ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ԱԲ
ՈՒՂԵՑՈՒՅՑ

ԿԳՄՍ նախարարի տեղակալը հանդիպել է եզդիական համայնքի երիտասարդ ներկայացուցիչների հետ

Օգոստոսի 29, 2020
Պաշտոնական

ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն այսօր ընդունել է «Մարդու իրավունքների եզդիական կենտրոն» իրավապաշտպան հասարակական կազմակերպության ներկայացուցիչներին:

Նախարարի տեղակալը, ողջունելով երիտասարդներին, տեղեկացրել է, որ նախարարությունն այժմ ոլորտային բարեփոխումներ է իրականացնում, կրթության, երիտասարդության, մշակույթի և սպորտի ոլորտների զարգացման համար մշակվում են ռազմավարական փաստաթղթեր` նախատեսված մինչև 2025 թվականը: Ա.Մարտիրոսյանն այս համատեքստում կարևորել է հանրային հատվածի, այդ թվում նաև ազգային փոքրամասնությունների մոտեցումը ներկայացնող կազմակերպությունների նախաձեռնողականությունը և ակտիվ մասնակցությունը ոլորտային պետական քաղաքականության ծրագրերում. «Ստեղծվել է պետական երիտասարդական քաղաքականության ռազմավարությունը մշակող աշխատանքային խումբ, որը լսելով երիտասարդներին՝ ուղենշելու է հիմնական թիրախները: Պատրաստ ենք անկաշկանդ երկխոսության և բաց ենք գործնական առաջարկությունների համար»,-նշել է նախարարի տեղակալը:

Կազմակերպության նախագահ Սաշիկ Սուլթանյանը նշել է, որ իրենք ազգային փոքրամասնությունների իրավունքների իրացումը դիտարկում են մարդու իրավունքների իրացման տեսակետից` կարևորելով հատկապես կրթական, երիտասարդական և ինքնության պահպանման խնդիրները:

Իրավապաշտպան կազմակերպության երիտասարդ ներկայացուցիչներից Լենա Միրզոյանը պատմել է, որ այս տարի ընդունվել է ԵՊՀ` սոցիալական աշխատանք մասնագիտությամբ: Ազգային փոքրամասնություններին ԿԳՄՍ նախարարության հատկացրած տեղերի հաշվին` նա կրթությունը կստանա անվճար:

«Մարդու իրավունքների եզդիական կենտրոնը» նաև մեդիա հարթակ է ստեղծել` «Խիրատ» /xirat.com/, որը ներկայացնում է Հայաստանի եզդիական համայնքի կյանքը, մշակույթը և իրավունքների ապահովումը:

Հանդիպման ընթացքում կարևորվել է նախարարության հետ համագործակցության առավել սերտացումը, անդրադարձ է եղել ազգային փոքրամասնությունների մասին պարբերաբար հրապարակվող զեկույցներին, եզդիական համայնքի կրթական խնդիրներին:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Թվային բուրգ․ տեսանելի լուծում՝ տրամաբանական մտածողության միջոցով

    Թեմայի հեղինակ՝ Մարիամ Մատինյան

    «Անհայտ բաղադրիչի գտնելը» թեմայի շրջանակում երկրորդ դասարանի սովորողների համար թղթից պատրաստել եմ դիդակտիկ մոդել՝ թվային բուրգ: Մոդելի միջոցով երեխաները ակնառու կերպով տեսնում են առաջադրանքի լուծման ամբողջ ընթացքը: Առանձին թղթե մոդելը…

  • Գրական ստեղծագործության բազմակողմանի ընկալումը՝ դերային հարցազրույցի միջոցով

    Թեմայի հեղինակ՝ Մարիամ Մատինյան

    Գրական ստեղծագործության ուսումնասիրությունը չպետք է սահմանափակվի միայն ընթերցանությամբ և բովանդակության վերաբերյալ հարցերին պատասխանելով: Կարևոր է, որ սովորողները կարողանան խորությամբ ընկալել բնագիրը, բացահայտել նրա գլխավոր ասելիքը, գաղափարական առանցքն ու հեղինակի ուղերձը,…

  • Գրականություն`առանց սահմանների

    Թեմայի հեղինակ՝ Տաթուշ

    Գրականություն` առանց սահմանների. Ինչպե՞ս դասական տեքստերը դարձնել կենդանի և կիրառելի ապագայի քաղաքացու համար «Գրականությունը ժամանակի մեջ ճանապարհորդություն է, բայց նրա վերջնակետը միշտ մարդու սիրտն է»: Հաճախ մենք՝ հայոց լեզվի և…

  • Ինտերակտիվ մեթոդների դերը

    Թեմայի հեղինակ՝ Anna Babayan

    Ինտերակտիվ մեթոդների դերը 4-րդ դասարանցիների քննադատական մտածողության եւ համագործակցային հմտությունների ձեւավորման գործում Բանալի բառեր: ինտերակտիվ մեթոդներ, 4-րդ դասարան, քննադատական մտածողություն, համագործակցություն, կրտսեր դպրոց, «6 մտածող գլխարկներ», փոխուսուցում: Ներածություն Հանրակրթության պետական…

  • Օտար լեզվի դասավանդման մեթոդները

    Թեմայի հեղինակ՝ Սիրանուշ Մելքոնյան

    Հարգելի գործընկեր, ուզում եմ խոսել մի թեմայի մասին, որը վստահ եմ կհետաքրքրի օտար լեզու դասավանդող ուսուցիչներին: Գաղտնիք չէ, որ ժամանակակից աշխարհում օտար լեզուների իմացությունը կարևոր դեր ունի անձի կրթական, մասնագիտական…