«ԳԼՈԲԱԼ ԻՏ» ընկերությունը նախաձեռնում է մի շարք անվճար ու վճարովի ծրագրեր և նախագծեր՝ նպաստելու տեղեկատվական և հեռահաղորդակցական տեխնոլոգիաների (ՏՀՏ) ոլորտի զարգացմանը կրթօջախներում:

Ծրագրի շրջանակում 21-րդ դարի համապատասխան կրթական համակարգերի ներդրմամբ և բոլորի համար հավասար հնարավորությունների ստեղծմամբ ուսումնական հաստատությունները կինտեգրվեն տեխնոլոգիական աշխարհին:

Կենտրոնն աշխատում է միջազգային ստանդարտներին և աշխատաշուկային համապատասխան մասնագետների պատրաստման կրթական ծրագրերով, որոնք ներառում են պահանջարկ ունեցող և բարձր վարձատրվող որակյալ մասնագետների պատրաստմանն ուղղված դասընթացներ, ճամբարներ, տեղեկատվական հանդիպում-սեմինարներ և այլն: Ավարտած ուսանողները աշխատանքի հնարավորություն կստանան թե՛ կենտրոնում, թե՛ կենտրոնի հետ համագործակցող կազմակերպություններում:

Ծրագրին կարող են դիմել՝

• 6-12-րդ դասարանների աշակերտներ,
• 1-4-րդ կուրսերի ուսանողներ,
• սոցիալապես անապահով անձինք,
• ուսումնական հաստատություններ,
• զինծառայության ընթացքում վիրավորում կամ հաշմանդամություն ձեռք բերած անձինք,
• Արցախյան պատերազմների մասնակիցները և նրանց ընտանիքների անդամները՝ մինչև 30 տարեկան,

Ծրագրի նպատակն է՝

• Ստեղծել բարձրակարգ միասնական կրթական հարթակ, որը կլուծի կրթություն–պրակտիկա-աշխատանք շղթայի լիարժեք իրագործումը:
• Նպաստել սաների՝ սոցիալական մեդիայի և թվային գործիքների կիրառման զարգացմանն ուսումնական գործընթացի արդյունավետ կազմակերպման նպատակով:
• Աջակցել Հայաստանում տեխնիկական կրթության զարգացմանը:
• Նպաստել դպրոցականների մասնագիտական կողմնորոշմանը:
• Պատրաստել տեխնիկական կրթությամբ մասնագիտական աշխատուժ, որը կբավարարի աճող պահանջարկը:
• Նախագիծն իր ակնկալվող լայնածավալ սոցիալ-տնտեսական ազդեցությամբ հարում է ազգային անվտանգության, տնտեսական զարգացման և կրթության ազգային ռազմավարություններին:

Ծրագրի մանրամասներին ծանոթացե՛ք այստեղ: