Արցախցի մի խումբ պատանիներն ու աղջիկներն իրենց ու հայրենիքի ապագայի տեսլականն են ստեղծում․ «Իմ Ապագան իմ ձեռքերում է» ծրագիր

Հոկտեմբերի 21, 2020

Օրվա խորհուրդ

Մինչ առաջնագծում հերոս տղաները մեր հողն ու ապրելու իրավունքն են պաշտպանում, թիկունքում մի խումբ արցախցի պատանիներ ու աղջիկներ իրենց ու հայրենիքի ապագայի տեսլականն են ստեղծում:

Այս պայծառ դեմքերն են մեր միասնական հայրենիքի ապագան: Նրանք հենց այսօրվանից պարտավորություն ունեն անմահացած տղաների առջև ՝ կառուցելու ավելի լավ, ավելի հզոր երկիր:

Հիմա շատ կարևոր է, որ նրանք ամուր պահեն երազանքները, չհրաժարվեն ապագայի պլաններից և առաջ նայեն՝ անկախ ամեն ինչից: Չէ՞ որ այս պատերազմը նաև նրանց երազանքների իրականացման համար է:

Հենց այս միտումով ԱՀ ԿԳՄ նախարարությունը հայաստանյան գործընկեր կազմակերպությունների հետ մեկտեղ նախաձեռնել ու իրականացնում է«Իմ Ապագան իմ ձեռքերում է» ծրագիրը, որի նպատակն է նպաստել ապագային միտված պրոակտիվ մտածելակերպի ձևավորմանն ու մասնագիտական կողմոնորշմանը:

Մասնակիցները ինտերակտիվ խաղերի, հարց ու պատասխանի միջոցով փորձում են վեր հանել իրենց երազանքներն ու նպատակները, ուրվագծել դրանց հասնելու ուղիները, գտնել իրենց տեղն ու դերը ապագայի համայնապատկերում:

Քառօրյա դասընթացների ընթացքում մասնակիցներն այցելելու են նաև մի շարք կազմակերպություններ՝ ծանոթանալու արտադրական գործընթացին:

Ծրագիրը 9-12-րդ դասարանցիների համար է և շարունակական է լինելու:
Մասնակցելու համար գրեք Արցախի Հանրապետության կրթության, գիտության և մշակույթի նախարարություն ֆեյսբուքի էջին՝  https://www.facebook.com/edunkr.am:

Նյութի աղբյուրը. Արցախի Հանրապետության կրթության, գիտության և մշակույթի նախարարություն ֆԲ էջ