լուծումները կփոխանցվեն ԿԳՄՍ նախարարություն կրթական քաղաքականության ռազմավարություններ մշակելու համար:
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
